|
الكوري الكوره يمين وهو يسار السلام عليكم ورحمة الله وبركاته الجمهور الهلالي الكبير مبروك الفوز بان على الفريق الاجهاد وكانت فيه اخطاء دفاعيه كثيره لكن الحمدلله لااحد يقول مندس او لايفهم كوره بالعكس حبيت اتكلم عن اللاعب الكوري ابي اعرف الاداره ليش متمسكه فيه هل هو لاعب حسم هل هو لاعب يمتلك مهاره بالفطره او دربكه بس سرعه على غير فائده لاحظت عليه اكثر من مباراه يكون مع اخر مدافع مايقدر يتصرف فيه يصدم بالمدافع غير كذا القدم عنده في التسديد ضعيفه مره باختصار لاعب لايستحق البقاء في الهلال اللي يبي يطبل ويقول هو افضل بديل وينه في مباراة السان تبي تعرف اللاعب هو من يلعب ويغير في الفريق قدام فرق قويه مثل ابويعقوب الله يذكره بالخيرلايلعب في فرق ضعيقه ويسجل واجي اطبل له انه افضل بديل اسياء صعبه وتحتاج لاعبين اجانب وزن ثقيل او طراز عالي اضافه للفريق الكوري لايمتلك الا سرعه فقط فيه غباء كروي غير طبيعي اذا بيجلس في الهلال مشكله |
الكوري سجل 10 اهداف وهو احتياط الكوري زي اي لاعب يضيع فرص لكن الموسم الماضي تخبطات دول هي الي ضيعته هذا اخر موسم له مع الهلال لانه راح يبقى بعقده سنه الاداره تبي تستفيد منه ماديا بالتوفيق للزعيم عوافي |
يالغالي كلنا ندري ع ان الكوري ليس في طموحنا بس لسى الموسم ما انتهى باقي كاس الابطال ودور الـ 16 من اسيا لازم ندعم جميع اللاعبين وماتدري قد يفيدنا الكوري في الفتره المقبله مثل ما فعلها في دور الـ 16 الموسم الماضي من امام بني ياس . احترامي لك |
شكراا لموضوعك الرائع وبوجهة نظري المتواضعه الكوري خلاص لابد بيعه او اعارته اخذ فرصه كافيه وليس بطموحات الجمهور الهلالي الكبير .. |
اهم شي الاخلاق ^_^ ^ ^ امزح من جد هو تركيزه ضعيف ولايصلح اساسي يلعب اخر ربع ساعه او عشرين دقيقه ممكن يأدي لكن اساسي ابدا ماينفع الله يكتب الخير للملكي ... |
من وجهة نظري إن الهجوم الهلالي لا يحتاج مهاجم أجنبي بوجود ياسر وسعد وقدوم يوسف السالم الهلال فقط يحتاج إلى صُنّاع لعب أمثال ريفالينو لآعب أولسان الكوري أو مثل طيب الذكر تياقو نيفيز ولاعب محور أما الإبقاء على جوستافو بليفار أو البحث عن أفضل منه والتجديد مع أوزيا بالتوفيق للهلال فوق كل أرض وتحت كل سماء :ba: |
إقتباس:
حبيبي في معلومه صغيره ابمررها لك يمكن تزيل عنك بعض امتعاضك من الكوري لو افترضنا ان يوسف الثنيان او سامي الجابر موجودان مع الفريق الان كصناع لعب انا اضمن لك ان وجهة نضرك ستتغير لأنهما كانا يضعان المهاجم امام المرمى على طريقة انت وضمرك والمرمى لكن الان ومع احترامي للموجودين احيناً بل غالباً مايقتلون الهجمات المحققه اما بالمراوغه الزايده عن حدها مثل ماكان يفعل العابد اليوم أمام الريان او التسديد بكل انانيه في ضل وجود المهاجم الكوري وغيره في موقع احسن منه سانح للتسجيل ارجو ان اكون كفيت بردي هذا أكتفي بهذا القدر ولي عوده إذا مالزم الأمر ي و س ف :smilie47::smilie47::smilie47: :smilie47::smilie47: :smilie47: |
هالكوري الدبشه مدري وش يبي لاعب سبحان الي رزقه بالهلال .. الهلال أكبر منه بكثير لاعب غبي .. وإذا لعب تحس الفريق يلعب بعشره لاعبين وإذا بيجلس الموسم القااادم فهذي أولى خطوات السقوط للهاويه من الإداره والسلام |
والله معليش الكوري بقعاوي بكل ماتعني الكلمة الكورة لاجات معاه مايعرف يتصررفبها احول وربي الموسم الجاي اتمنى مانشوفو |
اتمنى (( اعارته فقط )) اما بيعه لالالالالالالا بالله عليك تبغى الكوري يسجل كل كورة ــ ثانيا طريقة اللعب ــ مهاجم واجد بين اربع مدافعين .. جيب ( يحي الشهري ) او صانع العاب اجنبي من طراز طارق التائب وتياقوو ـ حتى (( العنبر )) اصبح هدافا ـ نسيت ايام طارق التائب ـــ اتمنى اعارته الكوري لاي نادي خليجي ــ وايحضار (( عموري )) لاعب اسيوي ـــ |
الكوري لاعب طوارى مايفيد إلا نادراً والحارثي من وجهة نظري أفضل منه وكذلك الجهني لاعب الأولمبي شكراً |
الاجانب بشكل عام اقل من المستوى انا ارى ان الكوري هذا الموسم اصبح اثقل من العام اهم شئ نعدي دور الستة عشر الاسيوي وبعدها في الصيف يتغير الحال |
التخلي عن الكوري في فترة الانتقالات اكبر خطأ ستقع فيه الادارة اذا تخلت عن ويسلي وبوليفار سيفقد الهلال استقراره اذا تخلى عن 3 اجانب دفعة واحده رأي ** ان يتم بيع عقد ويسلي ** ان يتم اعارة الكوري ** الابقاء على بولفار واوزايا ((( فالاول مستواه في تصاعد والثاني اثبت نفسه بقوة في الخارطة الهلالية الاساسية ))) وفي حال الاستغناء عن بوليفار فيجب الابقاء على يو بيونج سو واكرر ((لاستقرار الفريق)) وفي حال الاستغناء عن الثلاثي الاجنبي فيجب اعادة المغربي هرماش وجهة نظري الشخصية وتقبل تحياتي |
غريبه بعض الناس تقول الكوري مااخذ فرصـــــــته له موسمين ونفس الحكايه معليش الكوري لازم يتغير ياخي مايكفي جي بداله يوسف السالم وافضل منه !!! محترف طول الموسم احتياط اصلا عبدالرحمن مساعد من وجهة نظري جاب يوسف السالم لكي يستغني عن احد المهاجمين لان نحتاج الاجانب في اماكن ثانيه الكوري نقدر نستثمره في صانع لعب اسيوي او محور ونبعد ابو صلعه صدق كويس اخر الموسم وصار يقدم مستويات مقنعه وربما لا بئس لو بس نغير بالكوري والاجانب الباقيه كل مباراه تقنع واكثر اقناع وسلي واوزيا |
شبح15 عز الله انك ماظلمة حظك في وصفه |
الكوري بديل جيد مسجل 10 اهداف وهو احتياط !! |
الكوري مربووووووووش و كنتروله صفر يعني باختصار اللاعب سيء |
ارجو ان الا ادارة ما تتاخر في التعاقدات السنه هذي بحيث انها تجلب المحترفين قبل لايقام المعسكر وبالنسبة للمحترفين ارجو الابقاء على اوزيا وقوستافو والاستغناء عن الكوري وويسلي بالنسبة لي ارجو جلب صانع العاب بمواصفات عاليه واذا بتسمعني الادارة تتعاقد مع اللاع الارجنتيني تابالا لاعب بورصا سبورت التركي صانع العاب درجة اولئ ومسجل في الدوري التركي 15 هدف غير التمريرات الحاسمة واتقانه للركلات الحرة وبالنسبة لعمره فهو 29 هنا بامكانكم الاطلاع على معلومات اللاعبhttp://http://www.transfermarkt.co.u...ler_26432.html وهذا مقطع لمهارات اللاعب واهدافه http://http://m.youtube.com/?reload=...?v=PaiZ8VJ0Gbg |
انا اتمنى بيع عقد الكوري اللي ما باقي منه الا سنة وبيع عقد ويسلي اذا في عرض ممتاز وجلب مهاجم اخطر منهم مثل ثائر البواب اللاعب الاردني المحترف في الدوري الروماني لاعب هداف مهاري جلبه كمحترف اسيوي وجلب صانع لعب بدل ويسلي مع الابقاء على اوزيا و بوليفار |
مهاجم مايملك مهارات فردية ماينفع يكون مهاجم |
الحمدلله على الفوز ولاكن اسيا مهرها غالي جداا لن ياتي بها هالكووري ولا وسلي نحتاج مهاجم اجنبي هداااااف بجانب ياسر والسالم فالمستويات غير ثابته المهاااجم الأجنبي البارد مايصلح |
إقتباس:
|
الاسم الأولتاي هياسم العائلةنامالجنسيةكوريا الجنوبيةتاريخ الميلاد3 تـمـوز 1991العمر21محل الميلادكوريا الجنوبيةمحل الميلادBusanمركز اللاعبلاعب وسطالطول174 cmالوزن72 kg هاذا الاعب اللي مفروض يجي مو دبشتكم |
بغض النظر عن الاهداف اللي سجلها ولكن هل يعقل أن يكون طموحنا لاعب اجنبي يكون في دكة البدلاء؟ !! بالنسبة لي أرى الصبر وتجهيز بديل أولمبي أفضل وبمراحل إضافة إلى كسب خانة اللاعب الاجنبي وحفظ حقوق النادي المادية فضلاً عن حضور يوسف السالم الموسم القادم فهو أفضل من الكوري في الكرات الرأسية والتسديد والمهارة وطلب الكرة والتحرك مع جلب مهاجم قناص أفريقي كجيان العين بدل ويسلي (مهاجم افريقي - ياسر -يوسف) وإعارة سعد الحارثي وتصعيد الجهني والصانع مع عطيف والعازمي فقط |
سؤال اللي يقول مااخذ فرصته وهو موسمييين وبوليفارا ويسلي ماتبونهمم وهم موسم اتمنى استغناء عن ويسلي والكوري جلب مهاجم اسيوي وصانع لعب الاتيني |
إقتباس:
|
لا زال التطبيل للكوري مستمر أذا تبون الصراحة ما عندنا هجوم صاحي كلهم سيئين ولكن الكوري أسوأ السيئين وما أدري ليش للحين ينزل يلعب أفضل السيئين عندنا هو ويسلي بعدين ياسر .. أيضا دفاعنا مافيه الا اوزيا والمحور عندنا خيطي بيطي الأطراف الدفاعية سيئة( بأستثناء الشهراني- جيد لكن يبيله خبره زيادة) .. الوسط ناقصه لاعب مثل يحيى الشهري أنا كلامي هذا أقارنه بآسيا .. أما المحلية ماعلينا خلاف نبدع فيها بـ هالأسماء اذا أردنا آسيا لآزم نجيب لاعب دفاع محلي من مستوى أسامة المولد ونشوف لنا محور على مستوى رادوي ونجيب صانع لعب مثلا الشهري أو أجنبي يذكرنا بطارق التايب نجي للهجوم ومآ أدراك ما الهجوم .. ياليتني بس اللي أختار هجوم الهلال .. بجيب لكم هجوم لا يشق له غبار نبي هجوم مثل فكتور سيموس ومثل الحوسني ومثل جيان لاعب العين أو مثل ليفاندوفيسكي < أمزح صدق يا جماعة الخير هجومنا كسعوديين بشكل عام ضعيف .. والمشكلة ليست في الهلال فقط بل في الأندية السعودية كلها لازم نعترف ب هالشيء .. وبالنسبة للأجانب .. فيه لاعب ودي نتعاقد معه وأنا ما أعتبره أجنبي لأنه منا وفينا (بدر المطوع) اللاعب ذا فنان وقتالي ومبدع .. ليش ما نستفيد منه كلاعب اسيوي .. وفيه هجوم اجانب أحسن من بدر المطوع بس نبي أبو فيصل ( يــفــك ) الخزنه شوي عموما الهلال مستحيل يجيب آسيا الا اذا فعل مثل ماقلت .. واللي مو مقتنع أتمنى يطبع كلامي ذا ويعلقه في باب غرفته لين يخرج الهلال من اسيا ووقتها يقتنع ممكن يجيني واحد شاطح ويقول كيف وصل الأهلي للنهائي وكيف أخذ السد الكأس وصلوآ بالحماس وعزيمة الرجال .. اما اللي عندنا مايتعدى حماسهم دور الأربعة هذا اذا وصلوه طبعا اخيرا انا اتكلم بحرقة لأني ارى تخبطات وحلها بسيط لكن نلف وندور وخروج الهلال من الاسيوية مسألة وقت اذا استمر بالأسماء اللي ذكرت انها مفروض تتغير |
للمعلومية يا اخوان الاحتياط يؤثر سلبا على اللاعب ومستواه لا تظلموا الكوري وتصيروا جماهير ابو مباراه الكوري من ضمن هدافي الدوري وهو احتياطي |
كيب انا معك بس سؤال لو راح الكوري مين البديل قصدي اي مركز الهلال يحتاج فيه لاعب اسيوي(اسيوي) لان الهلال وبصراحة يحتاج صانع لعب لاتيني(لاتيني) لان الهلال حاليا ف الوسط مافي غير سالم ونواف ,, نعم في الشلهوب بس الموهوب موب لاعب مهاري او سريع او يخترق الدفاعات وترى انا من اكبر محبيه واتمنى يبقى مع الهلال ع الاقل 5سنين قدام ,, بس الزبدة من كلامي الهلال محتاج صانع لعب لاتيني وبوليفار واوزيا ممتازين فاذا اتمنى رجيل ويسلي واكبر دليل على حاجة المدرب لصانع لعب خلا ويسلي صانع لعب وويسلي الكل يعرف مهاحم صريح وسط الهلال الحالي: سالم - نواف - شلهوب فقطط الهلال بحاجة لصانع لعب لاتيني وصانع لعب محلي مثل الشهري |
الكورى لاعب غريب جدا دائم يسجل الصعب ويضيع السهل |
شكراا لموضوعك الرائع ???????? |
إقتباس:
أشكرك ع الإضافه الرائعه لردي بمثال حي لايختلف عليه عاقلان شُكراً مرتاً أُخرى ي و س ف :smilie47::smilie47::smilie47: :smilie47::smilie47: :smilie47: |
غريبه بالعاده الكوريين اذكياء..كيف طلع هذا غبي ماعرف:ranting: بعون الله آخر موسم له..ونستفيد من الخانه الاسيويه بمدافع او ظهير اللي يجي.. المهم يتوكل ..:s5s: |
إقتباس:
انا اعلمك ليش طلع هذا غبي وهو اللي قل يتعاقد معه الهلال كان هداف فريقه بكوريا السبب بختصار : يكمن واسمحلي اقولك يكمن في وسط الكلام يكمن السبب في ان ميسي اللي هو ميسي لو يلعب مع الهلال في الف لا لا بل مليون من ينتقده ولن يجد من يصنع له كمهاجم صريح يحتاج من صُناع اللعب شوية تعاون بس خلاص هذا السبب واللبيب بلإشارتي يفهمو ي و س ف :smilie47::smilie47::smilie47: :smilie47::smilie47: :smilie47: |
أنا أقول لإيبقى إلا أوزيا الكوري محسوب أجنبي وياسر وسعد أفضل منه بوليفار ثقيل زيادة على اللزوم ويسلي يبي له صانع لعب زي الناس ويلعب بخانته مهاجم غلطة زلاتكو مرجعه صانع |
للاسف ما زلنا بحاجه لتعلم كيف ننتقد اللاعبين يعني يجيك واحد يقول مافي راسه كوره وهو جالس عند الابتوب كرشته مترين ولا عمره طق الكوره ولا في الحاره والذنبه لو يجلس على كرسي طلعت زوايد مع الاطراف وش فيه براسه يعني لاعب محترف اذا مافي راسه في راسك انت لا ويجيك بعضهم يقول انها سقطه للادارة وانها نقطه سوداء في تاريخ الادارة اوخص يا رئيس الاتحاد الدولي باختصار الكوري ليس في مستوى الزعيم اذا لم يطور مستواه للافضل اللاعب بحاجه للمشاركة اساسي في احد الاندية الوسط اللي يضمن مشاركته بشكل دائم لو اعير الكوري وارتفع مستواه يرجع لزعيم ما ارتفع مستواه بيعه هذي وجهة نظري وشكرا لكم |
والله ذا الكوري ناديه الأصلي ببلده مفتكّين منه واحنا ورطااااانين فيه في ظلّ وجود إدارتنا الرّشيده !!!!!!! واللّي يقول يوسف وسامي أقول له : أعتقد إنّ الموهوب تعب وهو يهديه كور انت وضميرك لكن عبث ( تذهب جهوده ومحاولاته أدراج الرياح )...وتقدر ترجع للمباريات الأخيره خاصة وتتأكّد. وما يقهرني إلا إذا ضيّع الكوره بذكائه الزائد وعدم حكمته وقدرته على السيطره والتّصرف والتفت على الحكم أو زملاءه مسوّي معصّب أو يصارخ عليهم أوينفّخ ( يعني انتوا الغلطانين وكلّه منكم ). آآآآآآخ بسّ ( صبر جميل والله المستعان ) |
ياذكي أنت اللي من جنبها الكوره يمين وهو يسار هذا طبيعي جدا اللي يشوت بالقدم اليمنى يجري يسار الكورة وين تبيه يروح ؟! يطير ؟ ولا يزحف على الكورة مثل ويسلي وياسر ؟! يا حبكم للمبالغات في التحطيم والترفيع :) |
الكوري يصلح مع كماتشوا واتحدى انه يجيب هداف الدوري الهلال لا يوجد فيه صانع لعب يجيد اللعب بسرعه تجد صناع اللعب يحاول يمين يسار ثم يمرر وقع الكوري في التسلل يعني تعطلة سرعته وهي افضل ميزه فيه |
الكوري لويسجل 1000 هدف ماينفع لازم يمشي ثقيل وبطئ وصارله سنتين خلاص |
من الواضح انه راح يغادر النادي لكن مازلت مقتنع 100% ان الاعب مميز ولديه قدرات رائعه لكن للاسف مااعطي ثقه . |
| الوقت المعتمد في المنتدى بتوقيت جرينتش +3.
الوقت الان » 07:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd