|
انت ماهمك الهلال وللأسف اغلب مشرفي الشبكه يهمهم رضى الرئيس والهلال طز فيه .. من الموسم الماضي والرئيس يخبط بالفريق مدربين فاشلين ولاعبين اجانب افشل وقرارت غريبه .. وكل مره يبرر اخطائه بحجج مضحكه .. اتمنى ان يكون حب الهلال فوق حب الرئيس ويبدو ان الرئيس بعد ماتمكن من الاعلام الهلالي الأن تمكن من المشرفين بشبكة الزعيم .. فانا كمحب للهلال صار عندي برود من خسائر الهلال في الاسيوية طالما فيه اخفاق وفيه مدح وتبرير للمتسبب .. |
قلبي إذا تعاقد بن مساعد مع مدرب خبير وصارم وقوي وله انجازاته هانت باقي الامور لان المدرب اللي من هالنوع موب راضي بنظام بن مساعد رخيص وكويس ي تجيب اللعيبة اللي اختارهم يا ادفع الشرط الجزائي ومع السلامة الف فريق عالمي يتمناني |
الان الهلال يدفع ضريبة التخبطآت .. يجب البدء من الصفر من الان .. شكراً لك ... |
الهلال كان مأدي اداء طيب والادارة ماعليها لوم والتشكيلة اوك لا اتضخمون الامور الهلال لعب مباراة طيبة والفريق الفيراني كان متراجع كثيييييير لكن في شي واحد عاب عليه الهلال اللعب العرضي هم طوال القامة كان المفروض يلعبون تمريرات ارضية وافورات وسطية مع تسديدات وهذا مافتقدناه ولا هم كانوا ضايعين وما لي احط الحكم شماعة لكنه فعلا تغاضى عن اخطاء لمسات يد كثيرة لسوء تمركزه وان شاء الله نردها لهم ف فيران بعض اللاعبين كان غايب عن جو الماتش الفرج المرشدي اوزيا سالم يوما ما ستشرق شمس الزعامة من جديد 54 |
صحيح الامير لايتحملها كلها ولكن بالطبع يتحمل جزء من الاخفاق باختياره للمدرب الداهيه كمبواريه والتأخر بأختيار الاجانب.... مازال الامل موجود ون شاء الله يفعلها الزعيم بأيران.... |
ااااااااااااااااااااااه يالقهر ... عشر دقائق .. بافهم شيء واحد ليه المسلم ... ما يلعب ..غ. المفروض من المدرب باقي 15ساعة .. اداااااااااااافع بخمسة مدافعين.... الفرج ... يلعب على الواقف ... من مباراة الاتحاد اكثر من خمس تمريرات كلها خطا في خطا ... السديري :صغير في السن .. .نصبر نصبر للموسم المقبل .. لالالالالالالالالالالالالالالازم يلعب فهد الشمري .... قال مباراة مصيرية امام الاتحاد وامام الاستقلال .. المباريات القوية : هي التي المحور الاساسي للنجومية اي لاعب . |
وربي يتحملها الدفاع الفريق ابدع وامتع واخر شيء انقلبت علينا ياخي المدرب المفرروض يعطي المسلم فرصة ولازوري ذا لمتى بنقعد نشوفه ؟؟؟؟؟؟؟؟؟؟ قبل 4مواسم كان دفاعنا الافضل في المملكة والحين قمةةة في الفشل ياخي تعبنا وربي تعبنا من ذا الدفاع |
اتمنى من كل قلبي ابعاد النكبه المرشدي عن الفريق اتحملناه بمافيه الكفايه وطفح الكيل الا متى نصبر اذا الاتحاد ابعد 6 لاعبين انا اتمنى الادارة تبعدة وتفكنا من شر عاله عالفريق لاخيرة ولاكفايه شرة !!! مادامه موجود في خط الدفاع انسوا اسياااا |
ياخي الاداره تخلي لاعبين بالفريق وهم اصلا مايستحقون انهم يقعدون ياخي الشمري عطووووووووووه فرصه مباراه او مباراتين ونشوف كيف مستواه يمكن يبدع ويكون الحارس الاساسي الحين جبنا المسلم عشان يفكنا من المرشدي وكنا فرحانين اخر شي يكون مصيره الدكه ؟؟ مادري ليش اغلب اللاعبين اللي يأتون للهلال نلقاهم احتياطيين والله اخاف ان السالم يكون احتياطي وبداله الكوري ولا الحارثي وحنا من بدري نتكلم صح ان الاجانب يسجلون وعليهم لمسات حلوه بس ابد ابد مايشيلون فريق كامل شوفوا كيف نتغنى باجانب ولي هامسون ونيفيز ورادوي ولي يونق والله كل واحد يلعب في منطقته لعب مو صاحي ولي هامسون يسجل ويصنع وسرييع جداً مع الاطراف وعليه عرضيات بالمقاس نيفيز وش بقول عنه قاذفة الصواريخ ويسجل ويصنع ورادوي المحارب المقاتل محور هجومي اعلى شي وكذلك دفاعي وتسديداته قويه مره لي يونق ظهير رائع جداً سنتين مادري 3 سنوات ومستواه ما شاء الله ثابت ولا تغير وكانت منطقته مره مقفله يبغى لنا اجانب يحملون الفريق زي الاجانب اللي ذكرتهم فوق ^^ ونبغى لاعبين يلعبون بروح عاليه خلاص والله اللاعبين شبعوا من الفلوس نبغاه يلعبون اكثر واكثر واكثر والحين نقول التأهل صار صعب ومو مستحيل بس اذا ماتأهلنا نبغى نركز على الاقل اخر بطوله كأس الملك |
بعيدآ عن آلعآطفه , آلمنطق بيكون حآضر :: ( آولآ ) :: آلمدرب / يتحمل جزء من خسارة الهلال جدآم آلآستقلآل , غير تشكيلته ولعب بمهآجم وآحد ! تأخر في تغيرآته , ومآقرآ آلفريق آلآيراني بآلطريقه الصحيحه هذا آلكل يتفق عليه آمآ آلمدرب يتحمل كل آلخسارة آو لآعب معين هذا ( آنتقآد جآرح ) , زلآتكو آستلم الفريق في مرحله حرجه كومباوريه خبص ولعب بالفريق , وزلآتكو آستلم آلمهمه بكل شجآعه , لمساته بآنت على الفريق وظهرت في آغلب المباريات وهذا محد ينكره ؟! ( ثآنيآ ) :: آللآعبين / هم بعد يتحملون جزء من الخسارة , كنآ مسيطرين وفارضين آسلوبنآ على الاستقلآل في الشوط الثاني ومن عقب الهدف ترآجعوآ وترآجعهم غير مبرر , آلمفروض الهدف يعطيهم دآفع لكن كآن العكس وآستغلوآ ( آرهآق لعيبتنآ ) وسجلوآ + آستغلوآ هفوة المدافعين وسجلوآ آلهدف الثاني ولآتنسون آغلب اللعيبه مآكآنوآ في يومهم , آلوحيد آللي كآن يلعب من قلبه ( آلشهراني ) وهجمة الاستقلآل في الدقيقه 42 آعتقد خير دليل آلشهراني على مهآجمين من الاستقلآل قطعهآ ومآتردد :ba: قآدرين نجومنآ يعوضونهآ في آيرآن , لكن بشرط آلدفآع يتعدل والحراسه يستلمهآ ( آلشمري ) آعتقد آنه محتآج لفرصه عسب يثبت وجوده والمحاور يركزون لآن نقطة ضعف وآآآضحه للكل ؟! ( ثآلثآ ) :: آلآدآرة / صح هم مآيتحملون خسارة الهلال من الاستقلآل لكنهم يتحملون التخبطآت اللي صارت بدآية الموسم من اللي تعآقد مع كومباوريه وعقبهآ آستغنى عنه وتعآقد مع مدرب الاولمبي زلآتكو ؟! من اللي تآخر في التعاقدآت مع الاجانب ؟! من اللي تعآقد مع آجآنب ( مصابين ) والدوري عندهم موقف , ويتآهلون في الهلال ؟! من آللي يتعآقد مع لعيبه وآلفريق مآيحتآجهم وآلحين هم آحتيآط في الهلال ؟! ليش متعآقدين مع سعد ! ليش متعآقدين مع المسلم ! ليش متعآقدين مع آبرآهيم زآيد ! ليش متعآقدين مع مسعد ! , ليش وليش وليش ؟؟! آلبعض يطآلب برحيل آلآدآرة ,, هل الرئيس القادم موجود ! هل يقدر يتحمل المسؤؤليه ! هل عنده دعم شرفي ! هل عنده القدره على تحمل ضغوطآت آلجمآهير آذآ توآجد ! مب من مصلحة الهلال آن الادارة تروح وخصه هالفتره مآنبغي نكون مثل ( آلآتحآد ) كل سنه رئيس آنآ مع بقآء آلادآرة في حآل ( عدلت الوضع وهالتخبطآت وبدت آلموسم آلقآدم بتخطيط مسبق ) آنآ ضد بقآء آلآدآره في حآل ( توآجد آلرئيس آللي عنده المآل والتخطيط والفكر ) حيآه الله بنكون آول الداعمين نقآط للآمير عبدالرحمن بن مساعد تخص الفريق : 1) لآزم تبدون لتخطيط من الموسم آلقآدم وتحطون آهدآفكم , عسب نهآية الموسم توصلون لهدفكم . 2 ) آلتعآقد مع مدرب ( عنده شخصيه قويه ) ويكون موجود قبل المعسكر عسب يشرف عليه . 3 ) آلتعآقد مع آجآنب يفيدون الفريق عكس آجآنبآ حآليآ مآعدآ آوزيآ وبوليفار محتاج لوقت . 4 ) التعاقد مع لعيبه الفريق يحتآجهم آمثآل ( آلشهري + آلحآفظ ) , آمآ نتعآقد مع لعيبه مآنحتآجهم فهذآ مآيفيدنآ. 5 ) مقولة " آلآسيويه صعبه علينآ " , آنت ي آمير صعبتهآ على آدآرتك ولعيبتك وجمهورك ؟! آلآسيويه تحتآج لــ ( تخطيط , فكر , آجآنب على مستوى ) ومدرب شخصيته قويه ومدير كره عنده شخصيه مثل ( الجابر , فيصل آبوثنين , آلنعيمه ) . 6 ) ليش مآتتعآقدون مع مستشار فني ( آجنبي ) يهتم بالصفقآت الاجنبيه , مثل الاهلي الاماراتي مستشآرهم الفني ( كآنآفآرو ) . كلمه لبن مساعد : نحن نحترمك ونقدرك , لكن آلآخطآء هي نفسها تكرر كل موسم وتوعدونآ تصححون هالاخطآء وفي الاخير ( كنك يآبوزيد مآغزيت ) ؟! وآلله آلعظيم آن الجمهور ينتقد لجل مصلحة الكيان وآقصد آلنقد ( البناء ) آمآ آلجآرح فهذا من ( جآهل ) نحن تهمنآ مصلحة الكيان آولآ , ندري آن آلضغوطآت آلجمآهيريه تعبتك , وندري آن آلشرفين مآيوقفون ويآك لكن أتمنى آنك ترآجع آلحسابات ويرجع هلالنآ لمكآنه الطبيعي . آلله يوفق آلهلآل وآن شاءالله نعوضها في ايران عندنآ آمل وآن شاءالله يفوزون ويردون بنقآط آيرآن يآرب يآكريم وفق آلملكي في مباراته جدآم آلآستقلآل , وآذكركم بمباراة بيروزي خلصنآهآ في آيرآن وبين جمآهيرهم أتمنى ندعم زلآتكو ونجوم الفريق لنهآية الموسم وعقبهآ يصير خير لكن آلحين محتآجين لدعمكم مع آلهلال في الحلوه والمره , كلنآ خلفك يآلملكي :ba: + هذي وجهة نظري , أتمنى توصل للآدآرة لآن في آلآخير آلكل يتحمل المسؤؤليه , ومحد يتجآهل مسؤؤليته آن شاءالله بنتم ندعم آللآدآرة + نجوم الفريق + زلآتكو لين نهآية آلموسم وآلله يكتب اللي فيه الخير لهلالنآ . |
هاردلك يا زعماء ومعوضين خير ان شاء الله وأتمنى إعادة النظر بالأجانب |
بصراحه سمو الامير يتحمل كامل المسئوليه من التعاقد مع لعبين محلين وأجانب وتخبطات كل سنه! يعني مدري ليه ماخذين حارس الشباب زايد لمدة سته شهور وهو ما شارك ولا مباره غير المسلم ومحمد مسعد وسعد الحار ثي وقبله فيصل الجمعان ووليد الجيزاني ! وتحس ان مافي تشكيله ثابته حتي لو يجبون احسن مدرب في العالم شكل الادارة تدخل بالتشكيله ! الهلال لو لعب بمهاجمين دائم يبدع البارح تحس زحمه في الوسط من غير فايده ! اقول لابن مساعد ما قصرت وبيض الله وجهك اعطي الفرصة لغيرك |
أعلق بتعليقين مهمين/ الأول/ أهم شئ يجب تركز عليه الإدارة من اليوم : العمل على اختيار مدرب راقي يعيد هيبة الزعيم وهويته. لا أحد يقول زلاتكو هو المناسب مثل رأي الجاسر، زلاتكو ممتاز لكن للفريق الاولمبي، ولا يجب التفريط به أبداا، ولا أحد يقول سامي الجابر لا يجب أن نظلمه، يحتاج له خبرة ووقت يكتسبها من احترافه الخارجي، ولا يصلح مدربين لفظتهم الأندية، يجب البحث عن مدرب شجاع يعشق المغامرة، وحماسي، وفكره التكتيكي جيد، وإذا راح الموسم ولا تم التعاقد مع مدرب، فسيستمر الوضع كما هو. الثاني/ تطبيق مبدأ الاحتراف للاعبين، بمعني يحاسب من يخفق في مستواه، ويعطى البدلاء الفرص ، واللاعب غير المبالي اللي يهمه الطنطنه عند توقيع العقد، وحركات وتغلي، وبعد التوقيع يرفع خشمه وينزل مستواه هذا يجب أن يوضع في الاتفاقية الخصم من عقده، يعني لازم التعامل بالاحتراف. ثم اللاعبين المحنطين في الاحتياط حرام عليكم.... الحارثي + المسلم+... الخ يظهر لي إن أي مدرب لن يغير في الوضع واضح أن القضية إدارية وليست فنية، يعني المدرب السابق والحالي نفس وضع الاحتياط الا تغيير طفيف....!!!:mad: |
يلعن ام الواسطه ياشيخ عشانك مشرف تم تثبيت موضوعك صدقني مافيه شي يستاهل التثبيت مجرد فقرات عاديه انتهجها كثير من الاعضاء الذين لايجيدون الكتابة ولم أجد اي فائدة تذكر من الموضوع . عموماً رأيك بزالاتكو ماادري على اي اساس بنيته وماادري من هو المدرب الي راح يعجبكم صدقني المشكله ماهي مشكلة مدرب شف فتحي الجبال المدرب المغمور وش سوا مع الفتح بعد الاستقرار الفني . المشكله عندنا عدم الاستقرار وماجد المرشدي اضمن لي استقرار ولاعب مدافع جيد مكان المرشدي واضمن لك ان هيبة الهلال راح تعود اسيوياً ومحلياً اتمنى ان لايتم استخدام سلطة التثبيت في حذف ردي المتواضع .. وشكراً |
اتمنى ان تقوم الاداره بتصحيح اخطائها والغاء عقد جوستافو ويونج سو وجلب صاانع لعب من طراز عالي واتمنى ان يكون رونالدينيو صح ان اللاعب كبير بالسن لكن لازال الى الان يبدع بالدوري البرازيلي وجلب محور وانا ارى بان المحور المناسب هو نذير بالحاج لاعب السد السابق وتسريح المرشدي والزوري واعطاء الفرصه للمسلم والشمري هذا من وجهة نظري فان اصبت فمن الله وان اخطاءت فمن نفسي والشيطان |
| الوقت المعتمد في المنتدى بتوقيت جرينتش +3.
الوقت الان » 12:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd