عشر مباريات مبالغة بصراحة
وبعدين أشوف الشباب ماخذينها انها عنصرية !
وأنا حاولت أقربها للعنصرية مالقيت الا انه لاعب الفريق المنافس
يعني لو عض جيرارد مثلا ماتعتبر عنصرية .
سواريز فنان وموهوب
وهذي طبيعة اللاعب الموهوب , تلقى فيه سلك مفصول في المخ .
ويمكن لاعبي الفرق الثانية بدأت تحاول تستفزه , خصوصا إنه لوحده شايل الليفر .
تكفى ياليفر لا يروح , وتكفى ياليفر إبن لك فريق زي الناس .
ترا ملينا عاد من ذا المانشستريونايتد . 13 لقب في 20 سنة !
من 18 - 4 الى 18 - 20

David Cameron calls on FA to take hard line with Luis Su

رئيس وزراء بريطانيا هو من طالب بإتخاذ عقوبة قاسية على سواريز .......!
شي غريب ...؟

عشر مباريات
شكلة مغتصبه ..

يعني راح يوقف أول 6 جولات من الموسم القادم
أعتقد فيه نادي راح يلعب مع ليفربول بهذه الفترة

لكن ليس أول مرة ولا آخر مرة يظلم ليفربول ..

إقتباس الرسالة الأصلية كتبت بواسطة Hilali 3asal عقوبة قد يكون فيها نوع من المبالغة انها تصل إلى عشر مباريات ،، طبعا ليفربول راح يستأنف القرار وأتوقع انه سيتم تخفيضها إلى 7 أو 8 مباريات ،،

سلام.. الظاهر يابعدي إنهم دمجوها مع الكروت الصفر والايقاف اللي بيجي عليه مباراتين أو ثلاث لأن اللي ياخذ 10 كروت صفر يتوقف 3 او مباراتين واتوقع العضه 7 مباريات مثل اللي صار في الدوري الهولندي + مباراتين او ثلاث حقت الكروت الصفر اللي راح يتوقف عليها طبعاً لأنها موجودة بالائحة .. وفوق هذا الاعب له سوابق بالايقافات منها قضيته مع ايفرا عن العنصرية وإيقافه بهولندا 7 مباريات بسبب العضه غير فيه حركة له الموسم اللي راح لجماهير فولهام مالها داعي مدري عوقب عليها ولا لا.. عموماً سواريز كموهبة مايختلف عليه اثنين بس مشاكله واجد هنا وبهولندا

-

بالنسبة للي يؤمنون بنظرية المؤامرة وإن الأتحاد يدعم اليونايتد .. أولاً مادري سواريز بيحرمنا من الدوري أو ناديه منافس لنا !؟ .. ثانياً سواء وقفوه 10 أو 5 موسمه منتهي منتهي لأن عليه عقوبة الكروت الصفر اللي هي مباراتين او 3 والعضه اقل شيء راح ياخذ عليها 5 يعني كذا ولا كذا الهداف لبيرسي وموسم سواريز خلص مثل موسم فريقه .. !

ثاني شيء هذا الأتحاد رئيسة مشجع للسيتي ورئيس سابق للسيتي ولا عمري قلت داعم للسيتي .. ترا أنت يالهلالي اللي تقول الأتحاد المانشستراوي وبطولات مانشستر بالتحكيم نفس النصراوي او الاتحادي اللي يقول الهلال فريق تحكيم ومدعوم من الاتحاد السعودي

هذا 1 .. رقم 2 هذا الأتحاد سبق ووقف أفضل لاعب باليونايتد فترة منتصف التسعينات كانتونا لموسم كروي كامل ! .. وأكثر من مرة يوقف فيرغسون .. يعني لاتحاول توهم نفسك بحاجات مالها وجود وبنفس الوقت لاتكلمت مع واحد من جماهير فريقك قلت حنا نعاني ونحتآج لاعب بهذا المركز وكم صفقة عشان نرجع ننافس ونجيب الدوري .. يعني بالعربي تجي تقول الأتحاد مانشستراوي ومع خويك تناقض نفسك وتقول حنا نعاني ومانقدر ننافس مانشستر لأن فريقنا مخيس .. والتحكيم أكبر شماعه .. ويوم لك ويوم عليك بالتحكيم

ثالث نقطة والأخيرة .. اليونايتد من اكثر 3 أندية تحقيق للفوز في الأبطال في نسخته الجديدة ومتأهل لـ 3 نهائيات من أصل اخر 5 نهائيات بالأبطال .. بعد بالأبطال عندنا دعم لوجيستي .. !؟



تكلم واشطح برأيك زي ماتحب أنت حر باللي تقوله بس حاب اقول لك الناس مايدخل مخها إلا الكلام العقلاني .. موفقين

[♥ .. Scholes]

يالطيب ترا حتى مدربكم وفنجر ومانشيني مستغربين من العقوبة ...

إقتباس الرسالة الأصلية كتبت بواسطة سعودي الهوية [♥ .. Scholes] يالطيب ترا حتى مدربكم وفنجر ومانشيني مستغربين من العقوبة ...

أنا ماتكلمت عن العقوبة ولا قلت عنها إنها مستحقه أو غير مستحقه كل كلامي عن اللي يحب يوهم نفسه ويوهم القارى إن الأتحاد الأنجليزي موالي لمانشستر يونايتد .. ماتكلمت عن العقوبة

إقتباس الرسالة الأصلية كتبت بواسطة ♥ .. Scholes سلام.. الظاهر يابعدي إنهم دمجوها مع الكروت الصفر والايقاف اللي بيجي عليه مباراتين أو ثلاث لأن اللي ياخذ 10 كروت صفر يتوقف 3 او مباراتين واتوقع العضه 7 مباريات مثل اللي صار في الدوري الهولندي + مباراتين او ثلاث حقت الكروت الصفر اللي راح يتوقف عليها طبعاً لأنها موجودة بالائحة .. وفوق هذا الاعب له سوابق بالايقافات منها قضيته مع ايفرا عن العنصرية وإيقافه بهولندا 7 مباريات بسبب العضه غير فيه حركة له الموسم اللي راح لجماهير فولهام مالها داعي مدري عوقب عليها ولا لا.. عموماً سواريز كموهبة مايختلف عليه اثنين بس مشاكله واجد هنا وبهولندا

حسب الخبر من موقع الاتحاد الانجليزي ان اللي فرضت العقوبة هي لجنة مستقلة مكونة من ثلاثة أشخاص وهي من أقرت إيقافه لعشر مباريات ، ثلاث مباريات وهي العقوبة التي يحصل عليها اللاعب في حالة الطرد المباشر المطبقة في البريمير ليغ ، وأضافوا عليها سبع مباريات زيادة عقوبة على المخالفة وهي عضة اللاعب .

إقتباس الرسالة الأصلية كتبت بواسطة Hilali 3asal حسب الخبر من موقع الاتحاد الانجليزي ان اللي فرضت العقوبة هي لجنة مستقلة مكونة من ثلاثة أشخاص وهي من أقرت إيقافه لعشر مباريات ، ثلاث مباريات وهي العقوبة التي يحصل عليها اللاعب في حالة الطرد المباشر المطبقة في البريمير ليغ ، وأضافوا عليها سبع مباريات زيادة عقوبة على المخالفة وهي عضة اللاعب .

7 مباريات نفس العقوبة اللي اخذها في هولندا بعد ماعض لاعب هناك.. 3 مباريات لأنه أخذ 10 كروت صفر

يعطيك العافية عـ التوضيح