خدعوك فقالوا : جمهور الرياض لايحضر
 

السلام عليكم ،،،

سوف أدخل في صلب الموضوع بدون مقدمات

كثير ما أسمع في السنتين او الثلاث سنوات الاخيرة مقولة إن جمهور الهلال في الرياض قليل الحضور وسلبي، وهذا الامر سمعته حتى في برامج تلفزيونية ودائما أقرأ عنه هنا في شبكتنا الغالية،،، وبصراحه هذا الامر يضايقني كثيرا

اتوقع الشرارة اللي اطلقت هذه الفكرة او ( الخزعبلة ) كانت تصريح من رئيس النادي الامير عبدالرحمن بن مساعد قبل 3 مواسم بعد احد المباريات وكان يعاتب فيه جمهور الهلال على قلة حضورهم ،،، وبصراحه اشوف انه تصريح غير موفق من ابوفيصل

احب اوضح لكل من يدعي قلة حضور الجماهير ان جمهور الهلال يعتبر الاعلى حضورا من كل جماهير الفرق الاخرى في دوري زين وراجعوا الاحصائيات وسوف تتاكدون من كلامي

من يسمع هذا الانتقاد السخيف لجهور الرياض يتخيل ان الاندية الاخرى يحضر لها في كل جولة 80 ألف، بينما الواقع يقول ان العزوف الجماهيري موجود في كل فرق دوري زين

انا دائما مااحضر مباريات الهلال في الرياض ولم يحدث ان شاهدت بعيني اي فريق تفوق علينا في عدد الحضور :yes:

حتى النصر وهو الذي يعتبر المنافس التقليدي في الرياض اتحدى اي شخص الان يحضر احصائية او حتى صورة يكون عدد جمهور النصر اكثر في مبارياتنا معهم

بعض الناس يستشهد بجمهور الاهلي والاتحاد ويقول ان حضورهم مميز، وانا ارد واقول هل تعرفون ان سعة ملعب جدة 18 الف فقط ، ولا يعبأ بشكل كامل الا في المباريات الكبيرة فقط!!

هذا ما يتعلق بعدد الحضور اما بالنسبة للسلبية في التشجيع فانا من وجهة نظري انه اذا كانت الايجابية تعني الاهازيج المريضة واللحجية مثل (ياكلك و الاتي ولع نار) فنحن لا نريد هذه الايجابية، نريد تشجيع راقي ومنظم واذا تبون مثال تذكروا اهزوجة ( ياهلال) اللي كانت ترعب الخصوم ايما رعب.

ختاما جمهور الهلال عظيم وعاشق واسألوا استاد الملك فهد عن ذكريات الترجي والشباب وجابليو وشيميزو لذلك اتمنى من الجميع ان لا يضع اللوم على الجمهور من اجل ان يغطي على أخطاء الادارة واللاعبين ، ويوم الثلاثاء سوف يكون جن الملاعب على الموعد

دمتم بخير

إن شاء الله يحضر

اتمنى من إدارة المنتدى التجهيز من الآن

بوضع البنر الخاص بالمباراة

المباراة تحتاج حضور الجميع ومن جميع المناطق

والأهم هو الحضور بفاعليه يعني جمهوووور يهدر كهدير البحر رعب

اما جمهووور ساكت فالأفضل ألا يحضر

شكرا:rose:

الا جمهور دايم نشوفه قليل وادا لعب الهلال في بريده تشوف الملعب مليان او ادا لعب في الدمام شوف الملعب مليان

اعتقد الحل الوحيييييييييييييييييييييييد لجماهر الهلال في الرياض هو

ان لا يتم نقل المباراة

واللي هم خارج الرياض الله لا يهينهم يتابعونها في المنتدى

لاننا بصراحة عجزنا معهم


بعضهم يحضر للرياض من الغربية وبعضهم من الشرقية وبعضهم من خارج الرياض لاجل الزعيم الملكي حبا وعشقا وهياما

واهل الرياض يا انهم في الاستراحات او في الكوفي شوب تقل كنها بتقفل بعد المباراة ومابيلحقونها

ي حبيبي جمهور الرياض يجئ في المباريات المهمة بس والحاسمة هذا شيء معروف بعكس الأندية الثانية حتى لو قلنا أنهم يحضرون وش فائدة الحضور وهم ساكتين مافي تفاعل

ان معك تماما في هذا الامر معدل الحضور منخفض جدا هذا العام في كل المباريات حتى مستوى اللعب انخفض اعتقد الموسم المقبل سيتحسن الحضور "ان" اهتم الاتحاد السعودي بوضع خطط لجذب الجماهير ...
لكن للامانه مشاهدة جماهير الزعيم تملئ جنبات استاد الملك فهد تجعلني اتوقع حضور قوي في كل مبارة ...!
"في آسيا مبارة مهمه ...اتمنى ان يمتلئ الملعب لتكتمل المتعه مع انتصار باذن الله "

اخوي وحبيبي الغالي انا مشجع هلالي من الرياض سابقا

جمهور الرياض اعذره في نقطة ان الفريق يلعب في الرياض في الموسم قرابة العشرين مباراة

عكس المناطق الأخرى التي لا تتجاوز مباريات الفريق في منطقتهم 5 مباريات في الموسم

لكن بصراحه جماهير الرياض حاليا حضورها فقط في المباريات الكبيرة

وحضور سلبي كذلك جمهور متوتر متنرفز لا يشجع بل يضغط بصرخاته الأستهجانيه على ضياع

أي هجمه او خطأ تمريره

في الختام جمهور الرياض له وقفاته مع الفريق التي لا تنسى لكن اتمنى ان يتطور للأفضل

مرحبا اخوي قريت موضوعك وبالاذن عندي تعقيب

في اللون الاحمر للاسف اخوي تناقض نفسك تقول ابن مساعد اطلق "خزعبله"
بخصوص العزوف الجماهيري وبعدين تأكدها فيه عزوف جماهيري لأنديه الدوري كامل !!!! ....

في اللون الاخضر تنفي بعدم حضورك ... انا ما احضر كأنك تقول " انا لا احضر


اللون البنفسجي الارقام تتحدث

http://www.youtube.com/watch?v=w7IB3GR8hrI

قفله :
اتمنى تتأكد من معلوماتك قبل طرح اي موضوع وبالتوفيق

اي مايحضر ووعدنا مباراة العين :)

هههههههه
اكيد انك ما تحضر للملعب وهذا اللي خلاك تستفز وتنزل موضوع كله كذب
المهم
شاهد بعينك حتى ما تقول افتراء

‫في المرمى | ردود فعل مشجعي الهلال بعد مباراة الريان‬‎ - YouTube


بالنسبة لأحصائيات الحضورالجماهيري في هذا الموسم
فهي كالتالي

1 الاتحاد 196977

2 الهلال 176091

3 الأهلي 175885

4 النصر 123916

5 الفتح 112594

6 الشباب 68481

7 الاتفاق 68214

8 الرائد 66338

9 التعاون 55333

10 هجر 52245

11 الفيصلي 47557

12 الوحدة 40469

13 الشعلة 37502

14 نجران 33200


أكثر فريق حضور جماهيري على أرضه الاتحاد (115892)
أكثر فريق حضور جماهيري خارج أرضه الهلال (99291)

كل ما قيل عن جماهير الرياض هو صحيح للأسف

وشكرا

والله اني اشيل هم الجمهور اذا كانت المباراة في الرياض يجيك اربعه في المدرج وزيادة من دون تفاعل تلقا كل واحد بكيس فصفص ورجل على رجل لبى جماهير الشرقية و الغربية ولا تذكر يوم جا الهلال عندنا ابها كيف الملعب فلللللللل

بالنسبة للنقطة الاولى انا كنت اقصد انه دام فيه عزوف جماهيري من كل الاندية ليش بس رئيس الهلال هو اللي يصرح وينتقد جمهور ناديه،، وش معنى رؤساء الاندية الثانية ماصرحوا مثله ،،، وحتى مع قلة الحضور الجماهيري بشكل عام في كل الاندية يظل الهلال هو الاكثر حضورا

اما بالنسبة للنقطة الثانية فاتوقع انها واضحة جدا ،، ( دائما ما احضر ) يعني دايم احضر بالعامي ،، اتوقع خانني التعبير فيها

تشرفت بردك