|
مبسوط لأن الفريق لم يتأهل .!! زعلان لأن الجمهور العاطفي بدأ يسوط شبيه الريح .!! - اولا : هارد لكم جميعا .. - ثانيا : انا مبسوط ياشباب عشان يرتاحون اللاعبين أنا عارف أننا بزمن احتراف وزي كذا بس والله اللاعبين بشر وآوادم مثلهم مثل غيرهم من البشر مو مكاين يعني بالله عليك تخيل انك تلعب دوري وكأس ولي العهد وكأس الملك ودوري أبطال آسيا يلعبون على كل الجبهات , مباراه ورى مباراه والله قمة التعب والارهاق النفسي والبدني وزياده عليها ضغط جماهيري هائل بمجرد خسارة مباراة واحده مو معقول ياشباب ..,, اللاعب كل يوم في ديره وكل يوم بطياره وكل يوم بفندق هذي بحد ذاته مشكله أنك كل شوي نايم بمكان مختلف على الثاني انواع التعب والقلق والارهاق .. والله لو هم مكاين كان تتلف من الضغط اللي عليها .. - تخيل نفسك انت اللاعب بالواقع ؟؟ - اترك لكم حرية التفكير ..!! - أما من ناحية أبو فيصل والله عيب عيب عيب اللي قاعد يصير من سب وشتم عشان الفريق خسر واذا الفريق فاز مو باقي الا تدخلون ابو فيصل الجنه واذا خسر ياويله ويلاه ..!! قمة التناااقض والله .!! ويجيك واحد يقول : جاي يستثمر بالنادي هو و أخوه .. والثاني يقول : يبغى مجد شخصي له وشهره .. - اذا على الاسثمار ترى ابو فيصل اسمه : صاحب السمو الملكي الأمير عبدالرحمن بن مساعد بن عبدالعزيز يعني بالله عليكم واحد حفيد الملك عبدالعزيز جاي يكسب من ورى نادي رعايته السنويه ما تتجاوز ال 70 مليون ريال وربي ماتسوى شيء بالنسبه له .. - الله يزيده ويزيد جميع المسلمين آآآآآآآآمين يارب .. - واذا على الشهره ترى ابو فيصل مشهور بالعالم العربي كله مو بس بالخليج قبل لا يصير رئيس النادي وذالك بسبب شاعريته التي لا يشق لها غبار ماشاء الله عليه .. بالأخير سبكم له فيه فائدتين : الأولى : ينبسط بعض ناس وناس وانتم عارفينهم .. الثانيه : ابو فيصل يكسب أجر وهو جالس فيه بيته بمجرد غيبتك له وأنت تكسب سيئات وهذه المصيبه الكبرى والا الدنيا مو مستاهله ياشبااااااب .. - على العموم آسف على التأخير امتنى أني وفقت بما كتبت .. تحياتي لكم ,, |
كلامك سليم وما قصرت وانا معك في كل كلمة قلتها احيانا العاطفة تغلب على العقل عند جمهور الزعيييم ويعطيك العافية وتسلم الانامل الذهبية |
لازم نقف مع الاعبين تأهل الهلال لدور الثمانيه يعني موسم ناجح رغم كل المشاكل . |
اهلين فيك اخوي نادي الأرض .. شاكر لكم مرورك وتعقيبك .. تحياتي لك ,, |
والله اتفق معك بنقطة انه ماينفع السب على كل الاحوال سواء لابو فيصل ولا غيره ! لكن تجي تطلع لنا بمثل هالاعذار اللي تعطي اللاعبين داعي للتهآون لا وألف لا يآخي ! هذا الاهلي يلعب مثلنا وبنفس اوضاعنا وبنفس مبارياتنا ! ماسمعنا تذمر وشايفين منهم مستوى ممتآز جداً ! عزيزي النادي يدفع لهالاعبين الملايين ليقومو بهالواجب .. اذا مو متحملينه ونفسيتهم تعبانة يعتزلون ويشوفون لهم دوام حكومي 8 ساعات !!! |
استهتار وتضضيع فرص قسم بالله قهر |
كلامك سليم وما قصرت وانا معك تسلم يداك |
اولا الحمدلله على كل حال ثانيا خروجنا من هالبطولة يمكن يكون خيره لنا لانكم اكيد شفتوا جدولة احمد عيد للمبارايات يعني ارهاق في ارهاق ثالثا لاعبين الهلال دائما يبدعون تحت الضغط والدليل مباراة الاستقلال والعين والنهائي مع النصر الا هالمرة شافوا انفسهم على الاتحاد فخسروا ولم يحترموا الاتحاد وكلنا كنا نتوقعها تاريخية في الاتحاد رابعا الاجانب اذا ماعندك اجانب يرجحون كفة الفريق اجل ليه تجيب اجانب وانا في وجهة نظري ان المحلين في الهلال مستواهم افضل من الاجانب اسف ع الاطالة وبالتوفيق لعشقنا الملكي يوم الاربعاء |
انا ضد هذا الموضوع جملة وتفصيلا لان ابو فيصل غني عن مثل هذه المقدمات ولولا حب الملكي لما أتى اليه ولاكن مافيه اي انسان بهذه الدنيا ما يخطئ ولولا التعلم من الأخطاء لما وصل الى القمه. مع ان هذه الأخطاء تتكرر سنوياً وبنفس الأسلوب |
الله يووفق الزعيم في قااااااااااادم المـــباااارريااااااات |
| الوقت المعتمد في المنتدى بتوقيت جرينتش +3.
الوقت الان » 11:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd