البحر يزعل وزعله شين غدار....زرقة بحر ماهيب الوان مائية
 

الله عليهم مابقى شي ما صار...مد و جزر و ريــــــــح هــواوية

البحر يزعل والزعل شين غدار...زرقة بحر ماهيب الوان مائية

تنبه عاجل بمرصد الاعصار...البحر هايج و الموجة هـــــلالية

مايبطن الموجات الا وهن كبار ...تغرق شمالة وتغرق جنوبية

مابه جديد بنشــرة الاخبار...روق مــع تركي وروتانا خليجـــية

حقيقة ماهي شخابيط صغار...والوضع مايحتمل زود المثاليـــة

انت هلالي ماتنشد وش اللي صار...دامك هلالي امورك طبيعية

ضغط الهلالي مايرتفع بمقدار...وسكره مابين ثمانينً وميــــــــــه

مقيمن على ماء وعروقك كبار..لوتيبس اوراق عروقك هنا حية

زرعــك على تربـة الطيـــن مابار..تجني ثمارك شـــــوية شــــــوية

جتك العين تزفك بوسط الدار...العاصية ذلت وجاتك طواعية

خذ لك نفس وارتاح يا الجار...اسيــــــــــــــا عليكم صعبــة قويـــة

أما خذيت العز بيمناك لا صار...تبقى محلي وبطولاتك محلية

العالمي بجهدك ماهو بصك اعسار...ولاهي فزعة ونخوة مكتبية

حنا خذيناها لأن الاساس أصرار...مختوم بصدر الهلالي هويه

العين ماتعلى والعابد مولع نار ... ماتعلى على سالم يابعد حيه

الكاسر على وسلي وش اللي صار...كسرنا عين اللي معميه غيه

مدرب مغمور وشباب صغار...ارفع عقالك فوق أحترام وتحـية

الله عليهم مابقى شي ما صار... البحر هايج و الموجة هلالية

الف مبروك انتصار الهلال

وان شاء الله تكتب قريبا والكاس الاسيوي في العريجا

ألف مبروووووووك الفوز
صح الله لسانك

'

صح إلسآنك وسلم بنآنك يآشآعرنا يآملكي ،'
ويآرب يآرب عقبآل مآتتغزل بالكآس بمعقل الزعمآء ،'

ما شاء اللهـ أبدعت بالطرح ..
وأكثر شيء عجبني هالأبيات :






وووو صح لسانكـ ..~

لو ما تكتب الا بيت العنوان فانت ابدعت

بالتوفيق للزعيم في السير لخطى البطوله وخطفها بإذن الله

يعطيك العافيه

الف الف شكر لكم اخجلتم تواضعنا بنصحكم ونقدكم نستمر وتستمر الزعامه (مابه جديد في الحكاية ...انا الزعيم من البداية) وانتضرو جديدنا وكأني ارى كأس اسيا يلوح في الافق