|
خروج الهلال من البطولة الأسيوية من الدور !!!! السلام عليكم ورحمة الله وبركاتة اعلم بأن هناك من يستغرب العنوان , ومن سيردد ( فال الله ولا فالك ) لكن ... انا تعمدت ان اضع هذا العنوان لكي اسأل : 1: ماذا لو خرج الهلال من البطولة الأسيوية لهذا العالم قبل ان يصل للنهائي ؟ 2: ماهي ردة الفعل اللتي سنقابل بها كمجهور أدارة النادي واللاعبين؟ 3: كيف ستكون نظرتنا لمدرب الفريق الحالي ؟ طبعا انا متأكد ان اول ما سيحصل هو المطالبة بأستقالة الأمير عبدالرحمن بن مساعد , والمطالبة بأقالة المدرب واللاعبين الاجانب , وكل لاعبين الفريق المحليين ماعدا ياسر الشهراني , يعني اسطوانتنا لن تتغير الا في حالة الفوز فقط لأنهم يصبحون كلهم نجوم وكلهم ناجحون من الادارة الى المدرب واللاعبين . ماقصدته من هذا الموضوع انه يجب ان يكون لدينا ثقافة الفوز والخسارة , وان نعلم بأننا نشجع الزعيم بالسراء والضراء , ونحمد الله ونشكره على فضله لم نبتعد عن البطولات اكثر من سنة واحدة , فكل سنة والفضل لله ,الاقل نحصدعلى الأقل بطولة ونحقق الوصافة في اغلب البطولات , اسأل الله العظيم ان يوفق الهلال في البطولة الأسيوية هذه السنة وفي جميع البطولات ,, والله اني متفائل هذه السنة بأن الهلال سيكون قريب جدا من البطولة . اسف للاطالة وتقبلوا تحياتي |
انا برد عليك رد واحد اللي الله كاتبه بيصير واحنا هلاليين سواء فاز الهلال او خسر ومع الفريق على الحلوة والمرة |
إقتباس:
وكلمت غيرووووو شيلووووو جيبوووووو |
استباق الاحداث لا أحبه .. بحول الله وقوته البطوله للهلال متفآئل جدا .. وما اتمنى يكون بين كل دور ودور شهووووور .. لأن تصير تغيرات كثيره بالانديه والبطوله ما خلصت :( |
هههههههههـ إي واللهـ بقووووول فال اللهـ ولا فالكـ .. شفت العنوان .. وقلت شكل فيوزاتي ضاربهـ ما عرفت أقرأ .. لكن يوم دخلت وقرأت طلع فيوزاتي برئيهـ خخخخ ثانيا .. ليش هالتشاؤم .. النااااس تتفائل وإن شاء اللهـ بتلقاهـ ..( تفائلوا بالخير تجدوهـ ).. وبعدين هذا حال الكورهـ فوز وخسارهـ .. ودوام الحال من المحال .. إللى علينا نسويهـ وكل شيء بيدين رب العباد ..( إسعى يا عبد وأنا أسعى معاكـ ).. اللهـ يوفق زعيمناااا إن شاء اللهـ ويتأهل لدور الـ ٨ .. وإن شاء اللهـ كأس آسيا من نصيبنااا هالمرهـ .. شكرا ع الطرح ... |
ما اتوقع تكون هناك ردة فعل قوية عند الجمهور الهلالي خصوصا ان الفريق هذا الموسم ليس في افضل حالاته لـ ذالك ليس هناك تفائل جماهيري كبير بالفريق الا اذا واصل الفريق انتفاضاته كما فعل امام الاستقلال الايراني و العين و الريـان |
لو خرج الهلال هالموسم. من الاسيويه. معذووور وامر طبيعي وكنت اتوقع خروجه من المجموعات بكل صراحه لان الهلال لايوجد لديه لاعبين اجانب على مستوى اسياء زد على ذلك الدفاع الذي يعتبر صمام الامان للفريق مافيه وكذلك الحارس. والمدرب جايك في نص الموسم. وعليه ضغوطات. لذلك علينا ان نرضخ للامر الواقع وانا اشوف اذا عدينا لخويا راح يكون لنا شأن كبير في الاسيويه. لانه راح يكون هناك توقف لفتره طويله يعيد فيها الفريق انفاسه ويشوف وضع اجانبه |
انا برد عليك رد واحد اللي الله كاتبه بيصير واحنا هلاليين سواء فاز الهلال او خسر ومع الفريق على الحلوة والمرة |
1-الخروج من الاسيويه شيء طبيعي يحصل لاي فريق ولنا في برشلونه وريال مدريد خير مثال هل حصلوا عليها دائما نظام خروج المغلوب لا يخدم الفريق القوي دائما بل على حسب الظروف والمعطيات 2- ردات فعل الجمهور كل شخص على حسب حجمه والكل حسب ميوله: الغير هلالي: ستكون بطوله له ولاكن نتفختر كهلالين ان نكون همهم الاول تعظم في عيني الصغير صغارها------ وتصغر في عين الزعيم العظائم الجمهور الهلالي منقسم قسمين: جمهور مقتنع ان الكوره فوز وخساره ومعطيات داخل وخارج الملعب وجمهور كطفل والمراءة يرون الرجل على كل شيء قدير 3-النظره للمدرب لا تحكم من خروج في مباراة واحده او اثنتين النظره للمدرب يجب ان تكون احصائيات ومستويات يعني بصراحه زلاتكو اول مدرب الهلال اهداف كثيره تدخل مرمى الهلال ولاكن اخر ست مواجهات هدف وحيد من النادي الاهلي وكان الهلال يلعب بالرديف مستوى الهلال يظهر مع الجمهور والاندية الكبيره هزيمة الاستقلال في طهران والعين في الرياض فرق لها اسمها وقويه وابطال دورياتهم تفوز عليهم مستوى ونتيجه شيء اكثر من رائع من كان يتوقع الهلال سيتاهل من المجموعه بعد الدور الاول؟؟؟ |
خروج الهلال من الأسيوية ليست كارثة هذا حال الكورة فوز وخسارة ولنا في اندية أسبانيا اكبر مثال ولكن اللي نختلف فيه و نزعل منه هو كيفية الخروج من البطولة فقط لا غير بالنسبة لي أنا متى ماكانت الروح والحماس موجود عند اللاعبين وقتالية للفانيلة اللي لابسينها ولا قدر والله وخرجنا والله سأكون متقبل للخروج بكل سعة رحب وسنهنئ اللاعبين والعوض في غيرها |
يعطيك العافية على الموضوع أخوي علي وهذا يدل على عقليتك الكروية ويجب الجمهور الهلالي بصفة خاصة والجمهور السعودي بصفة عامة أن يفهم بأن كرة القدم فوز وخسارة .. مثال بسيط : فريق برشلونة كان أفضل فريق في العالم خلال السنوات الثلاث الماضية وبعد ذلك رأينا برشلونة يهزم بالـ 4 و 3 في أرضه وخارج أرضه ومن ثمّ يقف جمهور الفريق الكتلوني بالتصفيق لِلاعبي الفريق يجب على الجهمور البُعد عن التعصّب .. وأرجوا من الجمهور الرياضي البُعد عن متابعة البرامج الهابطة التي لا تنتمي للرياضة بِـ صلة جمهور الهلال الكبير أرجوا منكم عدم التسرّع في الحكم على المدرب زلاتكو فقد رأينا الفرق بينه وبين كمبواريه فقد أعاد لنا هلال زمان هلال المتعة والفن هلال الإنتصارات وأرجوا منكم إنصاف الأمير عبدالرحمن بن مساعد والأمير نواف بن سعد في الختام بالتوفيق للهلال فوق كل أرض وتحت كل سماء :ba: |
مع احترامي لك اكره المواضيع والعناوين اللي كذا ! اقسم بالله عليكم عناوين ومواضيع مدري وش تبي , طيب واذا خرج شي طبيعي ؟ كل فريق مؤهل انه يخرج اللي بيفوز باللقب فريق واحد فقط من بين 32 نادي .. |
بمجرد دخولك لمواجهات خروج المغلوب من ذهاب واياب فأنت معرض للخروج في أي لحظة ولايعني ذلك ان الفريق سيء ومن يفوز بالكأس لايعني أنه الافضل في القارة فمباريات خروج المغلوب تحتاج للكثير من التوفيق والحظ |
لا أحبذا وضع مثل تلك العناوين لـ جذب الأنظار لأنه أمر مستفز عموماً سـ نشجع الزعيم في آسيا حتى تبتسم السماء لنا |
الدور اللي ماراح نحترم في خصومنا راح نطلع من البطوله غير كذا الهلال ماضي باذن الله في البطوله الاسيويه |
| الوقت المعتمد في المنتدى بتوقيت جرينتش +3.
الوقت الان » 05:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd