|
الارهاق كذبه قويه !! والدليل لخويا ( ما وقف قطاره ) بسم الله الرحمن الرحيم بادي ذي بدء، هارد لكم ايها الزعماء والزعيمات ( لم يكتبها الحي القيوم )، ان شاء الله خيره. لا اخفيكم سرا لاول مره اشعر بالتفاءل وعدم الزعل من الخروج بواسطة ( الراسب الفجال ). هناك عوامل كثيره ساعدت في الخروج من كأس الابطال (ليس عذر كان بالامكان افضل) اهمهما: 1- التحكيم (اجرم) في حق الهلال خاصة (الطحلبي) جلال الذي يخشى ومنسوبي الاهلي الهلال اكثر مما يخشون برشلونه والذي على ضوئه تم تعيين جلال بقرار اهلاوي !!! 2- الاداره التي صبرت على خليفة (احمد علي) الكوري الذي لا يعرفه حتى الكوريون !! كذلك ابقاءها وجلبها للاعبين اتحدى ان يقبل بهم نادي مثل الفتح (الكبير فكرا الفقير ماديا) !! فلو وجد لاعب بمواصفات بدر المطوع او عماد الحوسني لهزم الهلال الحكام و( اللئام ) !! لكن وبعد ان (فات الفوت) على الادره الكف عن التلميح بعذر ( الارهاق !! ) الذي تنتهجه الاداره كل موسم بالتذمر من الارهاق حتى قبل المباريات الحاسمه على طريقة (جهز العصابه قبل الفلقه)! جميع الفرق التي قابلناها تلعب مثل الهلال واكثر! بل نادي ( لخويا ) من سيقابله الهلال الاربعاء القادم في الملز لعب الاربعاء الماضي (كأس الامير) وسيلعب غدا لقاءا قويا امام السد متمنيا لهم التوفيق بعد ( مباراة 120 دقيقه ) ومن ثم سيأتون للرياض وفي حالة ان تجاوزوا السد سيلعبون السبت القادم النهائي بمشيئة الله، ورغم ذلك لم نسمع من قيرتس او ادارة الفريق ان تحججوا وروجوا لاكذوبة " الارهاق " !! على ادارة وجماهير واعلام الهلال ان ترفض هذا المصطلح الكاذب ( القاتل ) حتى لا يصدقه لاعبي ( الملايين ! ) وبالتالي يتخذونه شماعة ( مجهزه ) للاخفاق لا سمح الله. |
الارهاق ما يجي من مباراة والا مباراتين الارهاق يحسب لك طوال الموسم كم لعب الهلال من مباراة وكم لعب الخويا وهل تقارن التنقلات داخل المملكة بالتنقلات داخل قطر التي تذهب من مقر النادي الى الملعب على رجليك ياعمي الهلال خلال شهر ابريل وحتى الآن تنقل في اكثر من مدينة ودولة |
حبيبي اللي ما تعرفه 13 لاعب اجنبي بين مجنس ومحترف وغير المحليين يعني عنده رديف بس فريق سهل في الاسيويه والدليل ارجع للمبارياته في اسيا عشان الاجانب اللي معه الهلال مشكلته انه لعب مع لاعبي شباب اتحاديين كل واحد يبي ثبت وجوده في التشكيله الاساسيه الفريق الاول وفوزهم يثبت لهم انه فريقهم صار قوي |
الارهاق ولا سواه بعد ارادة الله تعالى |
إقتباس:
والموسم الماضي الاهلي وصل للنهائي !! والموسم الذي قبله الاتحاد ( ثلاثيه ) !!! وهما يلعبان في مملكتنا ولم يتعذرا ب " الارهاق " !! |
انت تبي فريق كهربائي لا يكل ولا يمل بل يعمل بنجاح دائما حتى برشلونة خسر وطلع من بطولات وليقاتهم افضل من فرق كثيرة حدا على مستوى العالم انصحك تسوي دوري بالبلاستيشن يمكن تجيب بطولة وتستانس .......لاعبين لايتعبون!! |
إقتباس:
شكلك نسيت تاجيل مبارته مع الاتحاد |
كل موسم نفس الأعذار الفريق لازم يتغربل من المحليين ويكون فيه لجنه متخصصه للتعاقدات الأجنبيه وسرعة حسم التعاقدات محليه او أجنبيه او مدربين الله يفرجها من عنده عوافي تأبط سرا فاقدينك :-) ..... |
نصبر لبعد مبارتي لخويا بعدها لكل حديث حديث يارب تجعل التاهل من نصيب الهلال |
إقتباس:
انا اتكلم عن الاهلي الآن (المرهق !!!) الذي سحق النصر رايح جاي !!! |
إقتباس:
+1 ريال مدريد كان تفكيره كله في ابطال اوروبا وخسر التأهل وخسر الدوري هذا رد للناس اللي تقول نبي الاسيويه بس الفتح كل طموحه التأهل لابطال اسيا وجاب الدوري |
إقتباس:
ما تفقد عزيز ان شاء الله. |
إقتباس:
وتفرغ لمباراه النصر الهلال امام العين والريان وقبلها في ايران مع الاستقلال الهلال نافس على خمس بطولات في مواسم واحد بدون بديل الارهاااق واضح ... |
إقتباس:
الاهلي مرهق من اي ايش اصل مباريات سهله في اسيا والنصر اسهل لهم من اسيا ثاني شي شوف مجموعه الهلال ومجموعه الاهلي |
الاهلي لعب بالرديف في اسيا وفقد الدوري مبكرا وخرج من كاس ولي العهد مبكرا ولعب في اسيا مع فرق ضعيفه جدا والدليل انه يخسر محليا ويفوز خارجيا |
إقتباس:
يعني اللاعبين معذورين لو اخفق الفريق لا سمح الله ؟؟!! ونستمر كل موسم التحجج بهذا العذر ( البليد ) !!! كلها مباراتان فقط وخصمنا يلعب كل 3 ايام !!! ليس لاحد عذر ( هذا الذي يجب ان نوصله للاعبين ان كنا هلاليين ). |
بوسة على راسك ياصاحب الموضوع , الهلال في كل سنه يخرج من الاسيوية بشكل مخجل ويعتذر بالارهاق , يعني ما فيه الا حنا اللي يجينا ارهاق ؟ والاندية الثانية ضد الارهاق مثلا !! اتمنى الصرامة مع اللاعبين ياخذون ملايين ابيه يحرث الملعب ويطلعها , لو يلعب على راسه , شوف ادارة الشباب كيف تسوي مع اللاعبين , اي لاعب ما يأدي يخصم من راتبه واللي يأدي مكافأة , لازم يطبق هالنظام عندنا , ما طلعنا من امام الاتحاد الا اللاعبين المتخاذلين والباردين |
الزعيم مستواه الفني ثابت تقريباً لكن ما يخيف أنه لا يمكن التنبؤ بالنتيجة مهما كان الهلال متسيداً للمباراة و مسيطراً عليها تماماً . شكراً للجميع |
هذا حالنا كل سنه يطفي الفريق بنهاية الموسم |
ثق أن اي ادارة تحاول أن تخلق المبررات لفشلها قبل حدوث الفشل هي إدارة فاشلة .. وتعلم جيدا أنها فاشلة ومقتنعة بهذا تماما .. ولكنها تحاول إخفاء ذلك الفشل عن الآخرين بخلق المبررات .. لعلها تجد من يصدقها ويلقي باللوم على الظروف التي عطلت ابداعها الإداري !! لأنها ببساطة تريد أن تستمر بالرغم من فشلها .. ولايهمها مصلحة الكيان بقدر حرصها على أن تبقى بالأضواء اطول قدر ممكن . والمصيبة الكبرى أن ادوات العمل ( اللاعبين ) عندما تصل اليهم هذه التبريرات يستكينوا لها ويتعايشون معها ويقتنعون بها ، وبالتالي تقل لديهم الرغبة ببذل المزيد من الجهد .. كيف لا والرئيس هو من أعطاهم الضوء الأخضر وقال لهم أنتم مرهقون ولا لوم عليكم !!!!! |
إقتباس:
بيض الله وجهك .. هذا الكلام اللي يجمد على الشارب. |
ولاتنسى الاهلي ايضا .. العام كان ينافس على جميع البطولات وحقق كأس الملك وحقق الثاني في الدوري ونافس ووصل الى النهائي لكأس آسيا وكان قريب منها.... |
طبيعي يأثر عليك الارهاق وضغط المباريات إذا كانت بدلائك هم "مسعد ونامي والحارثي وخيرات" فالمداولة صعبه مادامت هذه دكتك |
الارهاق صراحة هذا العذر هو من اسباب ضعف عطاء بعض اللاعبين فاذا لم يقدم المستوى المطلوب اول ماتخطر في باله (( ارهاق )) وياتي من بعده الرئيس والمدرب ليصادق على هذة المقوله وكانه لايوجد فريق يفوق الهلال في عدد المباريات !! اخيرا تمنيت ان يكون بدر المطوع بديلا للكوري |
انت شوف الاصابات اللي داهمت الفريق وبعدين تكلم عن عذر الاداره عن الارهاق بعدين اذا نبي الاداره ماتتحجج بالارهاق لازم نقول لهم يوضحون اهدافهم من اول جوله بالدوري سواء انهم يحققون الدوري والاسيويه او الاسيويه وكأس الابطال اما كل بطوله يدخلونها نجلس نضغط عليهم ونبيهم يحققونها واذا ماحققوها كل واحد طلع منشاره وقام ينشر بالاداره ولا اللاعبين هذا مو نقد لمصلحه الفريق |
لو كان فيه جهاز فني قوي كان ما سمعنا بالارهاق والدليل ايام جريتس كنا نلعب ب15 لاعب تفريبا وما سمعنا بالارهاق او الاصابة العضلية... الاعداد الضعيف =ارهاق +اصابات |
إقتباس:
ماهو مركزه في الدوري وماذا فعل في كأس ولي العهد وماذا تقول عن اصابات لاعبيه الكثيره الاتحاد نفس الكلام يالحبيب مباراة الاهلي الاخيره هي الاولى له خارج ارضه منذ عشرين يوما بينما الهلال الرياض بريده ايران الطائف مكه قطر الرياض الطائف مكه الرياض هذا نقل جماعي وليس فريق ======== مشكلة الهلال انه مع الارهاق لعب ضد فريق شاب متحمس ونشيط الا تلاحظ ان جستافوا بدأ مستواه بالارتفاع وكذلك ليقاته البدنية هذا لانه عند التعاقد معه كان الدوري الكولمبي متوقف ولم يبدأ الا في بداية شهر فبراير الامر الثاني كان المفروض على الادارة والمدرب اراحة اللاعبين بعد اتساع الفارق بينه وبين الفتح لكن هل سيرضى الجمهور ويتفهم الامر عند الخساير |
إقتباس:
الاتحاد ركع آسيا مرتين ورفع اسمه فوق, الأهلي ارهق في أول موسم ووصل للنهائي وكان في المركز التاسع, وعاد بقوه وكان بيخطف المركز الرابع, الان قريب من دور ال8 في اسيا وفي نصف نهائي كاس الملك ولعب (أكثر) من الهلال هذا الموسم |
إقتباس:
وهل اعجبك كثرة اصابات لاعبيه |
إقتباس:
هذا يعني ان الفريق يعرف يرتب أولوياته |
والله مساكين اللي يتكلمون عن الارهاق, اشفق عليكم, ترى كل سنه بيتكرر هالسيناريو, لكن واضح انكم تعودتوا على الاعذار وطلعتوا على رئيسكم. واللي مب قد الارهاق والتعب لا ينافس, وبنشوف الاهلي والشباب يلعبون مباراتين نار, ويتأهلون لدور ال8, وابكوا قدام الغرافه ببوليفار وويسلي ويو بيونغ والمحليين النكبات. وقارنوهم ب برونو سيزار والحوسني و بالومينو |
على فكرة سوف تسمع كلمة الارهاق عندما يخسرون من الهلال ان شاء الله |
لو نفتك من موضوع (( حتى الفرق الأخرى تعمل )) كان الامور بخير صغرو الزعيم بتصاريح غريبه .. رفع معنويات الخصوم وامتداحها بشكل غير مقبول شغالين اخصائيين نفسيين للفرق الاخرى لم ولن يتم محاسبه اللاعبين على تقصيرهم |
احترم وجهة نظرك ولكن الارهاق حقيقة يعانيها اللاعب الذي يكون داخل الملعب عندما يريد ان يجري ولكن عضلاته لاتستجيب عندما رغبته في حركة معينه لكن عضلاته تخونه هنا اللاعب يعاني وينعكس ذلك عليه نفسياً بالتالي يصبح اللاعب يعاني ارهاق ذهني وبدني . هذا الموسم كانت البداية لهلال متأخره وحينها قالوا نهم يقصدون ذلك ليتمكنوا من مواصلة اللعب في الاسيويه والان وبعد موسم مليء بالاخطاء الادارية لدينا فريق يلعب 25 دقيقة بشكل جيد بعد ذلك يتوقف الفريق !! امام الخويا اتمنى ان لا يندفع الهلال في اول المباراة ، ويترك لفريق الاخويا الجري واستنزاف لياقته ، ويكتفي الهلال بالدفاع وترك الكرة هي التي تتحرك اكثر على الاقل في الشوط الاول في الشوط الثاني يلعب الهلال بشكله الطبيعي ، في هذه الحالة اتوقع تجاوز الخويا . تحياتي للجميع وأمنياتي للزعيم بالتوفيق |
إقتباس:
خروج من دور 16 في كاس ولي العهد ومركز خامس في الدوري ومجموعة سهلة في الاسيوية ومن يدري قد يخرج من البطولتين الباقية |
إقتباس:
اريد منك اذا خرجت من عملك او مدرستك واصل ولا تقيل |
حسستني اللي يلعبون رجال اليين موب اوادم يا اخوي اللعيبة تعبوا حتى برشلونة يوم ينهزمون من ميونخ قالوا ميسي تعب لعب 54 هذا و هو لياقته احسن من لياقة لاعبينا فما بالك بلاعبينا |
اول مرة اشوف الهلال يلعب موسم كامل بدون مايصعد ولا لاعب من الاولمبي غريبة صراحة اقل شي لاعب واحد يااخي مو معقول ماعندك لعيبة في الاولمبي .. |
عذر الارهاق اقبح من ذنب ؟؟!! الاهلي نفس مشاركاتنا ماشفنا الارهاق اللي قالوا عليه اتمنى معالجة هالمشكله بدل جعلها عذر بعد كل خساره !!! دمتم بخير |
الارهاق موجود بسبب الخال احمد عيد والارهاق يحسب على الموسم كامل بمافيها مباريات المنتخب نشاهد اكثر الاعبين من الهلال |
الهلال مرهق لانه لا يقارن بالاهلي الهلال ينافس في الدوري (2) وولي العهد الاول وآسيا ... اما الاهلي ال 5 وطلع من 16 ولي العهد ... فقط اسيا والملك ... وبيطلع بعد .......................................... والخويا ابشرك طلع من الكاس ؟؟ ارهاق |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd