اللي يشجع رادوي يجلس في بيته جنب ثلاجة الشاهي
 

[SIZE="5"]ما اعتقد فيه احد ينكر ان رادوي وكوزمين كانوا عشق لنا كهلاليين وان وجودهم كان ثروه للهلاليين وانهم وراحوا من الهلال بغير رغبتنا بل من الحاقدين النصراويين والكل يتذكر الطرق القذره اللي ابعد بسببها المدرب كوزمين والنجم الكبير رادوي ولكن الغريب الشيء اللي قاعدين نشوفه الايام هذي من دعم جماهيري كبير لرادوي بل ان البعض يطالب بتكريم رادوي وكأن رادوي مازال بالقميص الازرق !!!ياعالم ياهوووووووه اصحوا وانسوا رادوي لان الحب والاعجاب الكبير لنجمنا السابق لاينبغي ان يطغى على حب الكيان الهلالي .

مشكلة بعض الجماهير انهم عاطفيين الى ابعد حد وماهم قادرين ينسون هذا الاعب .

يا جمهور الهلال كلنا نتمنى عودة الاثنين كوزمين ورادوي ابتداء من الموسم القادم للهلال ونتمنى من ادارة الزعيم التعاقد معهم مره اخرى مهما كلف التعاقد معهم من مال لان الاثنين تحديدا بالاضافه لولهامسون عشقوا الهلال وقدموا الكثير والكثير للفريق ولكن ماداموا يمثلون فريق منافس لنا فمن الخطاء ان نقف معهم وندعمهم نفسيا ضد الفريق الذي نعشقه بجنون.

انا ما اقول نهاجم رادوي ونطلق صافرات الاستهجان ضده مع كل كره يستلمها ولكن في نفس الوقت اتمنى ان لانشجع رادوي ضد فريقنا لان الكل عارف ان رادوي لو سدد صواريخه تجاه مرمى الهلال مستحيل يطلع الدعيع من تحت الارض ويصدها فعبدالله السديري قليل خبره ومازال في بداية مشواره.

توقع خاص /فوز هلالي بنتيجه هدفين لهدف

فيه احد ينسى رادوي مسعد الهلالين وقاهر الخصوم

طيب وإذا كان أسعدنا ؟ خلاص اللاعب أسعدنا وآخذله مقابل مادي ..

وحنا مانقول انكروا واجحدوا اللي سوّاه رادوي للهلال ! لا

حنا نقول لا تشجعونه أثناء المباراة ! لاعبيكم أولى بالتشجيع ..

وللمعلومية رادوي وكوزمين بكره بيحرصون على هزيمتنـا !

يعني تخيلوا يبون يهزمونكم وتشجعونهم ! حلوه هذي

رادوي لاعب محترف مميز شارك معانا بأجمل الفترات لكن أصبح من الماضي مالفائدة من تحيته قبل المباراة أو أثناء المباراة غير تحفيزه لتقديم أفضل مايمكن ضد عشقنا الأزلي الزعيم الاسيوي أغلبنا نعشق الكيان ولا نعشق لاعب بعينه
نحن بزمن احتراف اللاعب ماهمه الا ناديه اللي يلعب له حالياً ويصرف عليه لا همه جمهور الهلال احيوه ام لا




اتمنى من الجماهير دعم وتشجيع فريقنا فقط بكل حماس وقوة قبل وأثناء المباراة

رادوي يشكر على ما قدمه

لكن مب معناته نشجعه وندعمه

وننسى لاعبيننا ..

الحمد لله ان اللي علقوا على الموضوع يتفقون معي وهذا يدل على ان الهلال عندنا اهم من الاسماء.

أتمنى ماتسوي الجماهير نفسها مثالية وتصفق للاعبي العين قبل المباراة ..

إذا بتصفقون لرادوي او أي لاعب ثاني خلوها بعد المباراة .. أما قبل فماله داعي نرفع معنويات لاعبين بيلعبون ضد هلالنا مهما كان المبرر ..

إذا أنتهت المباراة سووا اللي تبون :)

كلامك عين العقل

نجوم الملكي أولى بالتشجيع والتحفيز

معك حق
اللاعب يلعب لفريق آخر كيف نشجعه وهو يلعب ضد الهلال !!!!!
لاعبينا اولى بالدعم والتشجيع
بالتوفيق للزعيم بكره

سأحظر واقف احتراما وتقديرا لرادوي وكوزمين واقوم بالتصفيق لهم
لحين انطلاق المباراة
بعدها سيكون التشجيع كله ‘‘ للأزرق الزعيم الملكي ‘‘

ابو وليد اترك عنك المثالية الزايدة بالعكس لازم نهتف ضدهم ونكون شرسين معاهم عشان فريقنا يكون شرس ايضا في الملعب اتمنى تكون انت الوحيد اللي تصفقله ومحد يوقف معاك

لا احد يستحق التشجيع بالنسبة لي الا من كان يرتدي القميص الازرق
لو سامي الجابر بكل الحب الذي نكن له وكل تاريخه كان خصماً للزعيم فلن ادعمه
نعم نحترمهم لكن لا نشجعهم فلاعبينا احق بالدعم