|
بغض النظر عن الخساره وعن النتيجه,,,,,,هذا الاعب ماهو سبب تراجع مستواه برايكمم!؟ ________وبالنسبه للقرني وش الحل معكك السلام عليكم بغض النظر عن الخساره في السابق الاعب سلمان الفرج موهبه برزت مع الفريق من الموسم الماضي تقريبا مستواه كان قممه ماشاء الله عليه كلن يحسدنا عليه يلعب باكثر من مركز سريع ومهاري وصانع ممتاز اما الان بطئ في الحركه يحسسك انه مغصوب انه يلعب تمريرات خاطئه احتفاظ بالكره بشكل مبالغ فيه لا هو الي نفعنا هجوميا ولا دفاعيا مهاراته للاسف اختفت كذلك سرعته وروحه العاليه الكوره تنقطع منه ماشوفه يتحرك ويحاول يصحح خطائه بارد بطئ الحركه يعني الاعب بدل ماكان شايل الفريق صار الحين عاله على الفريق للاسف انا ماحكمت عليه من مباراة اليوم بالعكسس من مباراة اولسان الاياب والاعب مستواه متغيير بشكل غريب اتمنى منه مراجعة حساباته وان يرجع لنا كما عهدناه لاعب موهبه وحرام يختفي القرني محمد لاعب للاسف من اول ماطلع مع النادي قليل اشوفه مقدم مستوى والله اني اذا شفت اسمه بالتشكيله يجيني احباط موب صاحي لاعب تمريراته مقطوعه مستحيل يمرر تمريره ممتازه تمركزه دايما خطا تسديداته اغلبها عشوائيه يحب يسحب ويسوي فيها فنان زمانه للاسف لاعب يحسب على الفريق وحرام يلعب اساسي توه صغير في السن المفروض انه يحاول يطور مستواه اتمنى انه يتطور ويقدم مجهود ومستوى يخلينا نتفائل فيه المباراة القادمه انا متفائل بالفريق باذن الله بانه راح يتاهل برجوع العابد وبتعديل التشكيله واللعب بتكيله الي تعودانها من زلاتكوا 4-1-3-2 محور وحيد وثلاثه وسط واثنين هجوم افضل خطه للهلال اتمنى ان ارى هذي التشكيله في المباراة القادمه: السديري الشهراني-المرشدي-اوزيا-البيشي بوليفار العابد-ويسلي-الشلهوب القحطاني-الحارثي بالتوفيق للزعيم:smilie47::rose: |
سلمان الفرج من بعد ماجدد عقده مستواه نازل يعني هاللاعبين ماعندهم طموح ومستقبل?! مجرد مايجدد عقده ينزل مستواه ياليت الفرج يراجع نفسه |
احيانا ما ادري انه لعب الا اذا شفت اسمه !! يبي له قرصة اذن وتجربة لكرسي الاحتياط فترة من الزمن علشان يراجع حساباته |
مو معقول الاتحاد بالصغار واجنبي واحد والثاني ما كانه موجود يسجل فينا 3 اهداف الفريق كان يقدم مستويات رائعه اليوم بصراحه مستوى جيد في البدايه ولكن بدون تسجيل > مايفيد وبعدين بصراحه مستوى محطم جدا للامال الظاهر ارهاق الاعبين والبيشي جاب العيد اليوم اخطاء بالجمله يجب على الفريق مراجعتها ولا رحنا في خبر كان |
قد اتفق معك بالقرني اما سلمان الاصابه اثرت فيه + انه كان ينجم لما يكون محور متقدم وتلعيبه بالاطراف يقتل مستواه |
اتفق معك على كل ماقلت ولكن ترا الارهاق له دور كبير على الاعبين كل ثلاثه ايام مباراه ماان تكون اسويه او محليه وتنقلات من مطار الى مطار وهذا سبب ضغط على الاعبين اضف الى ذالك الحكم ساعد الاتحاد فالفوز |
الفرج والله الليلة كان نقطة ضعف واضحة في الفريق لازم ينظر في وضعه من الجهاز الفني والاداري |
والله كل اللاعبين الجدد من يشيك ع الحساب يلقاه مبلغ ما عمره شافه الا في الرياضيات ههههه يهبط مستواه 99% زي الي حصل مع سالم الدوسري وبعد فتره طويله جدا رجع بعض من مستواه وهذا دليل ان اللاعبين ماعندهم طموح ورغبه وهوايه اللعب بالعكس تلقاه يفكر كم بياخذ من هالنادي وبعدها طز قدمت مستوي او لا خلاص العقد مضمون وغصب عن النادي يدفع الي اتفقنا عليه وهذي نقطه سلبيه جداً جداً جداً في صياغه العقود عندنا لو تلاحظون اللاعب الاجنبي احيانا يكون نجم في بلده ويجي هنا مايقدم شيء لان صيغه العقد ما تلزمه بشي ابدا في حالة انه ما قدم لك الي انت جايبه عشانه كل الود |
سلمان كان من اللعيبة اللي مستوياتهم ثابتة سلمان لاعب شاب مبدع يستحق دعمنا وتشجيعنا بدلا من انتقاده سلمان في فترة قريبة كان أفضل لاعب سعودي وبإذن الله سيعود كما كان وأفضل |
القرني لاعب مكانه الدكة الغنام والله افضل منه مادري وش غاصبنا فيه زلاتكو اخطائه كثبرة الفرج يحتاج لدكة الاحتياط مثل الفريدي حتى يشعر بان هناك بديل عنه ربما يسترجع مستواه |
لاتقسوا على اللاعبين ..... ف الإرهاق الكبير واضح .....؛ مشكلة الزعيم أنة ..... لا يمتلك صف ثاني ....... بمستوى اللاعبين الأساسيين .....؛ آتمنى أن يستقطب الزعيم أجنبي جناح سريع مثل ..... وليهامسون .....؛ أو سياو ..... أو ...... أو ....؛ لأن غياب سالم والعابد ...... يفقد الزعيم ....... نصف قوتة " صرااااااحة " شكراً للاعبين على المستويات الي قدموها ...... مؤخراً وبإذن الرحمن لن يكون سهلاً على الزعماء ....... الرد في أرضهم وبين أنصارهم وخصوصاً إذا ماذكرنا ...... أنة هدف وحيد يسجلة الزعيم ويحافظ علية ...... سوف يتأهل .....؛ |
قبل تعالج المريض يجب التشخيص والله ماضيع الهلال بالهدف الثاني والثالث غير الدرررررج سلطااااااان البيشي والله ماخسارة غير اسمة |
صحيح ان سلمان الفرج مستواه هالموسم نازل ولكن يجب انه يجرب الدكة كم مباراة ولكم في سالم الدوسري ونواف العابد خير مثال جربوا الدكة وعادوا لمستواهم ونزول مستوى سلمان وغيره من اللاعبين سببه الرئيسي السبااااك السابق كمبواريه وهمجيته وزلاتكو اصلح اشياء كثيرة لكنه لا يملك عصا سحرية ليغير كل شيء من مباراة واحدة وارفع له القبعه لانه اعاد شيئا من هيبة الفريق من غير فترات توقف كافيه لالقاط الانفاس ولكن يجب على اللاعبين مساعدته |
عزيزي الفرج اتفق معك لكن من ساهم في هبوط مستواه المدربين الذين مرووا عليه كل شوي في مركز رامينه يشتت ذهنه يقل عطائه جهد كل خان له لياقه خاصه اما القرني نجم المباره اليوووم ونحتاج دعمه وليس تكسير مجاديفه عشان تمررتين خطأ |
زلاتكو لابد ان يفرض شخصيته على الفريق ككل اتذكر هرماش لاعب مبدع اضاعه المدربون بعدم تحديد واجباته الان نرى هذا في سلمان الفرج ومحمد القرني سلمان ماندري هل هو محور او صانع العاب او جناح ويخربها زود بإصراره على التسجيل في وضع لايسمح له بالتسجيل محمد القرني مبدع لكنه لايدرك ان خطأ واحد في خانته قد يكلف الفريق بطوله وينسف ابداعاته كلها المرشدي لازال يعاني من السرحان في الملعب وهذا المرض انتقل بالعدوى لسلطان البيشي لذلك على المدرب معالجة ذلك بعدم الاعتماد عليهم في مصيدة التسلل وترك اوزيا ليكون آخر لاعب على الاقل اذا سرحوا فيه واحد وراهم |
| الوقت المعتمد في المنتدى بتوقيت جرينتش +3.
الوقت الان » 03:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd