|
للإنصــــــــــــــاف! بعيداً عن العاطفة.. وحسرة الخسارة.. وقلق النصف الثاني من بطولة الأبطال.. أقول.. أداء الهلال اليوم كان أكثر من رائع، وظهرت روح قتالية عالية من جميع اللاعبين بلا استثناء، وهددنا مرمى الاستقلال مرات ومرات، حتى جاء الهدف الملعوب والمتكتك.. ((لـــــــــــــكـــــــــن)) وما أقسى ما بعد لكن!! تتكرر عادة الهلال السلبية والمرهقة.. والقااااتلة أحياناً.. وهي الاحتفال المبكر والاطمئنان ع النتيجة بمجرد احراز هدف.. بعدها مباشرة يتشتت الذهن.. وينعدم التركيز.. ويتحول الجميع إلى أجساد بلا روح.. يتحركون في الملعب بلا هدف.. وكأن المباراة انتهت.. فلا يفيقون إلا على هدف في مرماهم.. وثاني.. وربما ثالث!! ثم نحاول تدارك الوقت ولكن بعد خراب مالطا!! هذه الصفة السلبية في الهلال ليست وليدة اليوم، بل نعاااني منها منذ أمد.. (مبارة النهائي مع النصر مثال فقط!) باختصار.. إن أردنا البطولة الآسيوية علينا معالجة هذه السلبية القاتلة.. هجومنا مرعب، وسطنا فنان، دفاعنا جيد، والحراسة لا بأس بها.. لكن مشكلتنا في التراخي وفقدان التركيز بعد احراز أي هدف.. هكذا اقرأ حال الزعيم.. ومازال الأمل كبير في الزعماء.. الرأي الأخير s13s |
وش الفايده اذا يلعبون واخرتها يخسرون خسارة امس يتحملها المدرب اولا تغييرات ع التشكيله بشكل مفاجئ وفي مباراة مهمه والفوز فيها يضمن لك المنافسه يعني بالعقل من اللي راح يقارع الايرانين بالقوه الجسميه ويسلي والا الشلهوب غير كذا ويسلي اساسي طول الموسم وكمان لاعب بمهاجم وحيد امام فريق كله مدافع نجي للدفاع والحارس والمحاور نفس الاخطأ كل مباراة تتكرر الدفاع ولازم نتحملهم لانهم افضل المتواجدين لكن السديري مستواه في انحدار وين الشمري وزايد المعار الاعب اذا ما حصل احد ينافسه ع الخانه ماراح يتطور بالعكس بينزل مستواه وهذا اللي صاير مع السديري حاليا الشي اللي يبرد قلبك شوي لاعبي الوسط واحيانا يرفعون ضغطك بانانيتهم يعطيك العافيه |
اغلب المباريات التي ينهزم فيها الزعيم يتقدم بهدف يثم يتراخى الفريق ككل .. ويستقبل بعدها اهداف بكل سهوله ..والامثله كثيره سواء بالدوري او حتى باسيا .. هذا عيب كبير ولم تحل مشكلته الى الان تقدمنا على العين وخسرنا تقدمنا على الاستقلال وخسرنا والدوري كذا مباراه نتقدم ونخسر لابد من حل جذري لهذه المشكله المعضله |
بهالفريق ماراح تتعدى دوري المجموعات المدرب ماعليه ملامه ابداا طموح ومتحمس وشاد حيله لكن بعينة هاللاعبين صدقني " قوارديولا" مايسوي شي معهم عبدالرحمن بن مساعد : آن الآوان لتستريح ماقصرت... |
شاكر لكم جميعاً المرور والتعليق |
اللياقة ضعيفة للأسف لازم يشوفون لها حل العابد اختفى في الشوط الثاني اما ويسلي فمستواه نازل لذلك اشرك بدلا عنه الشلهوب وللمعلومية يا اخوان الاهداف جت والشلهوب خارج الملعب يعني بلا حجج واهية انا كنت اتمنى اللعب بالكوري لانه سريع ويفتح صح بالملعب راح يجنن الايرانيين اوزيا كان يتقدم كثير والهدف الاول كان كاسر التسلل ولم يقف على خط الـ18 مع زملائه والهدف الثاني كان متقدم والمرشدي كملها ولم يحسن التغطية اوزيا لاعب كبير ولكن اتمنى ان ينبه على اخطاءه |
إذا تأهل الهلال بالمرشدي ونكباته والسديري وغلطاته فهذي معجزة !! ومفروض تسجل في موسوعة غينيس للأرقام القياسية ... |
| الوقت المعتمد في المنتدى بتوقيت جرينتش +3.
الوقت الان » 01:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd