|
اسطورة السعودية الاول والجمهور الظالم "الى متى" !! صباح الخير اذا هو صباح ومساء الخير اذا هو مساء .. صاير ماكتب مواضيع ولا ارد الا على الاشياء الضروريه .. صراحةة وبدون مجاملة جمهور الهلال يرفع الضغط طبعاً الحضور قاضين منه مافي حضور لاكن ملاحض حاجة بسيطة على الجمهور اذا حظر طبعاً انا حسيت انه مافي الا لاعب واحد يلعب داخل الميدان والجمهور يهتف له في كل مباراة !! ياجمهور الزعيم والله اللي تسوونه اهانه للاعبين الشباب اللي موجودين بالفريق يا اهتفوا كل يوم للاعب او الصمت افضل نواف العابد نجم مايختلف عليه اثنين ورجل المواقف الصعبه ورجل الحسم مافي احد هتف ب اسمه ابداً لماذا ؟؟ سلمان الفرج يمر بـ اسوئ مستوياته والجميع شاهد تمريراته الخاطئة وقطع الكرة منه بسهولة ولا واحد من الجمهور وقف معه وهتف ب اسمه !! ذولا مستقبلنا اذا ماشجعتوهم اليوم متى بتشجعونهم ؟؟ اقسم بالله حظرت مباريات بالرياض وبالقصيم وبكل مكان يلعب فيه الهلال والغريب ما اسمع الا جمهور يردد "ياسر ياسر ياسر" وكأنها وراثه ياسر لاعب كبير ولا اشكك في امكانياته لاكن فيه من هو احق واكبر سن ولازال مضلوم بالنادي وهو الاسطورة الاولى بالمملكة بالارقام "الشلهوب الموهوب" لم اسمع في يوم من الايام هتفات ب اسمه ولا ننسى انه فقد ولدينه ولم يبقى له سوى النادي والجمهور اقسم بالله اني ابكي على الفرقى وهي مابعد جت اتمنى ماتندمون بعد رحيله !! اتمنى من جمهور الملكي الهتفات ب اسمه ورفع لافتات فيها الاسطورة قبل الشلهوب ودعم الشباب ولن تفيدكم التفرقه "اهتفوا لياسر ولا تناسون البقيه" ! >اسوئ موقف انصدمت منه بنهائي ولي العهد نجم المباراة بلا منازع "العابد+الشلهوب الاسطورة" والاعبين امام الجمهور يحتفلون والمدرج كله " ياسر ياسر ياسر " والمشكلة ياسر بالجهه الاخرى مع الزوري يحتفلون مع الادارة ! انا بس حبيت انوه على الجمهور الغالي فلا تستغربون في يوم من الايام اذا فقدتم نجومكم بعد هذه التفرقه كل الاعبين على العين والراس وادعموهم وشجعوهم حتى لانفقد متعتهم "داخل الميدان" ودمنا زعماء :rose: |
الشلهوب آخر الأساطير مع نور .. الشلهوب عمره الآن 32 سنة .. يعتبر لاعب خبير في النادي وله ثقله .. بغض النظر عن رأي بعض الجماهير واللي اختلف معها كثير في الحكم على مايقدمه ابوبندر .. الشلهوب ولأن قلبه أبيض وطيب وهاديء جدا مايكون له تأثير وكاريزما مثل اللاعبين الثانين عند الجمهور ... ومهب بس عند الجمهور .. هذي طبيعة بشرية .. الواحد لازم يكون طويل لسان علشان اللي حوله يقولون وش هالشنب الذكي الممتاز ! وتقدر تقيسها على أي مكان .. بين أهلك او اخوياك أو حتى على نفسك .. تصير طيب مع شخص بعد خمس دقايق تلقاه قالب عليك ويعاملك وكان مالك شخصية .. وكأن أخلاقك معه شيء سلبي .. لشلهوب كصانع لعب يعتبر بالنسبة لي لاعب غير سعودي لأنه فوق مستوى اللاعب السعودي وأقوله بدون مجاملة .. أما بخصوص ياسر .. فهو لاعب مميز وجماهيري وأكيد الجماهير تحب المهاجمين أكثر من أي لاعب في أي مركز .. |
موضوعك جميل ومنطقي ..ياليت بالفعل يهتفون باسم الشلهوب فهو أسطورة الهلال الحالي .نبي من الجماهير الهلالية في مباراة العين ان تهتف بأسمه فهو يستأهل كم فرحنا ببطولات .. |
لاياأخي ماهو بالطريقه تكتب موضوعك الشلهوب محبوب من كل الجماهيروالكل يتعاطف معه ...لكن الان مايلعب الاقليل فتأثيره ليس كتأثير ياسر..فالشلهوب لو كانت بنيته قويه كان صار اساسي على طول واستمرت الجماهير بمتابعته والهتاف له ياسر نجم هداف وراس حربة الفريق ودائما يقول للجماهير هاأنا بهدف رائع ولايغيب عن التهديف وان لم يسجل صنع اوهدد مرمى الخصم لذا هو دائما في الصوره فلاتعجب من هتاف الجماهير باسمه ....بالعكس هذا امرجيد يجعل اللاعبين يبدعون ليكونوا مثله وتهتف الجماهير باسمهم تدري والله اني شاك في موضوعك للفتنه بين اللاعبين والجماهير (لمعلوميتك ياسراحب اللاعبين واقربهم لقلبه الشلهوب) |
مع أحترامي لك ولموضوعك اللي جالس يأجج الجماهير ويسبب التفرقه بينهم الحقيقه أن الهلال لم يعد كالسابق مليء بالنجوم ولايوجد نجم حاليآ غير ياسر وهذه الحقيقه أنت جالس تتناقض في موضوعك جالس تطالبهم بالهتاف للعابد والشلهوب وتطالب بعدم الهتاف لياسر !! لوكنت تريد مصلحة الهلال وجميع اللاعبين كان طالبت بالهتاف لجميع اللاعبين بدون أستثناء وما حددت ياسر ! الحب من الله وماهو ذنب ياسر أذا كان الجميع يحبه ويهتف بأسمه وإلا عندكم مانع أنتم !! أتركوا عنكم الحقد وحسد اللاعبين على محبة الناس لهم وأدعموا جميع اللاعبين بدون أستثناء وأتركوا المواضيع اللي تأجج الجماهير وتسبب التفرقه بينهم ومامنها فائده مثل ما أنت تحب العابد ومجنون به غيرك يحب ياسر بعد !! والله بعض المواضيع تذكرني بالجارات والغيره بينهم ليش يحب هذاك ويترك هذا :d:to: |
صراحه مثل هذه المواضيع لن تفيد الهلال صحيح انها وجهة نظر تحترم لكن ليسى بهذا الطرح . وانا افهم قصدك لكن لا تنسى ان ياسر ترك الملياين من اجل الهلال وهو راس حربه وايضاً هو الاعب الوحيد المحارب من حزب الشيطان في السعوديه والوقوف معه مطلب حتى يستفيد منه الفريق وكذلك يجب ان نهتف لكل لاعب متميز وايضاً لاي لاعب مستواه منخفض حتى نرفع من روحه وحماسه واعتقد ان الجماهير تتحمل بعض اسباب انعدام الروح لدى بعض الاعبين الهلال يحتاج الكل سواء جماهير او اعلام محايد او لاعبين عاشقين ووووو |
إقتباس:
|
ولله موضوعك افضل موضوع وبعدين ليش مايفيد الا بقوه يفيد بس فالحين نجلد في في النادي واحنا كجمهور مانخطي اول شي نعدل من وضعنا كجماهير نحنو نشجع كيان مو لاعب واحد نهتف ونشجع ونحضر بعدين ننتقد اما مافي حضور جمهور وانا لاعب قم بالله ماارد على احد |
موضوع رائع ولايهمونك بعض اللي مطفين النور ولم يقرأوا الموضوع جيداً نتمنى من الجمهور الهتاف لنجم المباراة اياً كان ومن قدم جهد كبير وليس من سجل فقط للاسف حتى التصويت اللي في الشبكة تجد هناك من يصوت للاعب نزل الدقيقة 89 من المباراة ولالمس الكورة بينما تترك نجم قدم جهد كبير واداء مميز طوال المباراة عموماً من الصعب تغيير قناعاتهم وهم احرار فيها فهي تعتمد على مستوى الثقافة وعشق الكيان |
ولله موضوعك افضل موضوع وبعدين ليش مايفيد الا بقوه يفيد بس فالحين نجلد في في النادي واحنا كجمهور مانخطي اول شي نعدل من وضعنا كجماهير نحنو نشجع كيان مو لاعب واحد نهتف ونشجع ونحضر بعدين ننتقد اما مافي حضور جمهور وانا لاعب قم بالله ماارد على احد |
فعلا موضوع رائع مع الاسف ما نحس بقيمة الاعب الا ذا ترك النادي ابرهيم هزازي يسوي بلاوي ومع ذالك في جمهور معاه اما احنا مافي الا لاعب واحد والبقية على حسب الموجة ونقول ليش لاعب نازل مستوى للان مافي جمهور يحاسبة ويوقف معاه |
عين العقل والله وطرح في محلّه يا أخوووي وكمّلها أبو ساري .... ربي يوفّقكم اعطوا كلّ ذي حقّ حقّه يا جماهير الزّعيم وادعموا الكل... |
إقتباس:
|
اللي يردون ويقولون تأجج الجمهور !! انا اكثر واحد كتب مواضيع عن ياسر وابو عزوز غني عن التعريف واتمنى قرأة الموضوع مرات للتأكد اني لم اسيئ الى ابو عزوز لاكن صرت اشك ان "بعض" الجمهور يشجع الاعبين وليس يشجع الكيان وللمعلومية هذا اللي نكة "عاشق الكاسر" يوم من الايام كتب "لو يروح ياسر للنصر ابشجع النصر" والله على ماقوله شهيد !! لذالك موضوعي موجه لجمهور الهلال اهتفوا ب اسم الاعبين كلهم وحتى ياسر لاكن لاتتخلو عن الاخرين |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 04:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd