|
آسيا + فريق قوي + تشكيلة بسم الله الرحمن الرحيم الف مبروك الفوز على فريق العين وان شاء الله تكمل الفرحة بالتأهل .... بس نقاط على السريع الهلال فريق كبير ولا يتأثر بغياب او انتقال اي لاعب من الكيان ... لكن ما نقدر ننكر النقص الحاصل الموجود في الفريق من دفاع الى وسط الى هجوم. بداية نبدأ بالهجوم :/ ياسر وسعد ويسلي ويونغ بيو وعبدالله عطيف اولا كلهم على مستوى ممتاز ما عدا ( سعد ) اتمنى الاستفاده منه ماديا ببيعه او اعارته ثانيا :/ تفائلت كثير بعودة ياسر لمستواه في كثير من المباريات في بداية الموسم مع اني كنت انتقده في الماضي لمحبتي لياسر وليس كره ولكن ايش اللي ينقص ياسر ويصير مثل ويسلي ؟؟؟؟ الوسط :/ محمد الشلهوب و عبدالعزيز الدوسري ونواف العابد وسالم الدوسري محمد القرني ومحمد مسعد سلمان الفرج وبوليفار والغنام محمد الشلهوب اعطى واوفى وما اقول يعتزل بس ما اعتقد انه راح يعطي مثل الاول لو نصعد لاعبين من الاولمبي او الشباب او شراء عقد اللاعب ( يحيى الشهري ) ويكون احتياط له راح يكون عندنا قوة في الوسط. عبدالعزيز الدوسري من افضل اللاعبين وامهر اللاعبين لكن ( الاصابات ) الله يقومه بالسلامه ويرجع مثل اول واحسن لكن لا نحط فريق كامل على لاعب وننتظر رجوعه من اصابة لازم الادارة تشوف البديل الجاهز. والغنام لا تجديد ولا بيع ولا اعارة اتمنى من الادارة عمل مخالصة له. في رأيي محمد مسعد ونواف العابد وسالم الدوسري يعتبرون في ( الوقت الحالي ) هم الافضل الدفاع:/ ماجد المرشدي و اوزيا و عبدالله الدوسري يحيى المسلم حسن خيرات وياسر الشهراني وعبدالله الزوري وسلطان البيشي محمد نامي والقادم الجديد عبدالله الحافظ محد يختلف على انه محمد نامي يجب بيعه او تنسيقه او اي حاجه بس ما يبقى في النادي. لا جديد في هاللاعب عشان نقول يمكن يرجع لمستواه او يتطور. اما ماجد المرشدي فهو لاعب جيد متى ما كان اللاعب اللي جنبه خبره مثل اوزيا والا ماجد ما يشيل دفاع لوحده اعتبره انا من اللاعبين اللي يكمل في الدفاع. حسن خيرات ارجوا انه يكون مع محمد نامي في التنسيق او البيع اهم شي الاثنين ما يتجدد معاهم. الحراسة:/ ابراهيم زايد و شراحيلي والسديري و فهد الشمري واتمنى مع قدوم الحارس الآخر الثنيان. من رأي الحراسة ما عليها خوف اذا كان الدفاع ممتاز. بوجود السديري ان شاء الله ماعليه خوف. المدرب :/ زلاتكو اعتقد انه مدرب ممتاز في توظيف اللاعبين لكن يعيب عليه الخوف من اللاعبين .... كيف؟؟ زلاتكو عرف كيف يوظف اللاعبين في فترة قصيرة لكن انه يخاف من ردة فعل اللاعبين في وسط المباراة من عدم التركيز ولاحضنا هذا في كثير من المباريات اذا تقدم بهدف او هدفين وفي الدقيقة 70 يخرج لاعب من الوسط المتقدم او الهجوم ويدخل لاعب محور..... مثل مباراة الهلال والنصر والهلال والاتحاد والهلال والريان. اخيرا التشكيلة اللي اتمناها السديري الزوري يحيى المسلم و اوزيا ياسر الشهراني بوليفار سلمان الفرج نواف العابد سالم الدوسري ويسلي يونغ بيو |
اقووول والله ماعندك سالفة اجل محمد مسعد كويس والشلهوب سيء ونامي سيء !! لاتنسى وش كان مسوي بالدور الاول الموسم الماضي قبل اصابته وعبدالله عطيف اول مرة اسمع انه مهاجم !! وزلاتكو خواف لانه متقدم بمباراة صعبة ويطلع صانع لعب ويدخل ممحور !!!!!!!! لا عاد تكتب يرررررحم امك |
إقتباس:
تقول آسيا+فريق قوي+ تشكيله ماقلتلنا هالتشكيله خشبيه والا مائيه والا زيتيه ههههههههههههه |
ما ادري وش يحس فيه من هالموضوع والمشكله الدفاع 3 والوسط 4 والهجوم 2 وين الباقين نحطهم ع الدكة وبعدين يرحم والديك لاعاد تقارن الشلهوب بأي لاعب علي وجه الارض زين !! |
انا من اول كلمتين ف الموضوع عرفت ان الكاتب لا يفقة في كرة القدم شي |
يا شباب هدوا اللعب خلونا حبه حبه نتفاهم مع الرجال اولا عبدالله عطيف محور يالغالي ثانيا المسلم لو يملك شيء يقدمه كان ما دكوه مدربين بالاحتياط ثالثا اذا كثفت الوسط حط اول واحد الشلهوب لان الشلهوب كل ما كثر اللي جنبه كل ما ابدع رابعا جربنا الكوري كم مباراة اساسي بصراحه ما يصلح الا اخر ربع ساعه والمدربين عارفين قدره خامسا ويسلي مهاجم ثاني وياسر راس حربه محد يوصل لمستوى الثاني قارن الكوري بياسر ويسلي ماله دخل سادسا زلاتكو ليس خواف اذا حافظ على النتيجه بالعكس انسان واقعي يلعب على المعطيات اللي عنده ولو ما تقدم ما دافع بس احس انه يفهم واقع الكورة السعودية جيدا والدليل تحسن اداء اللاعبين جميعا ولو فرضنا ان واصل الهجوم وهو متقدم وخسر المباراة كان قالوا ليه ما حافظ على النتيجه يؤدي المطلوب منه وييغير التغيير المناسب بواقعيه جدا ولا يلام عليها واخيرا شكرا لك |
مع احترامي لك اقول لان الكلام اللي قلته كله انا ضدك فيه الا في النقطة اللي قبل الاخيرة |
إقتباس:
اتفق معك في جُل ماذكرت يامنبع المجد انت توحي ياكاتب الموضوع؟ توحي |
ماني معك في كثير من ما ذكرت ....؛ ولكن !! ....... وجهة نظر ويجب أن تحترم .....؛ |
إقتباس:
اولا اسف على الغلط وقلت عبدالله عطيف مهاجم و ثانيا ياخي خليتني ارجع اقرا الموضوع ٧ مرات عشان اتاكد اني قلت محمد الشلهوب سيئ ؟؟؟ انا قلت محمد الشلهوب ما راح يعطي مثل الاول مثلا لو يحيى الشهري او سلمان الفرج بتلعب مين ؟؟؟ وبعدين انا قلت محمد مسعد لانه يقدر يعلب في اكثر من مركز وراح نستفيد منه في حالة اصابه احد لاعبين لاسمح الله واذا بتقول لي نامي سيئ نعم سيئ لا تقول شوف وش سوى في الدور الاول على كذا شوف وش سوى مسعد قبل ٥ سنوات وكان كوزمين يبغاه واخيرا زلاتكو ايه خواف اذا كان المحافظة على التشكيلة فيه خطر انه يجي فينا هدفين من هجمتين في مباراة الاستقلال وترى وجه نظر ممكن اصيب ممكن اخطيئ مو لازم اكون متفق معاك |
إقتباس:
|
إقتباس:
ثانيا يحيى المسلم اشوف فيه مقومات افضل من ماجد المرشدي ولو على المدربين فواز محد من المدربين كان يحطه في تشكيلة المباريات والحين مبدع مع الرائد ؟؟؟ ثالثا انت بكلامك هذا تبغى تبني تشكيلة من لاعب وهو الشلهوب وانا مو ضد الشلهوب بس في سلمان الفرج طيب افضل وانشط رابعا جربنا الكوري مباريات مو كم مباراة بس حضه بس من ناحية انه خطير فهو خطير في تحركاته ونجي نقارنه بكلامك بينه وبين ياسر من تشوف انه افضل في التحركات كمهاجم مع انه الى الان اقول ياسر مكانه الافضل يكون مهاجم ثاني مو راس حربة خامسا ويسلي يلعب معانا مهاجم ثاني وهو وصيف الهدافين مع العلم انه تراه طول حياته وهو راس حربة ولو تشرح لي بس الفرق بين راس الحربه والمهاجم الثاني اخيرا زلاتكو ما اقول اذا حافظ على النتيجه يعتبر خواف انا اقول اذا تقدم بهدف او هدفين يخاف من اغلاط اللاعبين وما يثق فيهم عشان كذا يحاول يضغط بلاعبين في منطقة المحور عشان يطلع بسلامة من المباراة مع انه تشوف الفريق ماشي كويس ما يحتاج تبديلات . سؤالي ليه يغير لاعبين في اذا كنا متقدمين مع انه الفريق تشوفه يلعب زين وماسك المباراة ليه تقفلها وتخلي الضغط على الدفاع اكثر لانه ما اشوف اي واقعيه في تبديل لاعبين والفريق ماسك المباراة كذا بيصير لخبطة في النص. |
إقتباس:
وش فيه الشلهوب كمان ؟؟؟؟ ياعالم هاللاعب انا اعتبره افضل لاعب سعودي على وجه المجره بس نكون واقعين شوي محمد الشلهوب كبر في العمر و سلمان الفرج افضل منه في المستوى في الوقت الحالي. يعني قارن لي سلمان الفرج مع الشلهوب في المستوى ؟ |
اقووول والله ماعندك سالفة اجل محمد مسعد كويس والشلهوب سيء ونامي سيء !! لاتنسى وش كان مسوي بالدور الاول الموسم الماضي قبل اصابته وعبدالله عطيف اول مرة اسمع انه مهاجم !! وزلاتكو خواف لانه متقدم بمباراة صعبة ويطلع صانع لعب ويدخل ممحور !!!!!!!! لا عاد تكتب يرررررحم امك كلامك صحيح مسعد كويس هههههههههه والشلهوب احتياط |
إقتباس:
اخي الغالي يعني انت تبي تقارن الشلهوب بالفرج ياخي الشلهوب صانع لعب صريييييييييح يعني يحط لك الكورة قدام الحارس ويقول لك انت وضميرك اضافة الى انه لاعب حر والشلهوب بعده يعطي في الملعب بارك الله فيه اضافة الى الكرات الثابتة اللي يجيدها مثل البرازيليين ما شاء الله عليه اما الفرج لاعب جناح ايسر اشوفه يكون افضل ويرجع يغطي في الهجمة العكسية لكن افضله احتياطي لأنه يكون افضل حالاته غير لمن يلعب اساسي احسه يرتبك يعني بديل لنواف نجي للهجوم بيونغ ما يتقارن مع القناص في المواجهات الحاسمة من تبي يكون موجود ؟ هذا سؤال اوجهه لك القناص اذا ما سجل يصنع او يشغل او يتعب الخصم اللي يراقبه ثانيا ياسر ما يضيع الفرص مثل الكوري الغبي يجيب الصعبة ويضيع السهلة انت شفت الفرصة اللي في اخر مباراة الأهلي الاخ مزحف الدفاع بس لو انه موسع عدسة عينه هاللي كانها عدسة كانون 50مل وشايف اللي جايه منطلق على ما اظن سعد الحارثي كان تسجل هدف الفوز المشكلة ان زلاتكو مقتنع بوجود ويسلي مهاجم ثاني وما في وقت يجرب يغير يعني انه يخلي ويسلي راس حربة صريح وياسر مهاجم ثاني مع اني هذا اللي كنت اتمناه لكن الموسم شارف على النهاية والماتشات القادمة مصيرية الخطة افضلها تكون بهذا الشكل لأن الفريق مخيف هجوميا وخير وسيلة للدفاع هي الهجوم طبعا ولازم ما تغفل المرتدات والخطة هي 4-1-3-1-1 دفاع زوري مرشدي والله اذا كان المسلم افضل من المرشدي لا مانع طبعا لاني ماعرف مستواه اوزيا الشهراني وسط دفاع جوستافو اذا كان مستواه متطور الفترة الأخيرة وباقي زملائه الوسط راح يساعدونه في الهجمة العكسية افضل بقاءه وحيدا لأن منهجية لعب الزعيم هجومي بفضل الأسماء اللي فيه الوسط نواف الشلهوب سالم مهاجم ثاني ويسلي راس حربة ياسر يوما ما ستشرق شمس الزعامة من جديد 54 |
| الوقت المعتمد في المنتدى بتوقيت جرينتش +3.
الوقت الان » 06:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd