|
حملة الإربعاء ربوعنا فله مع زعيم أسيا بسم الله الرحمن الرحيم أولا مبروك الفوز اليوم وهذا فوز معنوي لمباراة الإربعاء أمام الإستقلال جمهورنا الغالي الهلال الآن محتاج لنا أكثر من السابق تقول وشلون انا اعلمكم الهلال محقق بطولة كأس ولي العهد و مدرب جديد و وصيف الدوري كلنا نعلم وندرك بأن الدوري اصبح بعيد جدا إلا إذا حصل شي من عند الله يعني أمامنا بطولتين فقط هالموسم وهي أبطال اسيا و كأس الملك فقط كلام وليد الفراج اليوم في اكشن يادوري أثر فيني بصراحة يقول قال كلام يخص فيه جمهور الهلال وايضا كلام ابو فيصل يوم قال نبيكم في الشده اكثر من الرخاء يوم الإربعاء القادم 3 أبريل الهلال والإستقلال الإيراني وهي مباراة قوية جدا الفايز من هالمباراة يتصدر المجموعه حتى نرتاح اكثر في المباريات القادمه أمامنا مباراتين فقط في اسيا اللي راح نلعبها في الرياض اللي هي الإستقلال والعين الإماراتي وعلينا حنا كجمهور الدعم المعنوي يوم الإربعاء في الملز بالمناسبه لايوجد مباريات قوية في ابطال اوروبا يوم المباراة نريد حمله ربوعنا فله مع زعيم اسيا ونرد على كلام ابو فيصل وكلام الفراج ونقول كلمتنا في المدرجات الحضور الكثافه والتفاعل يد بيد حتى نزف الهلال إلى الصدراة بأذن الله تعالى وانا اعلن اول شخص راح أحضرها ان شاء الله وعلمأ بأن المباراة منقولة حصريا على الجزيرة الرياضيه ( مشفره ). ملاحظة / اللي يعرف يصمم ياليت يصمم ويكتب ربوعنا فله مع زعيم اسيا . اما التويتر هاشتاق #حمله_ربوعنا_فله_مع_زعيم_اسيا أنتهى :rose: |
الله يبارك فيك يازعيم.. جمهور الهلال يعرف متى يحضر وراح تشوفهم الاربعاء ان شاءالله جمهور يشرف.(لازم ننسى مباراة الاتحاد من بكره مباراة راحت بخيرها وشرها وقالها رئيس الهلال ثلاث نقاط وخذناها و(انتهت) نبدا نفكر مباراة الاستقلال الايراني لكن التعامل معها مفروض يكون عادي ولانعطي الايرانين اكبر من حجمهم |
الله يبارك فيك وجمهور الرياض قدها وقدود ,, فكره تلعب براسي اني احظر المباراه مع اني من جده ,, يا رب اكتب التوفيق لزعيمنا ,, |
الله يبارك فيك يارب وجمهور الملكي راح يكونو على الموعد بإذن الله ألف شكر لك على الحماس الرائع |
والله فعلاً الفريق محتاجنا اكثر من مباراة امس وان شاء الله حاضرين والهمة يازعماء الاربعاء موعدنا إذا الله سحانه وتعالى كتب لنا حياة |
انا من المدينه وحاضر انشاء الله بس جمهور الرياض مغسول يدنا منه |
اذا ماحضرو وفللو الملعب اقول لهم غيرو ميولكم او اتركو الرياضه لان الفريق يبي جماهير يستفيد منها موجماهير تستفيد منه |
الحمـدلله حمـداً كـثيراً طيباً مباركاً فيه على فــوز أمـس وبإذن الله تكون فاتحة خير علينـا وفال طيب للفوز والمعنويات تكون تووب لمباراة الأربعاء ومن هنا وموضوعـك نتمنى حضـور كــبير وفـــل للزعـيم الملكـي ودعمـه لمباراة الأربعـاء الهـلال ونجومه مو مقصرين ,, ماشـاء الله مستويات قمــة ونتائج حلـوه وبعدين يفترض نقوول ان الفريق يحتاج لجماهيره بكـل وقت .. وهذا وقت الجمهور ودعمه ومؤازرته .. وبعدين وبجد وبحق وحقيقي ماأحد لاحظ معي .. المباراة الى الحين مااعيدت من أمسس وأنا جالسه انتظرها !!!! ياعااالم وربي كلللل المباريات اللي لأمس اعيدت ألا مباراتنا .. الكلاسيكو لا وأزيدكم من الشعر بيت .. مباراة الشباب والرائد انعادت مرتين والحيين تكفوون شوفوا ايشش ناقلين !!.. مباريات من ايام الابيض والاسود ومايطلبه الرياضيين !!! ياعااالم نموووت !!؟؟ حرااام بجد هاللي يسويه اللي ماسك النقل وماادري .. وربي دعيتها من قلب حسبي الله عليه حســـبي الله عليـه وسوري على الشطحه من حر مافيني وربي |
إقتباس:
لا لا لا لاتقول هالحتسي جمهور الرياض بيملى الملعب واذكرك وحياك ياولد طيبه الطيبه فنجانك عندي طال عمرك اول ماتوصل الرياض واصلني برساله نقوم بواجبك طال عمرك ي و س ف :smilie47::smilie47::smilie47: :smilie47::smilie47: :smilie47: |
آلحمدلله ع آلفوز آمسس ، بآذن آلله جمهور آلريـآض م رآح يقصر يوم آلآربعاء .. بآلتوفييق لزعيمنـإ ، :ba: .$ |
الله يبارك فيك وجمهور الرياض قدها وقدود |
نبيها فلللللللللللللللللللللللللل ياجمهةر تكفون يوما ما ستشرق شمس الزعامة من جديد 54 |
لازم نحضر. بعد عربون العودة اللي قدموه امس وأحلى اربعه في الآتي. لازم نبادلهم ألوفا بوفاء وليكن عنوان حملتنا طبعا من بعد إذن صاحب الموضوع. " حاضرين الله لايعوق بشر " والسبب الثاني لانها قدام فريق إيراني واللي يبغى يحضر بعلم سوريا الحره يحضر مباراه لها اكثر من هدف ... |
إن شاءالله الجمهور مايقصر بالحضووور الهمةة ي ملووووك |
بالتوفيق لزعيم اسيا بمباراة الاربعاء ضد الاستقلال الايراني وان شاء الله النقاط الثلاث من نصيبنا |
| الوقت المعتمد في المنتدى بتوقيت جرينتش +3.
الوقت الان » 07:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd