|
عبدالله العنزي يقترب من الهلال ب 6 ملايين طالب حارس فريق النصر عبدالله العنزي بشراء المدة المتبقية من عقده والبالغة عامين بعد تلقيه عرضا من شخصية هلالية، وكشفت مصادر مقربة لـ«عكاظ» عن أنه أبدى رغبته في الانتقال في ظل تأزم العلاقة مع ناديه بسبب العقوبة الأخيرة، فضلا عن قوة العرض المقدم له والذي يناسب تطلعاته ومطالبه، وكشف المصدر عن أن إدارة النصر حددت مبلغ ستة ملايين ريال مقابل الموافقة على بيع المدة المتبقية إذا ما فشلت في إقناعه بالاستمرار، وتأتي رغبة الهلال في ضمه بعد تفاقم أزمة الحراسة في النادي منذ إيقاف الشراحيلي والاستغناء عن العتيبي. وعلى صعيد متصل، اقتربت إدارة النصر من الظفر بخدمات لاعب خط وسط نادي الرائد عبدالعزيز الجبرين، حيث بات قريبا من الانتقال في ظل بحث إدارة الرائد عن حل للخروج من الأزمة المالية التي يعاني منها الفريق في الفترة الأخيرة التي كلفته الكثير، وواصلت الإدارة النصراوية تحركاته الجادة في حسم العديد من صفقات اللاعبين المميزين استعدادا للموسم الجديد. المصدر: ط¹ظ†ط²ظٹ ط§ظ„ظ†طµط± ظٹظ‚طھط±ط¨ ظ…ظ† ط§ظ„ظ‡ظ„ط§ظ„ ط¨ظ€ 6 ظ…ظ„ط§ظٹظٹظ† |
الحارس ممتاز جدا بفضل الله اولا ثم بفضل مدرب الحراس (هجيتا) والذي صنع من هذا الحارس السيء حارس متميز واخشى ان الحارس يعود لمستواه الاول بعد التوقيع للهلال ولا هو والله عرف الحق فاتبعه (يبي انجازات وبطولات) |
ما اعتقد ان الحارس بيفيد الهلال الشمري افضل منه بس ما حصل على فرصه ولا تنسى النصر ممكن يغالي بباقي المدة من عقده وأهم شي في اللاعب نصراوي صميم كيف بيتغلب على مشاعرة ولا تقول احتراف لك في ياسر وياسر عبرة |
يعطيك العافية .... وبالتووفيق للزعيم |
مانبيه هالحارس اخاف يفضحنا ويهز العارضة هههههههههههه |
^^ ههههههههههههههههههههههه أتوقع الهلال يبحث عن حارس مرمى وأفضل الخيارات العنزي لكن مبلغ 6 ملايين للاعب فقط وأتوقع لمدة ثلاث سنين لكن العائق الأكبر إنو النصر توه مجدد مع اللاعب لمدة خمس سنوات ومستحيل النصر يتنازل عن خمس سنوات لو ست شهور يمكن بعد الطقاق ... لكن اشوف الخبر مستحيل |
هههههههههههه ياشيخ لو الأدارة تفكر بالعنزي .. أنشهد نقطة سودا عليهم .. وأدري أنها أشاعات أحمد الكسار موجود وجاهز و حامي عارين الرائد حتى وصل للرائد إلى 27 نقطه بالدوري وبعدين أي مشكلة تصير بلاعبي النصر لازم يقحمون الهلال أنه يفاوضهم ..؟ علشان يبدأ حب الخشوم من أدارة النصر للاعبين النصر .. ويقولون نبي رضاك وأنت أفضل لاعب موجود ومنها لاعب يصدق أنه مؤثر ومهم .. ويسامحهم ههههه |
لااااااااااااااا إن شااااء الله ( هذا اللّي ناقص ).. سؤااااال بسّ : ليه الإداااره تحمّست في يوم من الأيّام وجابت إبراهيم زااااايد ؟؟؟؟؟ لا عاجبنا السديري ولا عاجبنا الشّمري ولا عاجبنا زايد وحتّى الدعيّع بكبره ماكان عاجبنا وفرّطنا فيه !!!!!!!!!!!!!!!!!!!!!!!!!!!!! ( ايش المطلوووووب بالضّبط )!!!!!!!!!!!!!!!!!!!!!!!!!!!! |
شباب عبد الله العنزي كويس بس والله مايفرط فيه النصر ليه لقو لهم حارس كويس ويبون يفرطون فيه الله يوفقه مع ناديه وان شاءلله يتطور لي نفسه احب ذا الشخص لي اسباب الو داعي ذكرها |
عبدالله العنزي ! ؟؟ أعوذ بالله ! والله يابعض الجماهير ماتدري كيف صاروا هلاليين مع احترامي باقي نجيب علي يزيد + سعد الحارثي + عبدالله العنزي خلاص كأس العالم على طول انا ما أستثار ولا تجيني الشياطين الا اذا شفت طاري النصر في المنتدى هذا النادي العقيم السيء ,, فيه قاعدة معروفة من سنين ولازالت فعالة, لا يمكن تجد في نادي النصر أي لاعب يكون بمستوى لاعبين الهلال ... لايمكن,, ولذلك لم ينتقل أي لاعب من النصر للهلال طول السنين الماضية ولا حتى فيه مفاوضات اصلا من هذا النوع والقاعدة هذي كُسرت فقط لمرة واحدة (ولا اقول كان لها استثناء فالاستثناء يتمثل فقط في ماجد عبدالله) وتم طلب سعد الحارثي,, مع ملاحظه كبيرة ان الحارثي انتهى عقده مع النصر وكان لاعب حر,, وفي حكم المنسّق وبالرغم من رفض عبد الرحمن بن مساعد للفكرة إلا انه قبل على مضض بسبب اصرار لامير نواف وسامي لاسباب مجهولة! ولذلك فشل الحارثي فشل ذريع حتى الان ويوجد لاعبين صغار منثل سالم ولا عبين منتقلين بعده للهلال مثل الشهراني ولاعبين عائدين من الاصابة كثير ولاعبين اجانب كلهم ضمنوا اللعب في التشكيلة الاساسية و لاعبين جدد لعبوا ووصلوا للمنتخبات ومازال الحارثي مره يحدد السكسوكة ومره يسوي دقن ومره يقصر شعره ومره يخيله طويل وملخبط !! ومازال سعد احتياط الاحتياط!! ولو كانوا مقتنعين انجم مثل كانوا يزعمون طول السنين الماضية كيف يتخلون عن نجمهم الوحيد وزهدوا به بكل بساطة واستطيع ان ابحث لك في ردودي عن اقتباس عن مستوى الحارثي او النصر قبل سنين ستجد نفس الوصف لنفس اللاعب ولم يتغير رأيي فيه ولا هو اللي تغير وتحسن هذه هي مخرجات النصر,, ولا يمكن ان يحصلوا على بطولة دوري يالطريقة هذي,, وذلك تجد نوادي مثل الاهلي والفتح والاتفاق اصبحت قوية ومازال النصر متأرجح واذا نهزموا من الهلال كل موسم تتافلوا في الدقون بعد المباراة وخرب فريقهم ونفسياتهم شانت وشالوا المدرب يعني كل نصراوي صميم اذا عنده ولد صغير يسجله في الهلال اولا ,, لكن اذا نسقوه راح وداه للنصر.,! ,, واتوقع انك ان راح تكون ظالم جداً لو انك من الناس العجيبة اللي كانوا ما يحبون المتمكن العتيبي او مع عدم رجوعه ومع ذلك يعجبك مثل العنزي هذا الحارس كوارثي يارجل ! |
الهلال اكبر من ان يفكر في اي لاعب سبق ان مثل النصر ويكفي غلطه الحارثي يمكن احمد الكسااار او السبيعي جايز |
يكفي عقليات قديمه ياخي اذا اللاعب يفيد الهلال ليش ماخده لكن اذا مايفيد شسوي فيه وتالي اذا راح اللاعب للخصم للفرق الثانيه تندمنا وقلنا ليش يبو فيصل ماجبت وليش ماسويت وليش وليش كله عشان مكابره والهلال مايجيب لاعب لعب للنصر طيب وين سعد الحارثي عن هالموضوع يا اخوان اذا العنزي يفيد الهلال ليش مانوقع معه من ناحيتي انا اشوف تغير كبير في هالحارس بس اخر مباراه مع الهلال خربها بهزة العارضه يمكن كان متوقع يفوزون بالبطوله ويكون هو مسوي حركة تشهره هههههه |
الي يقول ان عبدالله العنزي مو حارس اتحداه يطلعه من النصر افضل حارس صراحه حاليا في ظل هبوط مستوا حراس المملكه وليد عبدالله تيسير نتيف ياسر المسيليم شراحيلي موقوف من افضل حارس حاليا احد يكتب لنا افضل حارس حاليا يالله جيبو الي عندكم |
عبدالله العنزي مستواه تطور من مدرب الحراس ..هجييتا لكن خل هجييتا يروح وبعدين شوف كيف حراسته .... الحراسه لاتنقص عناصر ..عندنا السديري جيد لكن يلزمه تدريب أكثر وخبره وعندنا الشمري جيد ولكن يحتاج فرصه ..... ولكن الأهم أن يتم التعاقد مع مع مدرب حراس كبير جدا ويكون محمد الدعيع مساعدا له في تدريب الحراس أيضا وحينها سنرى من أفضل الحراس |
حارس لم يتقبل عقوبته من ادارة ناديه لايتشرف الهلال ان يكون هلالي والمصدر يقول شخصيه هلاليه !! ليش ما المانع من توضيح اسمه ؟ الموضوع اعتق انه محاوله اصلاح الخلاف بين اللاعب وناديه واقحم اسم الهلال في القضيه الان الواجب ان ينفى الهلال هذا التشويه لاسم الهلال يوجد في الهلال الحارس الماس والواكد ووليد ابو ملحه ونذهب نبحث عن لاعب من خارج النادي ؟ الان الهلال يستعد بعد يومين للقاء مهم في اسيا وياتي من يقول للحارس النادي يبحث عن بديل لك اي تهيئة هذه ايها الاحبه العنزي حارس مجتهد وليس موهوب والاعلام النصراوي عرف عنه تلميع انصاف اللاعبين لانريد الاشاره للاعبين اخذوا من البهرجه الاعلاميه ما اخذوا ثم اختفوا ولم يطلبهم احد مع حرصك عزيزي على كل ما ينفع الهلال لكن اعتقد الموضوع حل اشكاليه لدي الحارس لان مركزه طار للحارس الجديد في النصر شكر لصاحب الموضوع وهذا رايي الله يوفق الهلال في كل ميدان |
| الوقت المعتمد في المنتدى بتوقيت جرينتش +3.
الوقت الان » 06:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd