|
إقتباس:
يا حبيبي اقرأ عن دينك أكثر .. ذكرتني بأيام الجاهلية .. نحس و خرابيط فاضية .. جايب لي اسماء لاعبين الهلال اللي مشهورين على المستوى الإقليمي و تقولي اثبات .. يمقن هلالي و يمقن مو هلالي .. هههههههههههههههههههههههه |
إقتباس:
النقطة الثانية : فعلا ياسر أضاع ركلة جزاء امام الوحدة الاماراتي. في مباراة الرياض كأنك ناسي والهلال حقق جميع جميع بطولاته بالهجوم القوي كان يدخل مرمى الفريق الهلالي هدف ويردونه صقور الهجوم ثلاثه اما الآن فهجوم الهلال بوه صقر لكنه مترهل ولا ينفع بريال.... كذلك أتمنى طرد المدافع الفاشل ماجد المرشدي الى بقعاء ليستمتع في ما تبقى من عمره بأجواء التفحيط والوناسه وليكمل مراهقاته هناك |
انت غلطان . اي واحد ما عشق الكيان الهلالي على ايام صالح النعيمة ويوسف الثنيان والتخيفي والغشيان والتمياط ، واي واحد ما حضر مبارة الهلال والترجي على نهائي كاس العرب واي واحد ما قومه ابويعقوب وجلسه وهو حاضر في مدرجات الدرجة الثانية في استاد الملز لا تناقشه نهائيا ، لانك والله بتتعب .. مدام مقتنعين ان ياسر اللي يسجل في مبارة وامام نادي ضعيف ويختفي عشر مباريات هداف خرافي اتركهم ، مدام مقتنعين ان ياسر اللي مايثقون فيه ان يلعب ركلة جزاء امام نادي كبير وفي مبارة مصيرية لانهم عارفين انه بيضيعها لا تناقشهم . عن نفسي انا معتزل النقاش معهم لاني عارف انهم بيتهموني اني مندس . ولكن مصيرهم يكبرون إن شاء الله وياسر يعتزل ويعرفون انهم عايشين في وهم . وجالسين يشجعون اشخاص على حساب كيان له تاريخ ما يعرفونه .. |
ذهبت الى منتدى الفقراوية ووجدتهم يدعمون قائدهم حسين عبدالغني المثير للمشاكل ويطالبونه بالبقاء لمدة خمس سنوات ودخلت منتدى الزعيم ووجدت أناس يطالبون القائد الروحي بالرحيل الذي يحترق من قلبه ويتكلم بعشقه من اجل الزعيم عجبي لكم |
إقتباس:
و يذكروني بالكلمة البايزة (اكبر منك بيوم اعلم منك بسنه) يا حبيبي طير انت وياه كأن محد حضر لابو يعقوب و الاساطير الثانية الا انتم .. اذا كنتو تحسبون بيطلع لكم يوسف آخر كان ما صار اسطورة آسيا .. و كلهم قالوها يوسف اسطورة لن تتكرر ،، عشانكم حضرتوا كم مباراة لابو يعقوب صرتوا تشجعون الكيان اكثر .. و اذا كنتو تشجعون الكيان بكل مافيه و كل من يمثله لازم تشجعون أي واحد يلبس التيشيرت و اولهم القائد .. بداية تشجيعي للهلال و في اول مباراة بين الهلال و النصر اتذكرها و كان يلعب ابو يعقوب خسرنا المباراة و لكني لم اهتز مع ان عمري كان 6 سنوات و قلت لقريبي النصراوي الوعد المباراة القادمة .. انا عمري 27 سنة و لاني شايب الحمد لله و لاني صغير مع اني افضل الاخيرة .. بس الحقيقة مليت من الدبش اللي كل كلمة و الثانية انا اكبر منك و انت اصغر مني .. ما بقى الا يقول لك اسأل امي بعد .. و الله حاله .. |
إقتباس:
بغض النظر عن العمر ، احنا نتكلم عن تاريخ ، تاريخ لن تعي معناه ، انت بس خلك معلق صورة ياسر في بروفايلك ومصدق ان قائد وهداف ، هذا هو اللي يهمك . لانك تعشق اسماء ولا تعشق كيان لكن على ارض الواقع وش صنع قائدك وهدافك لتاريخه هو قبل ان يصنعه الكيان الهلالي ، ولا شي . جاب هدف في اندونيسيا وازعجتوا ام العالم بهذا الهدف ، طيب وغيره ، بالله راس حربه وعلى وشك الاعتزال ولا عمره حقق لنفسه تاريخ ، ما عمره حتى حقق هداف بطولة او هداف دوري وتبيه يصنع للكيان الهلالي تاريخ . اذا انت ما عندك قدرة تحرك عقلك وتجمع وتحلل وتستنبط الشي الصح من الغلط ، انصت للناس اللي اكبر منك واستفد منهم وانت ساكت |
asr998 بدل ماتصحح له المعلومة وتقول لا تفتري على افضل لاعب اسيوي ٢٠٠٧ جاي تثبت انه اضاع بلنتي !! ياخي اذا ماتعرف كرة القدم تابع ولاتنتقد. بكلمتك ذي تبيني اسرد لك اساطير اضاعت ضربات جزاء مثلاً!!! انا اقسم بالله مايعادي ياسر هالايام الا الاصفرين. او الجهلة. مافي شي ماعمله ياسر وحضرتك الا تبي تقلل من قدرة هاللي الكل يشهد بموهبته اللي ماتكررت منذ سنين لايعجبكم ارقام ولا اي شي كل اللي تبونه تسقطون ياسر وبس والحُجة انكم هلالين من الطيبين |
كونكورد حبيبي هدي اعصابك اللي يرد عليك كذا يبي يفهمك انك شخص حاقد وشخص متأثر باعلام الاصفرين وجماهيرهم الحاقدة على ياسر اكثر من اي لاعب سعودي آخر. عشان لاتقول اتهمك باطل انت تقول ياسر يسجل قدام فريق ضعيف ويغيب ١٠ مباريات طيب بما انك تقول هلالي ومصلحة الزعيم اهم من اي شي، كيف تبيني اثق بهلاليتك وانت تضلل الجماهير مثلك مثل غيرك وتذكر معلومات خاطئة!!! ياسر سجل قدام الاهلي+الشباب هدفين+الاتحاد اذا هذه الاندية ضعيفة على حد قولك من القوي بنظرك!!! بعدين اي لاعب ماتقيمه بهالفكرة ،انتي مادخلك يسجل بمين انت لك بمستواه ومعدله التهديفي مقارنة بالدقائق اللي لعبها، ولاتنسى انه سجل قدام الفيصلي ووصلك النهائي( طبعاً انا ضد هالكلام لكن انا اقوله فقط لأقنعك فقططط) ياسر يقدم مستوى ملفت وافضل مهاجم بالدوري سعودي بالدوري السعودي ، هالشيء المفروض يجبرك انك توقف معه ، ياخي انت شوف الاندية اللي حولك كيف يعانون هجومياً لانه ماعاد فيه مهاجمين محليين عليهم الكلام ياسر الاسم الاول بالهجوم ولااازم نكون صف واحد معه ومع باقي اللاعبين. |
إقتباس:
له له ياغالي صراحة ماأصدق انك هلالي وهذا كلامك ..........ياسر القحطاني يعد من أعظم اللاعبين الذين شاهدتهم في ملاعب كرة القدم امكاناته جدا عاليه عمل النصراويه والاتحاديه كل شئ من اجل القضاء عليه دفع له الاتحاديين مال قارون ورفضه جعل جماهير الفريقين في خوف ورعب دائمين حتى اخترعوا له الاكذوبه وبدأت الاهازيج التي اثرت على نفسيته في ذلك الوقت دائما يتصدر الهدافين ولا يتوقف عن الصداره الا باصابه فيلحقه الاخرون في كل الدوريات السابقه لاحظ اهدافه مع المنتخب هو ثاني هداف مع فارق السنين بين طول فترة مشاركات ماجد وايضا سجل في ابطال اسيا 14 هدف والاول مسجل 17 هدف تخطى المئة هدف مع الهلال في ست سنوات فقط (وين ماهو هداف) هداف بطولة اسيا وافضل لاعب سجل هدف ملعوب من اول مشاركه في كاس العالم وهو هداف التصفيات لاحظ اهدافه في مانشيستر واهدافه في كل فرق المملكه وكل فرق اسيا ولاحظ امكاناته بالتسجيل يسجل هد باليمين بالشمال على الطاير لاعب يتميز في مركزه عالميا وليس اسيويا فقط هذا لؤلؤة الخليج التي استطعنا الحصول عليها بين كل المنافسين) |
إقتباس:
ياخي ليش نادي قطري عارض على ياسر 20 مليون على شان جمهور الهلال ولاعلى شان انه يعرف امكانيات ياسر انت مانت مندس ماطالع الاراس خشمك طير يابوي ياسر تبطي انت وكل فقراوي تعادل ربع مستواه الكاسروالله يبطون العيال والشيبان يجيبون مثله |
الا القائــــــــــــــــــــــــــــــــــــــــــــــــــــــــــــــــــــــــــــــــــــــــد .. احذر تقرب منه ؟؟ |
إقتباس:
ههههههههههههههههههههههههههههههههههههه و الله و صاروا يحاربونا بمنتدانا .. ياسر اكثر موسم جاب فيه اهداف هذا الموسم و تضلون تقولون ياسر غاب .. ياسر افضل لاعب في آسيا 2007 .. ياسر مو أنا و لا أنت بنجلس نحصر إنجازاته و يكفي البطولات اللي جابها مع الزعيم الملكي ، بطولاته الرسميه أكثر من بطولات انديه بكبرها مثل النصر .. هههههههههههههههههههههههههههههه و ياسر قائد للزعيم الملكي و راح يضل قائد إن شاء الله حتى يعتزل و أقول أصرف لكم روحوا منتداياتكم .. هههههههههههههههههههههههه شف اسلوبك بالكلام بعدين تعال قل لي ياطفل .. نقطة أخيرة (ماضيعكم إلا إنكم تقفون عند الماضي كثيرا ، تماما مثل فريق أعرفة) على طاري التاريخ (ياسر من ضمن اللاعبين اللذين سطروا التاريخ في الزعيم الملكي) |
إقتباس:
واذكرك باهمية ياسر في نهائي كاس الدورى حين كان الهلال متقدم بهدف الغامدي وبقى ربع ساعه واصيب ياسر في دائرة المنتصف وخرج وبعد خروجه انطلق الدفاع الاتحادي بكل حريه وسجل المولد هدف كبري في الدعيع وسجل الثاني المنتشري بعده بدقائق بغمزه براسه في مرمى الدعيع وطار الحلم بالكاس وتمت الافراح الاتحاديه في الرياض والسبب تحرر الدفاع من خروج ياسر حين نطالب بدعم ياسر في الهجوم لانعنى ابعاد ياسر افهمها زين وموضوع النحس موضوع خطير نهينا عنه في الدين ولو كان ما تقول لما تقدم المنتخب طوال السنوات بكباتن هلاليين وهدافين هلاليين وتحقيق ست بطولات اسيويه كرقم اعلى بين فرق اسيا الخطه الهجوميه في الهلال ان نوجد مهاجم قناص يساعد ياسر في الهجوم يستغل الضربات الركنيه مثلا تخيل 13 ضربة زاويه لايستفيد منها الهلال بسبب قلت التواجد الهجومي في 18 وقصر لاعبي الهلال وتواجد افضل حارس في اسيا حاليا مع الاستقلال الايراني لازال للمجد بقيه واتمنى ان يرفع الشلهوب كاس اسيا قريبا |
إقتباس:
ابشر امرك ...مابقى الا انت يالنصراوي تامر بابعاد ياسر والله من ام الركب اللي يجيبها لك ياسر ياسر اعظم لاعب في تاريخ الهلال بعد الثنيان وبعدين يالتسذوب متى كان النعيمه والنيفاوي والبيشي والغانم مع ابو ثنين والتمياط نواف نواف لعب للهلال في 98م والنعيمه والبيشي لعبوا للهلال عام 76م فرق 22سنه التمياط لعب بعد جيل النعيمه بجيلين اذلف لمنتداك يالمقمل ولا عاد تعود تكتب هنا |
ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج ياسر لؤلؤة الخليج |
| الوقت المعتمد في المنتدى بتوقيت جرينتش +3.
الوقت الان » 01:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd