|
خذ نفس عميق وتعال هنا(للأوفياء فقط) بسم الله الرحمن الرحيم السلام عليكم ورحمة الله وبركاته قبل كل شيء احب اشكر جمهور الرياض على الحضور الجميل امام الاتحاد ومهي غريبة عليكم :ba: طبعاً انا قبل لااكتب الموضوع كنت مقهور ومغبون للخروج من كأس الملك لكن يوم فكرت فيها لقيت انه من مصلحتنا الخروج إن كان هدفنا الآسيوية هل تعلمون يازعماء اننا لو تأهلنا لنصف نهائي كأس الملك نبي نلعبه بعد مباراتنا الاسيوية بيومين ايضاً الاياب نفس الحالة بعد مباراتنا الاسيوية بيومين !! وماراح يأجلون المباريات لان النهائي ومباراة المركز الثالث لازم تلعب بوقتها لانكم عارفين بطولة الملك ومستحيل يعني الملك يكون فاضي بكل الاوقات عشان فريق كرة قدم يعني راح يكون ضغط على اللاعبين ومستحيل ناخذ البطولتين فلذلك على اني مقهور من الخروج لكن احمد ربي عليه عشان مايسبب ضغط للاعبين وبالنسبة للي ينتقدون تكفون تكفون تكفون الموسم الى الآن ما انتهى خلو كل شي بعد نهاية الموسم ولازم نوقف وقفة رجال مع فريقنا بالفترة الحالية لانه بحاجتنا وكثر الانتقاد بيأثر على اللاعبين نفسياً وهالشي ماراح يفيدنا جمهور الهلال الوفي لاتقولون الهلال خذلنا بل نحن فخورين به هات لي فريق بأسوأ موسم يجيب لك بطولة ويصير وصيف دوريه ويتأهل لدور ال16 بالبطولة القارية ماراح تلقى غير الهلال الامل كبير بالتأهل لدور ال8 لكن لابد من وقفة الجمهور والاوفياء راح يفهمون وش مقصدي من كل هالكلام :smilie47: بالاخير عندي طلب (تكفون نبي الملز فل يوم الاربعاء لاتعاقبون هلالنا بعدم حضوركم وهو اللي فرحكم كثير) آسف على الاطالة وشكراً لكم :ba: |
مستحيل هلالي حقيقي يتخلى عن الزعيم هالوقت او في غيره صحيح فيه جمهور فوز كل همها ما يجي زميله ويطقطق عليه بالمدرسه لانه انهزم ويجي يقلب المنتدى فوق وتحت ويبي الادارة تستقيل والمدرب يضف عفشه والاعبين تنسيق ولو نتركه له المجال قفل النادي سنه بس بالمقابل فيه ناس عقلانيه وناس عاشقه لهذا الازرق بكل حالاته وراح توقف مع الزعيم ( وتثق ) فيه ان الكبير يتعثر بس بسرعه يقوم بصراحه انا اتفائل بالهلال بالمباريات الكبيره واذا كان تحت الصغط اكثر من المباريات اللي يدخلها وهو مرشح قوي والنيجه محسومه مسبقاً |
إقتباس:
لكن المقصد كله اننا لانكثر الانتقادات بالوقت الحالي والله اللاعبين بشر ويحسون زي ماحنا نحس والاوفياء مثلك هم اللي يفهمون المقصد من الكلام وبإذن الله نشوف الملز ممتلئ على آخره يوم الاربعاء ونحسمها من الرياض يارب :ba: |
اللي يعشق الهلال ثق ثقه تأمه انه راح يحظر حتى وان كان خارج الرياض بالتوفيق للزعيم يعطيك العافيه |
ان حضروو فهم اوفيااااء وان لم يحضروو فهم معذورين بعض الاعبين لايحترم ارتداء الشعار ولا حتى الجماهير التي حضرت بعد مباراة الاتححاد و الجمهور اللي حضر حراام يطلع هذا العدد مقهور و مهزوم |
نحن مع الزعيم حتى وهو في أسوء حالاته, فكيف إذا كان مستواه جيد مثل هذا الموسم. الفوز والخسارة وارده, ومستحيل أن نجد فريق في جميع مباريات يفوز, لكن الذي يجرح هو أن تأتي بلاعب يعينك في الهجوم, وتجده طوال فترات المباريات يلعب في مركز المحور !!!!!!!!!!! ايضا اخطاء في مبارتين متتاليتين ولم تصحح. لكن عسى أن نتعلم الدروس اما لخويا ونتأهل إن شاء الله .. وفالكم كأس آسيا |
السلام عليكم جدا متفائل ارجو ان نضع حملة و ان يكون شعار او عنوان مثل عنوانك الرائع هكذا ومشكور يعطيكم العافية |
إقتباس:
لازم حنا الجماهير نكون وفيين له حنا نعشق الهلال ككيان مانعشقه عشان لاعبين المباراة يوم اربعاء عطلة نهاية الاسبوع مافيه أي عذر للجماهير انه ماتحضر هالمباراة :yes: |
ان شاء الله يكون الحضور كبير ومغطي الملعب وسجلو عندكم اول مساند للملكي من الدمام بأذن الله |
الأهم هي الآسيوية ياجماعه الان مايلزم علينا هو التشجيع والمؤازرة اللاعبين وان شاء الله يبيضونها الأربعاء القادم |
بأأأذن الله سنرى هلال مختلف مسااء الاربعااا ء يفرحنا ويفرح ذاك الجمهوور اللي سيتكض به مدرجاااات الملزبأأأذن الله تعااالى ..............................ز |
1-وش المشكله إذا خسرنا من الاتحاد والله ماتفرق الزعيم جت له فرص خطيره ولم يتعامل معها في جديه والخساره مونهايه المطاف مباراتنا الجايه علينا كجمهورالزعيم ان نقف مع الفريق وخاصه هالوقت خلونا نتخطى لخويا وبعدين نشوف استعدادات الفريق الله الله ياجمهور الزعيم علينا وقوف جنب الاعبين وآجزم لولا إلاصابات إلي لحقت بالفريق لخرج الاتحاد في نتيجه تاريخيه لن ينساها إلي علينا الحين نبي اكتساح جمهور الزعيم لموقعه الاربعاء مالكم إي عذر اتمنى إني إرى الإموأج الهلاليه مثل مباراه بني ياس ياربأه كن منظر لايوصف من جمهور الهلالي إن شائت الاقدار بحول آلله وتوفيقه والاداره صححت الاخطاء وجلب لاعبين سوبر ستار ديلوكس رآح نشوف الزعيم متوج في دوري ابطال آسيآ هالسنه على خير يأرب وفق الزعيم وفرحنأ معه في بطوله غاليه على جميع هلالي بطوله آسيآ سنه2013 يارب طالبينك هالبطوله لاتردنى خايبين اللهم آمين وفقت في الطرح تقبل خشتي إلي ماجاهأ النوم وتصبحون على خير |
كل شئ مقدر ومكتوب ... وانا متفائل جدا وان الهلال راح يكسب الاسيوية ان شاء الله تعالى . وصدقني ان الزعيم ثابت مستواه من 15 سنة او اكثر والدليل البطولات والتاريخ يشهد على ذلك والطموح لان يتوقف عند بطولة اسيا .... والتوفيق لزعيمنا ان شاء الله تعالى في اسيا وغيرها . |
أولاً : كل جماهير الهلال أوفياء ... ثانياً : على جماهير الهلال مساندة الفريق في جميع الحالات وعدم الضغط على اللاعبين الذين يمثلون الفريق ومساندتهم لإعطاء كل ما عندهم وعدم تجريحهم والمطالبة بغيرهم إلا بعد نهاية الموسم أو على أقل تقدير في فترتي الإنتقال الشتوية والصيفية وإذا أنتهت فترة الإنتقال ولم يستبعد علينا تشجيعه لأنه يمثل الهلال أولاً وأخيراً .... يحق للجماهير المطالبة بإستبعاد أي لاعب ولكن بعد نهاية الموسم لكي لا نكون سبب في تدهور الخانه التي يشغالها اللاعب الغير مرغوب به أكثر من السابق ... أنا طوال الموسم أدافع عن اللاعبين والمدربين حتى كومبواريه ليس من أجلهم شخصياً ولكن من أجل الهلال وسيكون لي موضوع بعد دور 16 مجهز من الآن ولكن لن ينشر إلا بعد آخر مباراة للهلال هذا الموسم . |
اتمنا والدعي الله ان الملز يكون فل ونساند فريقنا الزعيم واحنا مو جمهور وقت الانتصارات نوقف مع هلالنا بسرا والضرا |
| الوقت المعتمد في المنتدى بتوقيت جرينتش +3.
الوقت الان » 04:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd