بسم آلله الرحمن الرحيم آستفتح بها هذاا الموضوع

اولاا اتمنى آلتوفيق للهلال في الاسيويه اللي لازم يشتغل عليها في حال التأهل بأذن الله

وقدامه كاس الملك اللي بأذن الله بيكون هلالنا بطلها

عموما راح ادخل بالموضوع

ياما بالدكه مظاليم !

لاعيبه كُثر في دكه الهلال لم يأخذوا اي فرصه تسمح لهم بطلق ابدعاتهم !

نبدأ حبه حبه

اولا فهد الشمري !

استغرب واتعجب ليش هالاعب م يلعب ولا ياخذ فرصته ؟
المشكله ان الحارس الاساسي ومع كامل الاحترام سيئ وفهد الشمري احتياطي ولم يتم تجربته

اخر مباراه للشمري كانت مع الشعله وديه 0-0 وكان هو نجم المباراه بدون اي منازع !

اتمنى ياخذ فرصته بباقي مباريات الدوري !

-

يحيى المسلم : نجم دفاع نادي الرائد انتقل للهلال تأملنا فيه خير لكن م لعب ولا اخذ فرصته

خصوصا وان دفاع الهلال متخبط ! شفنا المرشدي والزوري واوزيا ومانجان المرشدي والزوري اثبتوا فشلهم الذريع في سد احد خانات الفريق الدفاع اوزيا ممتاز جدا مانقان المعار جيد لكن ليس بمستوى المدافع الاجنبي اللي مفروض يكون !

اتمنى ان يُعطى يحيى المسلم فرصته في باقي مباريات الدوري فـ الاعب يملك الكثير ليقدمه للزعيم

-

سعد الرابح ! اللي شفنا انه يملك حماس عالي وعنده حاجه يبغى يقدمها لكن الفرصه اللي قُدمت له لاتشفع له .. لعب 15 دقيقه ضد الفيصلي وسبب ازعاج كبير لدفاعات الفيصلي سوائا من التوغلات او التحرك يكفيك الكره المهدره منه كيف هرب من 4 لاعبين وتمركز بمكان ممتاز جدا لكن خانه الحظ ! شفناه ضد الوحده دخل في اخر الدقايق هرب من 3 لاعيبه وصنع كوره خورافيه ومحققه لسالم الدوسري اللي ضيعها ! ي جماعه سعد الحارثي لاعب كبير كبير كبير لكن ماخذ فرصته مع الهلال ! للمعلوميه بس سعد الحارثي يوم كان في اخر ايامه للنصر النصر م قدم عرض له ! .. وكيل اعماله دبر له عرض اي كلام للهلال وببلاش او نصف مليون ! لما سمعوا رؤوس النصر ان النجم الجماهيري بيروح للغريم العاصمي كان الامير ممدوح في جده رجع للرياض واجتمع مع وكيل الاعب ليقدم له 3 مليون ! سعد الحارثي رفض تماما لانهم عافوه بالبدايه وعرضوا عليه عشان م يروح للهلال وليس لأنه سعد الحارثي ! .. في جمله تنقال دايم لما يكون الحديث يتمحور عن سعد الحارثي وانه مظلوم في الهلال ( لو فيه خير م عافه الطير ) ! مثل غير صحيح ي عزيزي ! احنا في زمن احتراف وموب شرط عليك تبقى في ناديك حتى تعتزل ! هذا ابراهيموفيتش يتنتقل بين عمالقه اوروبا وشي عادي بيرلو نفس الكلام وغيره من النجوم .. ومحليا عندك محمد نور حسين عبدالغني نجوم كانوا في انديتهم وانتقلوا وهذا شي طبيعي !

عموما احس اني طولت في الحديث عن سعد المظلوم

-

محمد القرني : لاعب ممتاز دفاعي بحت ويُجيد التسديدات من خارج المنطقه واتمنى ان يشارك في المباريات القادمه خصوصا لانخفاض مستوى النجم سلمان الفرج !

--

اتمنى تشكيله الهلال ضد التعاون تكون

الشمري-مسعد-اوزيا-المسلم-الشهراني-- القرني -جوستافو - الشلهوب -سالم- الحارثي - يو بيونغ سو !

انا اشوف انها تشكيله مناسبه جدا خصوصا انك تريح بعض نجوم الفريق خصوصا لان قدامك مباريات حاسمه جدا في اسيا وايضا لان الدوري طار عليك وقدامك جولتين ولازم تجرب الاعيبه اللي في الدكه حتى يشعر الأساسسين ان هناك ناس خلفهم ممكن ياخذوا مكانهم وبالتالي الكل يشد حيله وكل هذا يصب في مصلحه زعيمنا

واتمنى اني وفقت في نقل وجهة نظري لكم

في انتظارات كومنتاتكم وارائكم ؟

ياخي تعبنا وحنا نطالب بأعطاء الشمري فرصه لكن لاحياة لمن تنادي الواسطه قويه
يبغالنا نسوي هاشتاق نطالب فيه بأشراك الشمري بديل للسديري يكفيه مباريات الدوري وولي العهد واسيا

نعم نعم ( القرني ) افضل لاعب بالعالم ولا ننسى الاسطوره البيشي


متى اشوفهم بقمصان فريق ثاني بس

كل شيء يمكن أقتنع فيه حتى عالمية النصر
إلا القرني
اللي ما أشوف فيه أي ميزة إطلاقا بالعكس يسبب فاولات تخليك تنجلط وله موسمين يسدد ولا سجل إلا هدف واحد قدام الشعلة

كلامك رائع اخوي وتشكر ع موضوعك

وهذا ما يتمناه كل هلالي., مع اختلاف بسيط ف القرني اللي مستواة الفني سيآ ويقتل الجمهور مرات لكن اللي اخذو فرصة مو باحسن منه

اتمنى اتمنى اتمنى ارى الشمري والرابح في ما تبقى من مباريات الدوري وكاس الملك
وبإذن الله نلقى ضالة الهلال ف الحراسة ومتاكد من ذلك

وعودة الذابح سعد اللي يتمنى نص فرصه

والله يوفق الهلال

قد اختلف معك في بعض النقاط خصوصا في بعض النقاط خصوصا مستوى السديري لانه هو الافضل

بالنسبه للتشكيه في مباراه الاهلي وكاس الملك اتمنى ان تكون بالاحتياط
الشمري
العبدالله والمسلم اوزياء مسعد

القرني والغنام
الشلهوب وعزوز ان كان جاهز او نامي
الكوري وسعد

اسعدتني ردودكم | صحيح القرني سيئ لكن لسى لاعب واعد وقدامه مشوار طويل .. م يحتاج اذكركم بمستوى سلمان الفرج مع كوزمين اللي كان م يعرف يستلم او يمرر حتى واليوم انا اشوفه من افضل الاعيبه بالتمرير والاستلام .. واشوف ان القرني لازم يلعب بدال الفرج ع الاقل يحسس ان الفرج ان فيه منافس له او ع الاقل يلعب الغنام .. واتمنى ان سعد الحارثي يلعب 90 دقيقه قدام التعاون ومثلها قدام الاهلي .. للمعلوميه ويسلي هداف الفريق جته فتره 6-7 مباريات متتاليه م سجل ! وهو لاعب متمرس وعنده خبره ودائم م نشوفه يلعب اساسي .. سعد الحارثي لاعب مواظب جدا وخلوق ولا قد سمعنا انه سبب مشكله بالنادي او غاب عن التمارين لكن للاسف مو لاقي فرصه وانا م الومه بسبب وجود القحطاني و ويسلي وايضا الكوري .. دكتنا لازم ياخذون فرصه واشدد على الشمري والمسلم والحارثي ! ويارب الاداره يسمعون للجماهير

اول شيء انا ضد عبارة ياما في الدكه مظاليم

الزين يفرض نفسه دائما

بالمنطق ناس تعمر وهي بالدكه وناس صغيره بالعمر

ومن اول مبارتين تبرز نفسها وتؤدي اللي عليها

انا ما اقول ان الموجودين بدكه الهلال سيئين

ولاكن اللي في الملعب افضل

ولا يوجد مدرب او ادارة او كيان يتمنى الخسارة

بل بيلعب بافضل ما يملك

الكوره عطا داخل الملعب وحماس وتكتيك

صااااااااااااااااااااااادق مظاليم ... لانهم مالقوا مدربين

مبااراة التعاون تجهيز لمباراة العين ، يعني لازم يلعبون بالتشكيله الاساسي
وباقي مبارايات الدوري يلعبون بالرديف منه يرتاحون الاعبين ومنه يعطون فررصه لباقي نجوم الفريق

ياما انديه مظلومه من الاحتياط الذي لايخدم الفريق

اليوم هي اهم مباره لانه استعداد للعين اذا فزنا بنتيجه كبيره فراح تكون استعداد جيد

الشمري فقط يستحق اعطاء الفرصه وعلى فكره مباراة التعاون تضمن للهلال المركز الثاني رسميا ودخول اسيا فرضا الهلال حقق المركز الثالث وفي فريق فاز بكاس الملك يدخل رابع والاتحاد الاسيوي طلع بقرار تقليص مقاعد الانديه السعوديه الى ثلاث راح يشارك الاول والثاني في الدوري +بطل كاس الملك فقط لذلك لايمكن للهلال ان يغامر على الاقل يحصد الثلاث نقاط ويرتاح في مباراة الاهلي الي بتكون وسط ضغط

بنسبه للحارثي اوت مع نهاية الموسم

يعطيك العاافيه ...

ذحين اناا بااعرف ليه متعاااقدين مع يحي المسلم دااامه ع الدكه وحسن خيرااات و الحااارس ابراهيم زيد و فوااز فلاته اول مااتعاااقدو

معاااه ع طووول رااح اعااارة للرائد او التعااون يعني لو بالعقل وش يدل الذكي يفهم وش اللي يصير ب اداارة الهلال ... ؟؟؟!!

يااااااما لاعبين انظلمو مع الهلال ... شااافي الدوسري - البرقاااان واكبر غلطه غلطهااا ابووفيصل فرط بــ عمر الغاامدي ..

المهم راااح اللي رااح الهلال يبقى زعـــــــــــيــــــــــم اســـــــــــــــــــــــــيا .. 6 وان شاااء الله الــ 7 جاااي بــ الطريق ي رب