|
إقتباس:
تبي تقارن قارن المسافات اللي يقطعونها اللاعبين بأوروبا بالمساحات اللي يقطعونها لاعبين الهلال .. ياحبيبي السعوديه لحالها كبر ثلث قارة اوروبا او اكبر .. لو تحسب المسافه من الرياض الى طهران ان كان تصير اطول من قارة اوروبا بكبرها .. اعرف عن ايش تتكلم بعدين تعال تكلم .. |
صوره بدون تحيه ولاسلام وحسبنا الله ونعم الوكيل وبعدين من يقول مو عذر والبرشا نسيت هزائم البرشا التاريخه اتمنى نكون عاشقين مو مشجعين وقت الفوز الحمدلله الفريق قدم لقاء جيدا وفي الرياض يكفينا الفوز 1صفر ونتاهل |
الخلاصه (( الزعيم الهلالي )) مستهدف وهذا شيء واضح للعيان ؛؛؛؛ المهم كيف نتعايش ونتكيف مع هذا الإستقصاد هنا الشطاره ؛؛؛ وإلا بالله عليكم كيف تفسرون إستمرار خليل الحاقد الكاره للهلال الفاشل لإدارة المباراة والله من بعد كرته الأحمر لعزوز وإحنا غاسلين إيدينا منه كحكم وهوه في كل مباراة للهلال وهو يدخ هدفه واضح نرفزة لاعبي الهلالوإخراجهم من جو المباراة وتهيئتهم للطرد والإيقاف لاحقا حسبنا الله عليه من حكم وعلى من عينه لإدارة المباراة يجب على إدارة الهلالالالالال عدم القبووووووول به حكما لأي مباراة قادمه ؛؛؛ متى نصحي ؟؟؟؟؟؟؟؟؟ |
ياخي والله عيب كل ما انهزم الهلال قلتو ارهاق تحكيم جدولة توقيت ياخي فشلتونا فريق قاعد يلعب في دوري ابطال اسيا ومسوين لنا هالبلبلة انا اتحادي ومتواجد في هالمنتدى من كم سنه وقلتها من قبل اكثر من مرره انا اتحـآدي . . . لكني احب اطلع على منتديات الفرق المنافسه وهذا عادي لكن لما تجيني وتقولي تحكيم وسب وقذف في خليل جلال مع ان خليل جلال يعتمد على حكم الراية وما ذلك ما احد جاب اسمه وهذا دليل على الاحتقان على خليل جلال انا معاكم خليل جلال امس عنده اخطاء تحكيميه اولها عدم طرد اسامه المولد اما الهدف الاول للاتحاد ماهي مسؤوليته مسؤولية حكم الرايه لكن فريقكم بعد ما قصر الهدف جا من بلنتي اللاعب لو ما كان متسلل راح يصير البلتني اوزيا وبوليفار بسبب سرعة مهاجمين الاتحاد ايدينهم تلاقيها على الاكتاف وشفنا كلنا اوزيا في 3 لقطات لما يتقدم عليه مختار يحط ايده على كتفه لانه ما يقدر يلحقه بسبب الطول وانحدام المساحات اللي يحتاجها اوزيا للانطلاق بسرعه كبيره . ثانيا: الغربلة اللي صارت فيا لهلال الشوط الثاني وتغيير المراكز عفست الفريق الاتحاد والهلال امس فقدو اضهره عبدالمطلب الطريدي مصاب والزوري تقريبا مصاب والله يعافيهم وين البديل اسأل المدربين ثالثا: اتحداكم اذا شفتو راس حربة صريح في المباراه غير مختار فلاته وهذي مشاكل فريقكم اما بالنسبه للارهاق الامير عبدالرحمن بن مساعد جالس يتحدى ويبعث تحديات للاتحاد السعودي ويطبق الانظمة ولا ننسى قصة استدعاء اللاعبين للمنتخب وقال انا اطبق انظمة الفيفا ومن حقه لكن الاتحاد السعودي يطبق عليه الانظمة بعد بين المباراتين 4 ايام بالتالي كادارة احترافيه بالتعاون مع الاجهزة الفنيه يكون له فريقين. تخيل ان الهلال قاعد يلعب مع رديف الاتحاد هالموسم لو حذفنا 4 لاعبين اللي هم امبامي وشاندرو واسامه وكريري وضيف احمد عسيري اما البقية كلهم لاعبين صغار ما وصلو 23 سنه وجايين تحطون اعذار لفريقكم بدل هذا ادعمو فريقكم وشبابهم سالم الدوسري امس متعصب وحصل كرت باقل مجهود محمد الشلهوب تسحبه وتدخل سعد الحارثي علشان تعتمد على العرضيات ما عليش سعد الحارثي لاعب متمكن لكنه ضعيف في الالتحامات فما بالك راح يقابل 2 من اقوى اللاعبين السعوديين في الالتحامات سعود كريري والمولد. ما عليش فريقكم انهزم وصعبه قبول هزيمة من فريق شاااب واعد لكن ادعمو فريقكم خلوه يحس بالخسارة ويفوز في المباراه الجايه ما بحياتي دخلت مواضيع في المنتدى الا ولقيت وسب وقذف اما في مدرب اما في حكم اما في لاعب اما في كيان . وانا عندي عضوية في كل منتديات الاندية بصراحه اكثر منتديات فيها سب وقذف ( الهلال - الاتحاد ) |
الا ارهاق ونص بعد واللاعبون صحيح مطالبون بالانضباط داخل الملعب ولكن ايضا لهم حق الراحة وما نلومهم البارحة والله لكن همسة في اذن اللاعبين لا تصرفون كل طاقتكم في بداية المباراة خاصة اذا كانت مثل هالظروف انك تلعب كذا مباراة وفي وقت عصيب لابد من توزيع الجهود الكل شاهد اللاعبين أدوا كل شي حتى بعد الهدف الاول المفروض امسك اللعب اعطي لفريقي الثقة ماقول اعطي الخصم يضغط علي لا اكون انا اللي متحكم في المجريات حتى افقده الثقة في نفسه واشتت تفكيره اعطل اللعب عليهم العب اللمسة الوحدة تغيير المراكز خاصة على الاطراف الضغظ على حامل الكرة بداية من الهجوم حتى لو ما اخذتها منه بس على الاقل تخليه يشتتها او يخطأ خطأ فادح من الاخطاء الفادحة اللي تثبت كلامي ومحد تكلم عليها كانت في لعبة ضغط فيها ويسلي على الدفاع اللي كان ينتاقل الكورة واخطأ المدافع مررها على راس منطقة 18 جاية يا حلاوة على رجل سالم الدوسري كان الحل الامثل انه يسددها لانها جايته مقشرة وتنتظر تسديدته فقط لاغير الله يحفظه سالم استلم الكورة ويبي يتجاوز الدفاع ثم يفكر في التسديد الحمد لله على كل حال يوما ما ستشرق شمس الزعامة من جديد 54 |
إقتباس:
الجدول امامك بالصوره بالتواريخ والكيلومترات .. ان كنت لا تسمي هذا ارهاق وسوء جدوله .. اريدك ان تعود للصوره مره أخرى وتضع العنوان لها بنفسك ... وبالنسبه للتحكيم .. فسر لي الكرت الأول لت سالم الدوسري اللي خسرناه في الاياب وفسر لي تساهل خليل مع اسامه المولد الحمدلله انا لم اقذف بأحد .. ولكن من ابسط حقوقي الاعتراض على ما يحدث |
اي ارهاق هم يمشون هالمسافات على رجولهم ، اطوا رحلة ما تتجاوز ساعتين وهذا طبيعي جداً |
إقتباس:
|
أتفق معك تماماً ولا تنسى أن كل المباريات كانت قوية حتى مباراة التعاون كانت نتيجتها تهم الهلال لو أن الفتح تعثر لكن الله ما كتب |
إقتباس:
فريقنا مرهق وظلم عكسكم تماما مريحين والمباراه عندكم لكن بحول الله موعدنا الخميس والفوز والتاهل هلالي بحول الله |
إقتباس:
نعم فريقنا مرهق وظلم ومانقول الا حسبنا الله ونعم الوكيل لكن بحول الله التاهل هلالي |
ياناس سالم الدوسري يطرد واسامه المولد وكريري يلعبون في أي قانون غير قانون خليل ؟ |
إقتباس:
الهلال تعب والله تعب الله يكون مع الهلال شكراً لك اخوي الصوره واضحه الهلال تعب بالتوفيق لهلالنا |
انا لدي كل الثقة بأن الهلال يستطيع حسمها بالرياض وبنتيجة عريضة ايضا لكن خليل ليست اول مره وكل مره تزداد الكره الا ان وصلت الى هذا الحال الي بطاقة صفراء مو قادر يرفعها في لاعب اتحادي اما بخصوص الارهاق فلا اعلم متى يصير التطور الكلي في انظمة وجدولة المباريات ؟؟ شكرا لكـ صاحب الموضوع :rose::rose: |
لنعتبرها قرصة إذن للاعبين ,,, إعتبروها إستراحه على الطريق مع شاهي في إبريق فالتراخي لا مكان له مستقبلا فعلا العوامل المؤثره كثيره = الإرهاق = الرطوبه = إرادة الحكم لكن لننساها وننظر للأمام ,,,, فهذا هو الهلال ,,, دائما في الأمام |
| الوقت المعتمد في المنتدى بتوقيت جرينتش +3.
الوقت الان » 07:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd