|
من هو أسواء لاعب هلالي من بين هؤلاء اللاعبين أولاً هارد لك للملكي الخروج من كأس الأبطال خسارة التأهل بالتعادل في مباراة الليله وخسارته بنتيجه مجموع المباريتين يجب فيها محاسبة المتسبب في الخساراة ومراجعة الحسابات والنظر في وضع اللاعبين السيئين لأن الملكي قادم ع مشاركة أسيوية وإلى الأن الزعيم مايعرف يتعامل مع مباريات الذهاب والإياب ولا يعرف لاعبيه يحافظوا ع نتيجه التقدم من وجهة نظري هؤلاء الاعبين يجب النظر في وضع عقودهم 1- أوزايا 2- ويسلي 3- الكوري يو وعذراً ع الإطاله |
صدقت والله سبب الهزيمه بعد المدرب اللي ماجدد الدماء في نصف الشوط الثاني كان غير الكوري ودعم الوسط وغير الشلهوب ونزل مكانه الغنام او اي لاعب ورجع ويسلي اسوا ثلاتة لعيبه ويسلي الكوري اوزيا |
السديري اوزيا كوري |
يجب اعادة النظر في الاجانب .. زلاتكو مدرب ممتاز جدا ولكن عيبه الوحيد مثل ما قلت .. ما يستغل دكة البدلاء .. على الرغم من عدم وجود بدلاء مميزين , ولكن يجب ادخال احد المدافعين لتغطية المناطق الخلفيه وخصوصا في اخر الشوط الثاني للحفاظ على النتيجه. أتمنى من الادره النظر في ملفات الاجانب الموسم القادم .. يجب التركيز على مباراة لخويا .. وبعد كذا لكل حادث حديث |
أوزويا متميز .... بوليفار والكوري فقط لاغيرهم ... وويسلي مستواة متذبذب وبطئ نتمنى تغييرة للأفضل ... السديري لا زال من خيرة الحراس ... |
يااخوان لاتنسون عندنا مباراتين حساسه في الاسيوية ارجوا منكم تحفيز اللاعبين ونسيان مباراة اليوم الاسيوية هي الاهم تكفوووووووووووووووووووووووووون ومشكووووووووووووورين |
كيف تبيه يستغل البدلاء وهو اصلا ماعنده بدلاء بس الحراثي والمسلم ومسعد ، وكلهم مستواهم ماش ومتوره طويله مالعبو ، طبعا مانحكم على المسلم لانه مالعب كثير ، انا اعتقد ان مشكلتنا اذا غاب لاعب مهم مانلقى له بديل ، مثل ياسر القحطاني مافيه احد يسد مكانه وسالم الدوسري ، واوزيا اذا غاب محد يغطي مكانه غير الزوري ! مشكلتنا اذا غاب عناصر من الفريق تنحاس التشكيلة بكبرها ومافيه بدلاء ، |
صار اوزيا مهب زين الله يخلف بسسس والله انه صخره ولا قصرر الا في ذا الهجمة انتو يا ترفعون بالواحد يا تسبونه |
إلى ما قبل مباراة الذهاب مع الإتحاد … كنتم تطالبون بتجديد عقد أوزيا … عجباً لكم …!! … لكن ما ألومكم " عـــــاطــــفيـــيـــن " |
ما الوم المدرب لعب بافضل الموجودين الخطا يتحمله اللعيبه وتضييعهم للفرص السهله |
إقتباس:
اتمني استبعادهم نهائيا |
السديري فاشل فاشل فاشل والمرشدي اسوا منه حسبي الله على من دهور الفريق |
سبحان مغير الأحوال الحين أوزيا سيء !! وينكم قبل المباراة ليه ماطالبتم المدرب بوضعه على مقاعد البدلاء ؟ الكوري و القرني هم الأسوأ بهالمباراة عدم وجود البديل هو اللي أحرج المدرب الفريق لعب لكن الحظ ابتسم للإتحاد الحمدلله على كل حال بالتوفيق للملكي بمباراته القادمه أمام لخويا |
بهذي المباراة اوزيا مب بيومه اتمنى رحيل كل الاجانب باستثناء اوزيا وعودة هرماش |
المدرب بالمقام الاول لانه الغبي ثاني او ثالث مرة يسوي هالحركة الفريق متقدم وبدل مايحافظ على النتيجة يصر بالاستمرار بنفس الاسماء حتى اخر دقائق المباراة !! والمنافس قاعد يهجم ومدربه يسوي تبديلات وهو صنم مايتحرك !! ياخي يستهبل هذا الدقيقة 80 وش ينتظر مايبدل !! خاصة ان الشلهوب خارج الفورمة ونزل مستواه بشكل واضح الشوط الثاني والقرني يمشي ويعرج !! وسلي كذلك طافي هؤلاء الثلاثي كانوا يحتاجون تبديل مع الخشونة الاتحادية وحيوية لاعبيهم !! لما وقع الفاس بالراس قام ينزل الحارثي !! وكان يسوي هالحركة سابقا بالكوري ينزله اخر الدقايق !! الكوري للاسف الشديد محد فهمه ياخي خله قدام بين المدافعين وعطه باس طويل او تمريره بينهم هو يقدر يكسر التسلل وينفرد واذا ضيع وحده يقدر يجيب الثانية !! لكن للاسف ولاتمريرة من الشلهوب او ويسلي للكوري !! فقط تمريرة وحدة من العابد وسجل هدف لكن للاسف الغي للمس اليد !! كذلك عنترة العابد في الانفرادية المفروض حطها بتركيز بدل الشوت بقوة والمرمى خالي !! والمسؤول بالهدف البرازيلي اوزيا للاسف خذلنا !! الكورة كانت ميتة وهو تسبب بالهدف بتمرير الكرة للمهاجم ومن ثم تركه مرة اخرى يمر بكل سهولة !! اقل شي زحلق الكورة 90% تصقع فيك !! خيرها بغيرها والله يعوضنا خير في الآسيوية آمين يا رب العالمين |
| الوقت المعتمد في المنتدى بتوقيت جرينتش +3.
الوقت الان » 08:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd