بسم الله الرحمن الرحيم

ماشاءالله وش هالامطار الزينه ,, اللهم زد وبارك المفروض حنا نصير كاننا في افريقيا حر و50 درجه ومكيفات
ومسابح وعسكريم سيارات الفانيلا مع الشوكلاطه وهيك يعني
بس ماشاءالله امطار وكل شي ,, هالصيفيه المره هذي الظاهر العلم بتجلس ف الرياض وبتكشت

قبل كم يوم 4 ايام يمقن
جالسين في جلسه عائليه ونتسامر الحديث ونشاهد التلفاز وقامت اسماء بضرب احمد وكتاب المطالعه صف 4 ابتدائي راجع الواجبات
المهم جالسين وانا منسدح شوي الا خدامتنا طلعت من المطبخ وقفت عند باب الدكه [ المكان اللي جالسين فيه جلسه خارجيه ]
قالت مااااااااامااااا وماسكه يدها وحنا نناظر شفيها ذي
شوي سقطه حياه الفهد في مسلسل الفريه ,, يوم درت ان زجها تزوج عليها ودردب طاحت برى جنب البراده
ونقوم كانا ي سباق وتمسكها امي يا نور نور قومي وش فيك اللي شفناه اصبع يدها فيه جرح كبر ضفري وحتى الدم ماطلع يشاور نفسه
المهم ذي داخت علينا وامي ماسكتها جلها وتطيح مره ثانيه انا جلست ادور قلت يمكن كاميرا خفيه جايبتها من الفلبين صادوه ولا شي
و ارش عليها مويه بارده و ارد على رجلها واخوي فارس الصغير يصيح نور يالله قومي لاتموتين <~ ع كيفك
شوي امي تقول لخواتي جيبو خل وتصبه امي في منديل ونشممها خشمها حسيت انه هروين مير انها شمت الخل والظاهر اغمى عليها زياده
من كثر ما امي مكثره الخل وحاطته على خشمه حسيت ان الخدامه تسوي سلطه في راسها ناقص اقول جيبو طحينه مع ماينيز وزبادي
شوي صحصحت شوي قالت انا بموت شوفي دم دم ,,
نناظر انا وامي ويالله قلنا نوديك للمستشفى قلت يمه يمكن فيها نزيف داخلي يوم جرحت نفسها ولا انها حالمه ولا تستدرجنا وبتسحرنا وتحولنا ضفادع
و وداها اخوي للمستشفى وحنا جالسين نناظر الهلال والاهلي وخواتي ع اعصابهم كانهم ينتظرون وحده بتولد
والنهايه الدكتوره تقول امي سوت اشعه واشعه مغناطيسيه واشعه فوق المغناطيسيه وكل شي ولا صار فيه شي
صرفت لنا لزاق ابو ريالين نربطه على اصبعها ولاقدامها الا العافيه
والحمدلله على سلامتها الزبده
لازم نعرف ثقافات خدامتنا يعني الفلبين اشوف انهم يخافون من الدم يحسبون انهم بيموتون خلاص غ2
عشاان ماترتاعون وهيك
وسلام عليكم