|
بالنسبه لبوليفار ياناس الاعب قبل مايجي الاعب منقطع عن اللعب سته اشهر وارى انه من افضل المحاور الهلاليين مستقبلا واراهن عليه انه يبي ينسيكمم رادوي والدفاع كله بس اركدوا عنه شوي فيه ميزات عديده تختلف عن محاور الهلاليين جميعا من ايام عبادي وسرجيو والموينع وابواثنين وتوليو وخميس وعزيز والغنام روداوي اهم مايميزه لاعب صغير هادي التمركز السليم قوي البنيه عدم ارتكاب الاخطاء قرب منطقه الجزاء حماسه اللعب تغيير اتجاه اللعب والتنويع تصاعد مستواه من مباره لاخرى اي محور من الي ذكرتهم لايجمع صفات كثيره مثل جاستافو يكفي انضر كم كرت اخذ وكم مره وقف ياناس لا يطير بعدين تحسفون ولا كم شوته لهرماش انحزتو معه مركز جوستافو غير محور دفاعي بحت امام قلوب الدفاع وهذا مانريده والله لو فيه هرماش ان ما يضهر اوزايا قلوب الدفاع تفرغو لمهامهم فضهروا لانهم اول منكشفين بسب تغطيه طيب الذكر الهرماش لكشتاته قدام يابوي اسئلوا اوزايا والمرشدي من افضل محور تلقون الجواب عندهم اذكر سئل صالح النعيمه من افضل محور لعب امامك قال صالح المطلق ويحي عامر غير مشهورين بس يحرثون المحور حرث لم يمدح لعيبه الهلال المحاور لان ذيك الايام كان يدخل على الهلال اهداف سهله ومنتخبات نفوز عليها بسبب المحاور الصح انا عندي اهم شي بالفريق اضبط المحاور بعدين شكل الفريق لان المحور هو الرئه التي يتنفس بها الفريق دمتم بود |
اتفق معاك بكل شيء .. شكرا لك |
تره كثرة الترفيع بكوزمن ورادوي حطت هالفكرة عند بعض الجمهور : رادوي + كوزمن = خلاص هلالنا قبل كم سنة ياأخي خلاص خلوا عندكم عقلانية ليش تبون هلال كوزمن وأنتم تقدرون تحصلون على هلال أفضل الهلال مع زلاتكو يسير لهوية أضن وأزعم رح تتغلب على هلال كوزمن وقيريتس لا يكون طموحكم الهوية القديمة اللي شفتوها اطمحوا للأفضل |
الا ياسر تكفية التمريره اقصد المزيكا التي قدمها لوسلي لوبيز اتحدى اي صانع لعب ان يمرر مثلها يارجل الكورة تقول سجلني |
كلامك جميل ....... لكن بخصوص ياسر ياسر إن قلت حركته .. فهي ناتجه عن المراقبة اللصيقة الي توكل إليه من قبل أي مدرب يلعب ضد ياسر وآخر برهان مباراة العين .. أنشغلوا بمراقبة ياسر لكن وبتمريرة رائعة صنعها لويسلي وجاب أحلى لووب ياسر إضافة لو مايركض إلا ألف متر في المباراة لكنه يعرف كيف يتحرك .. عندنا الكوري كثير حركة لكن 60% من تحركاته مالها فايده يضيع لياقة على الفاضي ... الكورة بالعقل قبل ماتكون بالعضلات .. مشكور على الطرح الجميل |
كلام كبير وتشكر عليه شكرا على جرائتك |
كلام في السليم اعتقد ان نظرة الامير عبدالله بن مساعد قبل طرد كوزمين عندما أسر لاخيه عبدالرحمن أنه حان الاوان لتغيير كوزمين كانت صائبه 100% مدرب رائع لكنه دفاعي ولعل النقاط التي ذكرت في الموضوع أعلاه صحيحه بنسبه لا تقل 98% وبالنسبة لرادوي كان بودنا ان يستمر معانا قبل خروجه للعين لكنه بعد ان لعب هناك موسمين ولسه باقي في عقده موسمين تقريبا حيث اصبح يبلغ من العمر 34 أو 35 سنه وفي ظل تطور مستوى جوستافو اعتقد انه لامكان له في خارطة الزعيم إلا أن يأتي كمدرب بعد 4 سنوات |
كلام جميل ولا احد يختلف على ياسر . لكن مستوه نزل قليلا ونحن بحاجته الان اكثر من وقت مضى شكرا لك |
خل عنك راادوي لاعب كبير مع احترامي ل بوليفار بس فرق الثرى عن الثريا |
اتفق معك الا بنقطتين اولا / رادوي لايمكن مقارنته بجستافو فـ ( زورو ) رادوي مثل الزعيم 3 سنوات عمل كل شي للزعيم عشقناه لاخلاصه وتفانية لشعار الزعيم هو وبكل اختصار من حاربه اعلاميو الفرق الاخرى بكل شي هو من الجم مدرج الاصفر في كل مباراة هو من صفق شرفيوا الفريق الاصفر الصغير لحصوله فقط على كرت اصفر وكأنهم حصلوا على كأس اما جستافوا لاعب جيد ولاكن غاب ام حضر لا احد يلاحظ ذلك ثانيا / كوزمين ماقول الا الله يذكر ايامه بالخير في ايامه كنا نحضر المباراة او نتابعها بالتلفاز ونخن واثقون من الفوز تكتيك عالي , انضباط , قراءه فنية عاليه , مادري ليش تناسيت كل شي مع هالمدرب الداهية بمجرد طالب به قله من جماهير الزعيم انا مالومهم لانه مدرب عالمي كل فريق يدربه لابد ان يترك له بصمه معهم يأخي لو ماهو مدرب كبير كان ماتم طرده اللوبي الاصفر عن الزعيم الا كـــــــــــــــــــــــــــــــــــوزمين فهو بالقلب الى الان |
كتيت وطرحت ونِلت إعجاب الجميع حتى وإن خالفوك .. شُكراً من القلب !! نقآط ذكرتها وهي تهّم المُدرج الهلآلي في الوقت الحآلي .. صحيح بأن أغلب جماهير الهلال عاطفيــة , والعاطفة موجوده بأي مكان وبأي لعبــة كانت !! إلا أنهُ يبقى الهلآل بَدراً يُضيء بأذن الله في كُل موسم .. طموحنا الآسيوية ؟؟ نعــم , بصوتٍ واحد !! لاحد يعلوا فوق الكيآن , لا كوزمين ولا رادوي العجوز , ولا غيــرهم !! حتى يآسر مُهاجمنا الفذ رغم هبوط مستواه اللياقي هذا الموسم وكما أسلفت أنت بأنه مع أي إحتكاك يُفضل السقوط على الإستمرار بالجرّي !! لكن هذا لم لايُغفل بأنهُ مهاجمنا الأول , ونتمنى إستمراره مع الفريق مع زيآدة مُعدلة اللياقي إن أراد إستمرار إبداعه وحسه التهديفي أكثر من هذا الموسم .. نحنُ بأمسسّ الحاجة ليآسر ولباقي كوكبة النجوم بفريقنا .. النقطة الأخيرة والتي لطالما تحدثت عنها أما هُنا بالمنتدى أو بخارجه .. وهي إستمراريــة الشُجاع زلاتكو .. الرجُل له أخطاء عِـــدة !! لكنهُ لا يستحي أبداً بأن يستفيد منها في مباراته القادمة يتعلم , يدرس لاعبيــه قبل خصومه ., يضع التشكيلة الأقرب والأمثل لينال الفوز .. في كُل مباراة لا يلعب إلا لـ 3 نقآط ولاغيرها .. حتى في مباراة العيّن الإماراتي الأولى في أبو ظبي .. بعد نهآئي نآدي الفقر العالمي وبعد أكثر من 120 دقيقة لعب وإرهاق بدني للاعبين , ذهب بهم زلاتكو لمباراة العين وهو وآضع نصب عينيه الـنقآط الثلاثــه , ولاغيرها .. فريقه مُرهق بدنياً وإلى الآن لم يستضيغوا مايريده مِنهم بحكم حدآثه عهده كمُدرب , ففضل الدفآع بسلآح المُرتدات وهذا مايفعله كبار المدربين الآن رغم قوة هجومهم إلا انهم يفضلون اللعب المُرتد كحآل [مورينهو] بريال مدريد , !! بدأ اللقاء وأستطاع الزوري ان يُسجل هدف السبق للهلآل , ولولا سوء الحظ وعدم فهم أغلب اللاعبين لما يقوله لهم زلاتكو دائماً التركيز التركيز + الإرهاق , لما خرج العين حياً وعلى أرضه !! زلاتكو مُدرب شُجآع هو عنديّ الآن أفضل من غيرتس الوحش !! أحبهم جميعاً , ولكني أعشق الهلآل فوق كُل شيء يلتمسّ أسمه بعشقي ومحبتي للكيآن !! ياصاحب الموضوع , شُكراً لك .. :) |
الهلال لم ولن يتوقف على لاعب مهما كان ولا مدرب مهما كان دعواتكم للهلال بالتوفيق |
موضوع جميل ومتكامل بس نقطة اللاعب يجب ان يكون ذكي وان الشخص يكون تحصيله الدراسي قليل ما يعني انه غبي اللاعب يجب ان يكون لديه فطنه متى يمرر ويسدد ويتحرك فاللاعب الذكي مهم |
باختصاااااااااار أحسنت s37s |
.. كلامك كله صحيح ... الا بنقطه وحده (( رادوي عمره 32 __)) ياسر القحطاني اثقل للاعب بالهلالل راجع حساباتك ي ابو قحطط _* |
| الوقت المعتمد في المنتدى بتوقيت جرينتش +3.
الوقت الان » 10:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd