المباراة راحت بخيرها وشرها
 

بسم الله الرحمن الرحيم
والصلاة والسلام على رسول الله
ابدا بالموضوع على طول

اولا :المباراة راحت بخيرها وشرها
ثانيا :ماهو وقت عتاب لازم نوقف مع الهلال
ثالثا :الهلال النادي الوحيد الي مرهق ينافس على اربع بطولات
رابعا :دعواتكم للفريق وان الله راح يوفقه في المباريات الجايه
خامسا : انا اول الحاضرين للمباراة القادمه جاي من الجوف ومعي اثنين

شدو حيلكم ياجمهور الزعيم نبي نهز الملعب هز ونرد على كل من انتقد الهلال

وان شاء الله الهلال راح يتاهل وخل املك بالله كبير

وعندنا البطوله الاسيويه مو وقت العتاب خلو العتاب نهاية الموسم

وبالتوفيق للزعيم في قادم الايام

دعواتكم للهلال احسن من الانتقاد والتقليل من اللعيبه
والخيره فيما اختاره الله

تقبلوا موضوعي بصدر رحب

سباب الخساره كالاتي 1/ زلاتكو لم يلعب بمهاجم صريح ويسلي كان يترجع بسبب المدرب اعطائه التعلميات 2/ القرني او الفرج كان المفروض منهم واحد احتياط وتدخل مهاجم بدل منه سعد او الكوري 3/ البيشي لاعب صراحه مدري شقول عنه نقطه ضعف واضحه ولاعب ينقص الكثير وهو سبب رئيسي هذا الاعب بالخساره ملاحظه: سالم الدوسري صغير بالعمر صاحب امكانيات رائعه لكن الخطاء ليس على سالم بالكرات الاحمر الخطاء على الادره كامله من ابن مساعد والمدرب والمفرج لاعب اخذ كرات امام العين باحركاته ليس له داعي والان يعترض على خطاء ليس بتلك الخطوره وياخذ اصفر سالم اصح يانايم انت تلعب للزعيم اسيا ليس للحواري تعترض على الحكم ابن جيرانكم

انا اتفق معك ان زلاتكو اخطا بالتشكيله

بس لازم نوقف مع الفريق لان حنى بنهاية الموسم

كلها اصلا ست مباريات اذا تاهل بكاس الابطال
لازم ندعم الفريق لين نهاية الموسم
بعد نهاية الموسم لكل حادث حديث
ومافيه وقت عتاب لازم ندعم

الهلال بطل وصراحه مستواه رائع جدا وماقصر في المباراة المهمه أخذها بجداره بالنسبه للخساره بعد هذا المستوى معذور يازعيم والجايات أفضل والحظ يلعب دور بالنسبه للحكم خليل جلال اتمنى من مسؤلين الهلال حنا ضد هذا الحكم اللي حاقد على الهلال من ايام مشاجرته مع سامي والهلال أكبر من هذا الحكم والله يوفق الهلال