حقق الهلال 6 بطولات اسيويه ولم يكن يبحث عنها كما يفعل البعض الان. بل كانوا القائمين على النادي والجمهور يقولون تريد قريق لايقهر بل يقهر الخصوم ...واصبحنا بفضل الله زعماء القاره..
لقد شاهدت برنامج في المرمى اشتمعت لبعض اصوات الجمهور الجديد يقول تعبنا مانبي شي نبي اسيا...بصراحه الجمهور دخل الفح النصراوي..طالما المنطق هكذ فابشروا بطولة سلامة للاسيويه مننا..اتقوا الله في لاعبينكم الفريق فايز ويجيك واحد شوي ويبكي يبي اسيا..كيف تبي اسيا وشخص اخر هلالي في البرنامج يقول اشوف المباراة في الكوفي شوب افضل لانه يدفع عشرين ريال ويشرب قهوه ويشوف مباراة في التكييف...امانه عليكم هذا منطق جمهور يريد اسيا... لانكون ساذجين..ادعموا الفريق بالحضور والتشجيع...والفوز فقط وثقافة الانتصار تجيب اسيا..انما كل ماقتح برنامج القى بزر يصيح يقول ابي اسيا...اقوله روح جيب اسيا لوحدك....اما نحن مع فريقنا الهلالي في الحلوه والمره...واسيا عندنا في الدولاب منها 6 بطولات وتكفينا ... يعني سؤال..اذا اخذنا اسيا...وش صار جديد؟؟؟؟؟ احد يجاوب.. ولا شي جديد!!اتمنى من الامير مايسمع لاحد..ويضع اسيا ادنى اهتمامه..والاول ان يكون الهلال دائما بطل..
عندما حقق الهلال بطوله اسيا لم يكن احد يعرف معنى اسيا..
ملاحظه: جمهور المقاهي دائما عتبه كثير...سؤال..مستكثر تدفع عشرين ريال وتشوف مباراة الهلال في الحر..والله مشكله ..تبي اسيا وانت تحت المكيف تشرب قهوه....قم قامت عصبك ورح الملعب لوك هلالي صحيح..
الامير عبدالرحمن...استمر ولا تسمع لاحد ومانبيييي اسيا...بس هلالنا يستمر كل موسم بطوله او اثنتين

اعصابك يالغالي ولا تدعي على الناس كل ينام على الجنب الى يريحه

والجماهير التى حضرت فيها الف بركه قامت بالواجب واكثر

من لايريد الحضور لايحضر ومن يحب الهلال ويريد دعمه سيجد المدرجات ممتلئه
بمن سبقوه لابد ان يكون فيه جماهير في القهاوى وفي البيوت وفي الاستراحات

تتوقع كل جماهير الهلال سيحضرون لكل مباراة لايمكن ابدا يحصل هذا والا لم تتسع لهم الملاعب وجماهير الهلال التى تحضر لها كل تقدير واحترام وهي سند الهلال الحقيقي
عموما مبروك الفوز المستحق الله يسهل على من لايريد الحضور واسيا ليست جديده على الهلال لكن من العيب ان نكون اكثر فريق يلعب في بطولات اسيا ولم نحففها الا ست مرات فقط الهلال اعتاد خطف البطولات بانواعها وطعم الاسيويه محبب لدى الهلاليين من حقهم يطالبون براسها باسرع وقت لم يطلبو صعب او عسير على نادي القرن الاسيوي مطلبنا الحالي الاسيويه وليس عيب ان نطلبها من اللاعبين وهم اهل لتحقيقها وستاتى باذن الله

نفس الكلام الي دايم اردده لشباب طموحنا هو فريق لا يقهر و ليس آسيا بحد ذاتها كبطولة

كلمة الامير عبدالرحمن حينما قال ( المفروض تكون واقفة الجمهور مع الفريق في الشدة اكثر. لانه في حال الانتصار الكل واقف مع الفريق ) تبين معنى ومعدن المشجع الهلالي

يا ليت تحسن من اسلوبك في اختيار العنواين
موضوعك منطقي لكن بصراحة عنوان الموضوع خرب موضوعك
اذا تقدر تعدل العنوان عدل لانه ما يليق بمحتوى الموضوع
مؤيد لمحتوى الموضوع معارض على عنوانك

ملاحظه جميله على حضور الجماهير اتمنى من الاداره ان تحاول تبعد الفريق عن الجماهير فهى اخطر من الخصوم لان بعضهم ما غير يسب ويصارخ الجلوس في الاستراحات ابرك لهم نحن نريد 1000 مشجع هلالي مخلص عاشق عاقل افضل من 10 مليون مراهق امي لا يفهم معنى الانتماء للهلال

بأعلق على جملتين من موضوعك يالغالي ...

بالنسبة إلي يقول نبي بطولة آسيا بعد الفوز على الفريق الريان هذا مشجع نظرتة محدودة والهلال حقق 6 منها ....

والشخص الثاني إلي يقول ب 20 ريال أشوف المباراة في المقهى ويشرب قهوة ومكان مكيف ياخي هذا واحد من الشعب طفران ال 20 ريال هذي تهز الميزانية عندة كل واحد وظروفة ....

مبروك للزعيم