خلها ضربة معلم يا ريّس !
 

بما انه قرب انتهاء الموسم اتمنى تسريح جميع الاجانب الـ4 وجلب اجانب جدد ويستحقون ارتداء قميص الزعيم
واتمنى جلب "" رونالدينهو "" لاعب مازال يمتلك الكثير من المهارات ولاعب طراز اول في صناعة اللعب اعتقد اللي جاب نيفيز يقدر يجيب الساحر رونالدينهو
من فوائد لعب رونالدينهو للهلال :
1- يضيف قيمة فنية للهلال والدوري السعودي
2- يلفت انظار العالم للهلال وتزيد شعبية الهلال في الخارج
3- واكيد وجوده سوف يزيد الحضور الجماهيري التي تريد لاعب " يمتّعها "
4- اسم رونالدينهو مرعب للخصوم
5- لاعب سوف يفيد الهلال في الاسيوية

بالمفيد المختصر لاعب سوف يفيدك كثيراً في النواحي الفنية في ارض الملعب وسوف يفيدك كثيراً تسويقياً الى اخره...

دمتم بخير:ba:

ذكرتني ببونيدكور يوم جاب ريفالدو هههههههههههههههههه , حنا ما نبي شعبية ولا ناس تلعب عالواقف , نبي ناس تحرث الملعب وتحترق للشعار مثل ما يحترق الجمهور في المدرج , الاجانب مافيهم احد نقول عليه انه جبار ومستحيل نتخلى عنه , لانهم مره فوق و مره تحت وغير ثابتين في المستوى , ويسلي والكوري اتمنى يروحون ويجي بدالهم اجانب عليهم الكلام , اوزيا وبوليفار اذا تحسن مستواهم وثبت وإلا يتم استبدالهم ايضا , الهلال بوجود زلاتكو ينقصه أجانب مؤثرين ويصنعون الفارق في ظل وجود اللاعبين المحليين الأساسيين وحط تحت اساسيين 100 خط .

اخاف يصير نفس دينلسون مع النصر؟؟؟

نبي شباااب يحرثون الملعب حرث،،


والله البراازيل متروووسهـ مواااهب ومغمورين ولكن يعملون الفاارق،،،،


ولكن وين الذي يبحث ويأتي بهم؟؟؟


تشكرااات اخوي،،،

من تبي غيره طال عمرك!!!
هذا الزعيم الملكي حبيبي
مو مجمع كديش؟

مو كل من يحرث الملعب فنان
تشافي يلعب عالواقف لانه صانع لعب ومن لمستين ينهي المباراة وهذا المطلوب من رونالدينهو
تعليقك متناقض تبين لاعبين يحرثون الملعب وتقول جوستافو اذا تحسن مستواه يجلس
عجيييب!

هلا فيك اخوي بن جبله
دينلسون فشل مع النصر لانه لم يجد البيئة المناسبة
الشباب الحاله مايفيد واذا على شباب يحرثون الملعب موجود في النادي كثير ولكن مانفتقده الان صانع لعب مميز صحيح الشلهوب موجود بس لياقته ماتساعده واذا جاء رونالدينهو بيعمل الفارق وراح يفيد اللاعبين الشباب

تقبل مروري

رونالدينهو شخص واحد صار كديش شي حلو !،،
رونالدينهو افضل لاعب في العالم 2005
فاز بكاس العالم 2002
فاز بدوري ابطال اوروبا 2006
الى اخره

الحين رونالدينهو صار كديش مبغى اتكلم بس شكلك ماتفهم كثير في الكورة !!

انت من تشوف كرشته وشلون صايره تغسل يدك الاعب انتهى وما عاد يهتم بنفسه
وقبل كم شهر سمعنا انه رايح سكران على التدريب وتبغى تجيبه هنا لا بالله عينا خير
لاعب اهمل نفسه وقتله موهبته وش تبغى فيه

نبي لاعبين اجانب مغمورين يعني يبون يثبتون انفسهم زي ايلتون وفيكتور سيموس ورادوي وسيرجيو والكاتو حقين الهلال اول
ونيفيز يوم جا للهلال كان مغمور يبي يثبت نفسه وصار الي صار
عكس لوبيز غير انه كبير بالعمر شوي الا انه صار بعد العروض الرومانية يلعب عالواقف

على اي اساس طالبته ؟

على شان شفت له مقطع او مقطعين منتشرة بالبي بي ؟

ولا على شان اسم اللاعب نفسه ؟ لانه كان كذا وكذا وكذا

او انت متابع فريقه آتليتكو مينيرو ؟

ولا انت متابع الدوري بشكل عام وعلى هالاساس قررت ان من الافضل جلبه لانه جدا مميز بالدوري البرآزيلي ؟

..

شوف اذا كان سبب اختيارك اول سؤالين فأنت ماعندك سآلفة :to:

اذا كان سبب اختيارك للاعب على شانك متابع فريقه .. , بتعرف ان عندهم لاعبين افضل اداء من رونالدينهو , مثل ديقو تراديلي اللي كان يلعب بالدوري القطري .. شي طبيعي بيتكيف هنا لانه تعود على اجواء الشرق الاوسط عكس السآحر رونالدينهو اللي مايقدر يترك الشرآب :p

عاد اذا كان اختيارك لانك متابع الدوري .. عاد ياخوك فيه لاعبين والله مجآنين وافضل من رونالدينهو .. , لكن ما اشوف لها داعي اذكر اسماء اللاعبين لان ما اتوقع بيسمعونا .. , = /

موفق عزيزي ^_^

اثني على كلام اخوي بن جبلة ~

اذا بيجيبون رونالدينهو الله يكثر خيرهم نبي لويس فابيانو بدل ويسلي ويو 2*1

ولا يهون راول مع السد وباتستوتا مع مدري من .. يومه يسكن بالامارات ويحظر المباريات من هناك

معليش اخوي احترم وجهة نظرك
لكن صدقني لو الادارة تعتمد على ناس لهم خبرة في جلب لاعبين مميزين
مانبي اسماء مشهوره نبي ناس تعمل فارق واشوف ان فيه اسماء مميزه
لو حصلنا اللي يفهم كوره صح

نبغا كريستيانو قرب رحيله من الريال 