لماذا نحن جبناء؟ والى متى سنصبح جبناء؟
لماذا لم يتم اشراك اللاعب توليو على الرغم من نظامية تسجيله وموافقة اتحاد العمال (الاتحاد الاسيوي) على مشاركته؟ لماذا لم يتم مشاركة ذئب الهلال؟ هل فقط لانهم سمعوا ان الفريق الكازاخستاني سعترض على مشاركته؟ لماذا الخوف مادام لدينا اوراق رسمية نظامية لهولاء اللاعبين؟ ماهو دور ادارة الهلال؟ هل دورهم بس احضار العصير وكوي الملابس؟ لقد اصبح الهلال الجدار القصير للفرق ...فهاهو رئيس النصر يشكك في بطولاتنا وانجازاتنا الذي هو في الاساس انجاز للوطن هاهو يفضحنا في كل قناة وفي كل اذاعة وفي الصحف والمجلات وادارة الهلال لاتحرك ساكنا وكأنهم يباركون هذا المسعى

السلام عليكم أخوي ذئب الجزيرة
 

أخوي بالنسبة لتوليو قريت إنه يفصله أربعة أيام عن أحقية المشاركة .


أما فضايح الرجال اللي تكلم عنها فنم وارتح وحط ببطنك بطيخة صيفي لأن القريبين له يعرفونه قبل البعيدين . فلا تشيل هم يالغالي .

وعلى فكرة تراه يفرح باللي يرد عليه ولذلك خله يهرج ولا كن أحد سمعه .

الهلال حليم واذا غضب جاب بطولات ومايضر السما نبح الكلاب(يا حبي لذاالمثل)

أخوي ذئب الجزيره
اسمحلي اختلف معك حول موضوع سامي وتوليو
سامي أكيد ان المدرب كان له نظره فنيه حول مشاركته من عدمها وفضل عدم بقائه للمبارايات القادمه .
أما توليو تأكد اخوي : لو كان وضع اللاعب نظامي كان شفته شارك اليوم وما اعتقد ان السبب من ابعاده هو الخوف من احتجاج الفريق المقابل عليه .
ولو قدر الله وشارك وبعدها قدموا احتجاج عليه وكسبوه ( طبعاً أوراقهم نظاميه ) كان لمنا الإداره على المجازفه واشراكه .
وكان الله بعون الإداره الي لا كذا عاجبه ولا كذا .

ياخوي ذيب الجزيرة ترى الاعب توليو تآخر كرته الاصفر عن الموعد باربعة ايام فلذلك الهلال ليس بحاجتة مدام الغامدي موجود
اسمع شور شايبكم
ولك الف تحية وسلام

الموجودين فيهم الخير و البركه , المهم لا يتفلسف المدرب وينكبنا مثل ما نكبنا
في مباراة اليوم . بعدين ليش ما شارك سامي , ياجماعة الخير ثقل سامي الفني وسمعته تبث الرعب في الفريق المقابل وتبعث الطمأنينه في قلوب زملائه اللاعبين.
كلها ثلاث مباريات , هذه المباريات مصيريه , والحساد ينتظرون سقوطنا على احر
من الجمر فيجب ان نستغل كل امكاناتنا من البدايه لأنه لا فات الفوت ما ينفع الصوت .