الى الان مانعرف من اللي يختار الاعبين الاجانب في الهلال ،!!

نجح الامير عبدالرحمن بن مساعد وسامي الجابر في اول مهمه في اختيار الاعبين الاجانب اللي هم رادوي والسويدي وليهامسون والبرازيلي نيفيز والكوري بيونق

ثم رحل قريتس الى تدريب منتخب المغرب (ثم بدت المجامله قريتس سهل التعاقد مع يوسف العربي وهرماش اللي اعتبر انهم لم ينجحوا في الهلال ومعهم الكوري الحالي
ومن بعدهم تدخل كمبواريه وورط الهلال باالكولمبي بوليفار الذي ليس في طموحات الهلال ولن يحقق معه شي

استثني (المدافعين مانجان واوزيا اعتبر انهم ممتازين جدا ومميزين) لكن مشكلتهم يلعبون وحدهم دون مسانده ويغطون اخطاء الدفاع والحارس

لكن مانجان رحل والسبب عاطفة الامير بن مساعد مفروض يبعد العاطفه عن القرار في الهلال مفروض يجبره على البقاء ولو بزيادة في المرتب

المهم نشوف المنتدى يمتلي با السماسره اللي يدخلون ويكتبون مواضيع دعأيه وعرض لاعبين فشلو في انديتهم وليس في حجم طموح الهلال
اي موضوع تشوفونه عن لاعب ويمدح فيه تاكدو خلفه سمسار او ربما صاحب الموضوع يكون وسيط سمسار يبي يوهق الهلال بلاعب منتهي..


لابد من ادارة الهلال ان تعتمد على خبراء عشاق للهلال ولا يبحثون عن مصالح خاصه لهم مثل الكبتن فيصل ابو اثنين والكبتن نواف التمياط ويوسف الثنيان هولاء الاعبين يكونون لجنة خبراء الاعبين المحترفين واللي يصلح واللي مايصلح .. وعلى الاداره احضار الاعب اللي ينقذ الهلال ولو قيمته ملايين .