|
ياناس والله ماني مصدق باللي حصل ...!! والله من بعد المباراة وأنا في صدمة نفسية لا يعلمها إلا الله ...!! يا أخوان إلى متى يتلاعب بعض اللاعبين بأعصابنا ...!! المدرب .... وآآآآآآه من المدرب .... مدرب جيد ومانختلف عليه ...!!؟؟ لكن ألا تلاحظن أنه مدرب يفكر بالتغييرات أكثر من تفكيره بالتشكيلة الأساسية ؟؟؟ وبعدين فيه سؤال واضح وصريح ؟؟؟؟ هل كان هنالك نية لعدم مشاركة الجابر في المباراة من أساسة ؟؟؟؟ ... والله العظيم من شفت الكاتو لابس رقم ( 9 ) وأنا أقول لأصحابي قابلني لو لعب سامي ...!! وجوده في الإحتياط كان لإسكات الجمهور ...!!! ياخوي ودي أعرف حسن العلي هذا وش يشوف فيه المدرب ...!!! بصراحة هاللاعب بدأ بداية لا بأس بها ... وإن كان أغلبها من ضربات الجزاء ...!! ولكن والله العظيم حرام يطقها في الملعب بوجود هالكم الكبير من النجوم ...!! ونواف التمياط ....!!! .... نواف نجم كبير ... ولكن اليوم كان شبح داخل الملعب ... كان يلعب لنفسة ... وترك مصلحة الفريق ... وضرب بها عرض الحائط ...!! الموهوب الشلهوب ... شكله نسى أن المباراة مهمه ... أو بدأ يحب طابع الاستعراض ...!!! الكاتو ...!!! لاتعليق ....!!! وماهو الكاتو لحالة بل جميع الفريق لا تعليق ...!! ماعدا ... أبو يعقوب الله يخليه لنا والصلب الشريدة والأسد الدعيع ... أما الباقين ...!!!!!! مليون علامة إستفهام ...!!!!!! لكن والله فيه خالد التيماوي بالذات ... ودي أوصله هالرسالة ... يا خالد إذا ما تعرف تكتب ورقة الاعتزال تعال وأنا أعلمك صيغة الكتابة ...!! كفاية تتلاعب فينا ...!! نعم أنت لاعب كبير ولك تاريخك ... ولكن مستواك الان ...!! الأفضل لك الانسحاب بهدوء لكي لا تخسر الجمهور الهلالي ... وللجميع تحياتي ... أخوكم / سفر المرزوقي . |
رد بتصرف؛ الغالي سفر هذا المقال للكاتب الكبير يا قاهرهم يا سامي فيه رد على بعض تساؤلاتك "تعمدت ان اكتب هذا الموضوع ( القصير) بين شوطي لقاء الهلال وارتش .. تابعت الشوط الاول انا ومجموعة من الاصدقاء اغلبهم اصاب التشائم من تأهل الهلال من مربع غرب اسيا للنهائيات .. والسبب.. ركن الجابر والتمياط والشلهوب والحمعان وعبدالله سليمان على دكة الاحتياط ..!!!! أعزائي .. الجابر للتو عاد من انجلترا وكان مهدد بعدم الانضمام للبعثة .. التمياط عاد من ايطاليا بعد توقيع عقد اعلاني ... الشلهوب تعرض لاصابة ضد الرياض وتم اخراجه الشوط الثاني للحفاظ عليه.. عبدالله سليمان عاد للتو من اصابة.. الجمعان .. انقطع اكثر من مرة عن الفريق .. @@ السؤال .. هل بقاء نجوم العيار الثقيل على دكة الاحتياط ..كافية لنصب المشنقة للمدرب.. المدرب سوزيتش مدرب رائع وجرئ .. ومنحه المزيد من الحرية تعني اننا ان شاء الله موعودين بقريق ازرق يرهب الجميع .. @@ دعوا العاطفة جانباً .. والايام القادمة كفيلة بان يحجز الشلهوب وسامي والتمياط وغيرهم من النجوم مكانه في خارطة الفريق الاساسية .. @@@ |
يا سفر وسع صدرك وانا اخوك .. والله ياسفر كلنا انقهرنا من مستوى الهلال .. وكلنا انضغطنا وحنا نشوف التمياط وسامي والشلهوب على الدكة .. بس وانا اخوك .. ودي انك ما ((عطيتهم القاز)) :) .. التأهل لازال بيد ابطالنا ان شاء الله .. وانت قسيت على التمياط والشلهوب والتيماوي .. على كل حال .. الله يلوم اللي يلومك .. بس تكفى يا سفر وسع صدرك وتبي تشوف اللي يسرك ان شاء الله.. اخوك .. ياقاهرهم ياسامي |
أستاذي سفر .. وسع صدرك وانا اخوك والتأهل ان شاء الله متأهلين متأهلين لكن ما تلاحظ انك قسيت شوي على التيماوي . ومن وجهة نظري( الأكثر من متواضعه ) ان الفريق كله كان تعبان بإستثناء ابو يعقوب ، وكانت الروح الهلاليه مع الأسف غايبه . لكن الأمل ولله الحمد موجود ، خصوصاً بعد تعادل بيروزي والإتحاد . وان شاء الله نبي نبارك لبعض حبيبي سفر بالتأهل ونتبادل الهدايا بعد. لكن لا تطمع بجواز :) .. |
يا سفر وسع صدرك يا حبيبي (يا ضايق الصدر بالله وسع الخاطر) يا جماعة لا تشبون من اول اخفاق (هذا اذا كنا نقدر نسميه اخفاق) المسالة وما فيها تعادل ونجوم الازرق بيشدون حيلهم انشاء الله ويتاهلون بس خلوا نعطيهم فرصة شوي وش رايك يا سفر ....؟؟؟؟ |
أخخخخخخ ماذبحني الا التيماوي - في الشوط الثاني . ياجماعه كان سامي بديل للتيماوي في الشوط الثاني صح ولا أناغلطان . أخخخخخخخخخخخ يالمدرب تصيب وتخطي ؟؟؟؟؟؟؟ظ |
استاذنا وضاق...من يراضيه.!!! وراك شايل الدنيا فوق راسك........... عزيزي سفر... أتمنى انك تهدي أعصابك شوي........وتروق... عموما اليوم الفريق كله مقصر وأتمنى في المباراة القادمة...يتعدل الوضع ... استثني من التقصير.........اسمي |
والله ياليت التيماوي يريح ويستريح ومعه لطف والمسعري بعد |
السلام عليكم ورحمة الله وبركاته اخي سفر انا معك ان اغلب لاعبي الهلال لم يظهرو بمستواهم في مباراة الامس لكن هناك اسباب اهمها التشكيل الخاطيء والتكتيك الغير مناسب من المدرب الذي لازال يقوم بتجاربة على التشكيلة برغم المباريات الثمان التي لعبها اخي اسفر اختلف معك بما ذكرت عن خالد التيماوي بمطالبته بالاعتزال لأني اجد له عذر وهو عدم مشاركته في مركز الاساسي والمعروف والذي برز فيه وهو الوسط الايمن في جميع المباريات التي شارك بها هذا الموسم واتفق معك حول اللويعب حسين علي مصيبة ان يشارك هذا حتى على دكة الاحتياط فما بالك في مشاركته اساسي وعلى حساب من سامي والجمعان!! والذين يفوقونه في كل شي قد نجد العذر للمدرب لان سامي والجمعان غير جاهزين مائه بالمائة برغم انهم اكدو جاهزيتهم في مباراة اليمن الودية !! لكن ان فعلها واشركة في مباراة الاتحاد فاعتقد ان المدرب هذا احد ………… |
أخوي سفر ... والله معك حق في كل اللي قلته ... مع إن أرضية الملعب سيئة جداً ... لكن هذا موأي فريق يتأثر بالأرضية .!. يعني الاعبين ما معهم أي عذر ... وبخصوص التيماوي أنا لاحظت عليه ملاحظة في الشوط الثاني وهي إنه " أي كورة تجيه يرفعها عن الأرض ويمررها ، حتى لو كان اللاعب قريب منه ، وسواها مع التمياط " أعتقد إن التيماوي لازم يراجع نفسه كثييييير مع لطف والمسعري وحسين العلي وشكراً . |
الله يلوم اللي يلومك... الغالي سفر, المدرب ماله ذنب... خطاءه الوحيد الابقاء على التيماوي... لكن يالغالي ترى نواف مستواه يوم نزل ممتاز, لكن الجمعان اللي مايقدر يلحق كوره. الى الجميع لاتلومون سفر تراه مضغوط والكل منقهر.. وأنا معاه أنه شي يقهر بالمره. ســــــامــــــي الجـــــــابـــــــر مهما عمل فهو المطلب الرئيسي للمباراة القادمه. تقبلوا تحياتي |
أخوي سفر صدقت والله و بالذات خالد الله يعافيه بعض المرات و أنا أنتقده ودي أسبه من القهر اللي فيني بس أتذكر ماضيه و وش كان يسوي للهلال و أقول ليته أعتزل دام رجعته كذا.. أمس كله ما يعطل هجمات الهلال غيره.. ياكوره مرجعها ورى أو كوره مقطوعه ما يصير والله ذبحنا |
اييييييييييييه ياسفر خالد ليته يعتزل وماعليك بكتبله انا الخطاب تراني خطاط:) خالد من ويم رجع ماجلس في مركز واحد 3 مبارايات يوم وسط ايسر يوم ايمن يوم ورى المهاجمين يوم مهاجم واخير محور خالد ليته يعتزل فامس من جد كان مصخرة للاسف ليته يعتزل تحياتي |
ســ9ــامــ9ــي هلا بك اخوي ووسع صدرك الدنياماتستاهل زعلك اقولك التعادل تم بسبب الكل وليس المدرب فقط او بعض اللاعبين |
يا شباب انا ما شفت المباراة لاني كنت في مكة و كنت اسال عن النتيجة بالجوال وودي اعرف السيطرة كانت لمين ؟؟؟ |
| الوقت المعتمد في المنتدى بتوقيت جرينتش +3.
الوقت الان » 04:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd