الدقيقه خمس وثمانين ودفاع فريق لخويا بنص ملعبه
الدقيقه تسعين وثمانيه لاعبين هلالين بنص ملعبهم
الدقيقه اربع وتسعين ولايوجد سوى ياسر والكوري بنص ملعب لخويا
الدقيقه ثلاث وتسعين والدوسري يستعرض وعدد من لاعبي الهلال داخل منطقه الجزاء ينتظرونه يرفع
من بدايه المباراه وانا احس ان الهلال يلعب بقطر
__

كتبت هذا العنوان بعد مباراه الاتحاد بالذهاب وفعلا خرج الفريق من الكأس
وكتبته بعد مباراه الاياب وفعلا بدأنا نكتب اولى خطوط الرحيل المر
المشكله الى الان الدفاع عن المدرب
طريقه المدرب سئيه ولاتصلح الا لفرق مثل الفيصلي
عناصرالفريق بحاجه الى مدرب مثل مدرب لخويا

ياخي والله بعض العقليات من جمهورنا ترحمه وش اللي بطل انتقاد والله مانكب الهلال الا انتو
ياخي خلونا ننتقد نطلع الحرة اللي فينا اشباه لاعبين في الملعب وين ايام محمد بن فيصل والله اسماء وعقود ورواتب اقل من الان بكثيررر لكن في شي اسمه احتراااق للشعار الرئيس يحضر كل المباريات يحفز اللعيبة موب ابن مساعد الله لا يوفقه موب سائل عن اللعيبة واذا طلع الهلال من اسيا قدم استقالته وجاك ادارة المنتدى تطبيل تفداك الف بطولة يا ابن مساعد ويثبت الموضوع
يا عمي طيررر وش اللي تفداه لا والله يخسى حنا نحترق وهو همه السفر والونااسة
فرصتك يا ابن مساعد اثبت لنا انك شجااع لو مرة اقل المدرب واحضر سامي الجابر
روح هزأ المراهقين اللي في غرفة الملابس والله حنا نبكي وهم يوزعون ابتسامات للكاميرات

صدقني يا ابن مساعد الجمهور فقد الثقة فيك هذي فرصتك اقالة المدرب
وشوفو يطلع بعد شوي يقول موب من مصلحتنا نقيل المدرب في هذا الانسجام
اقوول بس اركد اي انسجام يالحبيب فريقك مهززلة
والله دام معسكر الهلال في اوروبا وبالثلوج ويجي اللاعب ينطق في الملعب حرارة 65 اكيد بياكل تبن
عسكر فيهم بالربع الخالي خلهم يعرفون ان الله حق عيااال .....

المشكله نفس الاخطاء بمباراه الاتحاد وكتبت موضوع بهالعنوان وانواع الهجوم والدفاع عن زلاتكو واللاعبين والرئييس
وكتبت نفس الكلام وقالوا اعطوا زلاتكو فرصه ترى مااخذ فرصه وهو من نص الموسم الا كل الموسم وهو بالهلال ومشكلته طرريقته لانديه صغيره
ياأخي الواحد اللي لعب كوره وفاهم كوره يرد
واللي حده بلاستشين لايرد
اللاعبين كلن اخذ عقد وخلاص بطل يلعب
عندك الزوري وعندك البيشي وغيرهم كثير
وانتظر العابد منجم عشان يعطونه عرض وبعدها يطفي

ماعليش وضح لنا واشرح وفسر
دول بعد ماأقيل اعطيت المهمه لسامي ومن اول مبااراه تلاعبوا بالنصر والاتحاد
واللعيبه هم اللعيبه بس الطريقه وقوه الشخصيه اعطت نتيجه
وكلامك فيه شئ من الصحه بس لاندور اعذار
ترى فيه فرق بين الهلال ولخويا اللي ماصار له كم سنه
فيه فررق بين فريق يلعب لو بالخبره الاسيويه وفريق هذا ثاني مشاركه له
ياأخي جاي تقصص جناحات الهلال وتقتل هيبته وكأنه فريق مغمور بأي حق
وين الرئيس وين اللي حول المدرب يقولون له استوووب
والا الظاهر الرئيس مابراسه اصلا كوره لاهو ولا اللي بالنادي

صدقني ويسلي المسكين ماله علاقه
اقسم بالله لو حطني هالمدرب بنفس مكانه واللعيبه تستعرض ويلعبون كوره غريبه
لااحذف الفنيله واطلع من االملعب
طريقه المدرب وارجع شوف وين حاط ويسلي
الرجال ملخبط ومضيع
هالمدرب اضاع هيبه الهلال
حتى الشلهوب ضايع مكانه غلط