السلام عليكم ورحمة الله وبركاته ...

سؤال مني لك ( أنت ليش حاضر ؟؟ )

عشان تشجع وتؤازر وتأدي مثلك مثل اللاعب الي يلعب داخل الملعب ...
أو عشان تتفرج و مايطلع صوتك الا وقت الفرصة أو الهدف وتعصب اذا ضاعت فرصة ...

^^

هنا الأختلاف أنا عندي يقين بأذن الله ان الحضور راح يملي المدرجات لكن السؤال .. أنت مع الخيار الأول (عشان تشجع وتؤازر وتأدي مثلك مثل اللاعب الي يلعب داخل الملعب )

أو
الخيار الثاني (أو عشان تتفرج و مايطلع صوتك الا وقت الفرصة أو الهدف ...)

أن كنت مع الخيار الثاني فأنت راح تسبب ضغط على اللاعبين وتؤثر عليهم بالسلب ومن الممكن لاسمح الله تكون انت السبب بهزيمتهم ...

أن كنت مع الخيار الأول فأنت حتما راح تضرب عصفورين بحجر أو بالأحرى عصفورين بصرخة 1 تحفز اللاعب الهلال 2تربك اللاعب الايراني

خلونا نرجع بالذاكرة لورا ونراجع تاريخ المشجع الأيراني vs السعودي بشكل العام

تتذكرون كيف كانو يصرخون تشجيعاً للاعبهم ...
تتذكرون صيحات الأستهجان ..
تتذكرون كثافة حضورهم ضد اي نادي أو منتخب سعودي ..

---
تكفون يالحضور نبغاها حرب نفسية ضد الأستقلال ومع هلالنا ....
حرب نفسية بالصيحات على اللاعب الإيراني ..
حرب نفسية بالصيحات على الحكم اذا ارتكب خطأ بس تكفون بدون ألفاظ .. << منا ناقصين غرامات
لازم نزرع الثقة بلاعبين الهلال عن طريق تشجيعنا .. ودعمنا للاعب سواء كنا متقدمين أو متأخرين
نبغا نزلزل الملعب ( بالعربي ابغا حناجرنا كلها تنضرب في خلاط وتصرخ بوجه اللاعب الايراني )

شوفوني مجهز عفشي وبروح للملعب بعد العصر وجايب معي ثنين حنجرة سبير .....

هذا الي في خاطري واترك لكم التعليق