ماني زعلان من الخروج تدرون ليه ؟ الأسباب بالداخل السلام عليكم ورحمة الله وبركاته كيفكم زعماء وزعيمات وهاردلكم الخروج المرير على يد الإتحاد لاتاخذكم العصبيه والنرفزه .. للإمانه هالنرفزه والعصبيه كانت عندي من قبل بس بديت افكر بواقعيه ياجماعه رغم الخساره انا شفت الهلال الحقيقي ! لعب تمريرات في مساحات ضيقه ولعب كرات طويله اغلبها صائبه رغم الضغوطات .. واحب اشد على يد ماجد المرشدي على تطوره الملحوظ . واوزيا دي باولا ادري راح تقلبون عليه من بعد ماكنتوا تقولون جددوا له .. لكن عشان خطأ واحد نستغني عن لاعب ممتاز ومأدي مباريات كبيره ؟ لا ماهي معقوله تدرون وش علتنا الكبيره ؟ الأجانب واستثني منهم اوزيا .. ويسلي + يو بيونق + بوليفار المتطور لكن رغم تطوره فيه افضل منه وكلهم الله يستر عليهم ماعدا اوزيا . والله والله والله والله زلاتكو شغال صح .. شوفوا التكتيك ولعب التمريرات القصيره والطويله بشكل ممتاز هذي الشغلات هي نتايج عمل المدرب ولو تركناه للموسم الجاي راح نشوف هلال ممتع + نخليه يختار الأجانب بنفسه + هل زلاتكو هو الي ناول الكوره غلط ولا اوزيا ؟ وما الوم اوزيا على خطأ واحد واقول انهوا عقده ! نفكر شوي انا اقول لاتعميكم الخساره .. بالنسبه لي فرحان بالمستوى والمستوى نساني النتيجه والخروج وخلاني استبشر بالي جاي لذلك ماني زعلان واتمنى تكونون عقلانيين ولا تكونون بس تبغون تهاجمون !! اخوكم محمد |
اوزيا هو سبب خروج الهلال بالمباراة الاولى تسبب في بلنتي من كره ميته واليوم ينطط الكوره ماعنده احد ويجي المولد ياخذها ويسجلون هدف استهتار بشعار الفريق يجب محاسبته |
تكذببببب ع نفسككككك انت ولا ع مينننن مستوىىىىىىى زباله من الهلال خلال الشوطين ز ب ا ل ههههههه ولا هجمه زي العالم استغل ربشه بدفاع الاتحاد الشوط الثاني نتج عنها 3هجمات ورا بعض ضيعهاااا الارعن الكورري غيرهاااااااا ما شفناااااااااا |
يالبى قلبك اكثر شخص عقلاني شفته في هلمنتدى شكرا لك اخوي وانا والله معك ماني زعلان بالعكس عاجبني مستوى الهلال ومابي غير اسيا |
نعم انا معك بالمستوى والتمرير بس المشكله في الانهاء والمشكله بالدفاع فيه خلل كبير وعدم ثقه منهم اتمنى الفوز بالمباره الجايه في اسيا وننسى هاذى المباره |
انت منتا عقلاني انت بارد الفوز والخساره عندك وحده بليز خلي العقلانيه بوقت يكون وقته جاي دحين وتتكلم عن الواقعيه اي واقعيه مع فريق زباله ومدرب بقر |
عبدالرحمن بن مساعد اذا كانن يبغا الاستمرار يبيله ثلاث لاعبين اجانب غير اوزيا يكون محور وصانع لعب ومهاجم او يرحل |
نعوووووض على خير ان شاء الله ههه ’) |
لن يتطور الفريق ما لم يواكبه استقرار فني وزلاتكو هـو الأقــرب والأنسب الآن وبلاش فلسفة أن تأتي بمدرب لم يأتي للمنطقة ويحتاج لوقت ليتعرف ويجرب ويخبص ....... زلاتكو الأنسب حالياً وخلاص تعاقدوا معه حتى يبدأ يخطط للمعسكر القادم وبلاش تأجيل ....!! الإتحاد اليوم لم يقدم مستوى خطأ دفاعـي وهدف !! وكان امتلاك الكرة للهلال |
كلامك سليم والهلال مااسك اللعب 82 دقيقه وغلطه وارده ف عاالم كرة القدم وهدفنا فيهم كان غلطه من دفااعهم نعم الله م كتب لنا هالبطوله رغم اداء ممميز من الاعبين خلونا نركز على مباراة لخويا ونهاية الموسم لكل حاادث حديث |
مهما خسرنا نقو الفاظ زي الناس !!! اوزيا سيء سيء سيء بسببه طلعنا الذهاب خطأ والاياب خطأ الكوري سيء والله لو تخلي المرمى فاضيه ماسجل مااقول الا الله يصبرنا يمين بالله صدعت بسببهم |
كلام سليم ، يعطيك العافيةة وقدمنا مستوى ممتاز رغم ضياع فرص محققه ، شباب الاتحاد ماقدمو الا اخر الدقايق ويستاهلون الفوز لكن الهلال كان افضل ، وهادرلكم يا زعماء |
زلاتكو ماعنده غير هالادوات وماقصر تغير الفريق معه يحتاج لاعبين اجانب وراح يبدع ياليت تخفوا على المدرب وترى الانفعالات بعد اي هزيمه تكون قاسيه اركدوا واليوم استعراض وما احترموا الفريق والمدرب ماعنده عصى سحريه لاعبين ماعندهم روح وفرص ضايعه بالهبل من المباراة الاوله |
بعذر البعض على ردودهم لأنهم لسى مشدودين .. لو خليت الموضوع لبكره كان افضل :) |
والله قهر قهر قهر الكل يتحمل الخسارة وخاصة الشهراني والكوري الكلب وزلاتكو اللي ما ادري ليش ما دخل عطيف ليش ما دخل مسعد وسحب الشلهوب وويسلي وطلع الكوري ودخل سعد والله انا كنت متوقع الاتحاد بيسجل هدف من الدقيقة 70 بس زلاتكو ضيع المباراة والشهراني اخطاؤه كانت بتجي منها كم هدف والكوري المدلل اللي سعد احسن منه لا يجي لي واحد يقول هذا محترف ضيع ثلاث اهداف الله يعين ان شاء الله هالخسارة تكون لمصلحة الزعيم ويفوز في مباراياته الاسيوية Share |
الوقت المعتمد في المنتدى بتوقيت جرينتش +3.
الوقت الان » 04:10 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd