|
الوقوف مع نجوم الهلال أم محاربتهم!! بسم الله الرحمن الرحيم السلام عليكم ورحمة الله وبركاته دائما ما أشاهد في هالمنتدى مايحز في النفس ويكسر الخاطر لاأعلم هل هم جماهير هلاليه أم فقط من هكالقوم ليثيروا جماهير الهلال ضد لاعبيه واغلب الظن انهم ليسوا هلاليين وهذا مصيبه وان كانوا هلاليين فالمصيبة أعظم عندما فزنا عل الوحده خرج لنا كم واحد واستغلوا الفرصه لينالوا من بعض اللاعبين فهم (قناصة فرص) الفوز يجعل من يؤيدهم كثيرين فأول ماقاموا به (المناداه بهذه التشكيله في المباريات القادمه ) اوبمعنى اوضح ليكون ياسر خارج التشكيله ...هل اعدتكم صحافة الجار التي لاتريد ياسر في المنتخب من اجل الايكون هلالي كابتن المنتخب وانسقتوا وراءه ماذا تريدون ؟؟ ياسر هو اللاعب الوحيد في الهلال الذي يجبركسر خواطر الهلاليين مهما كانت ظروف الفريق ...هو من يسجل من أنصاف الفرص هل انتم تفهمون اكثر من ريكارد او كوزمين وكل المدربين الذين مروا على الهلال واخرهم زلانكو (اللي مايعرف الطير يشويه ) انا من الجماهير القديمه وصراحة مللنا من وأد نجوم الهلال قديما وحاضرا هناك من يعمل على سحب النجوم الكبيره من الهلال ومن يعجزون عنه يحاربونه وهو في فريقه الامثله كثيره فقدنا قديما محمد التمياط ثم فهد الغشيان وكادوا ان يقضوا عل الثنيان لولا وقوف الامير خالد بن محمد (من احب الناس لقلبي) ثم سحبوا الدوخي وكان بمثابة مهاجم وهو مدافع ...ثم المحور خميس العويران ثم قضوا على الجمعان ثم انقضوا على قوة الهلال في المحور خالد عزيز ومع ذلك ظل الهلال متماسك القحطاني مطمع وتتمنى فرق المملكه الكبيره نصر واتحاد واهلي الايرون القحطاني في الهلال (وهذي منيتهم ) ويسلي باي وقت يغادر لبلاده ويسحب عليكم ويقول لن اعود فيه احد يقدر يقول له غصب تلعب هل تثقون بالشباب الذين يلعبون في الوسط ان يقبلوا الهلال كما قبله ياسر بأقل من عروض الانديه .....اين الفريدي ؟؟؟ ياأحباب ياساده كونوا مع الفريق ولا تلفظوا النعمه والاسيأتي اليوم الذي ستندمون عليه مهاجمكم القحطاني لعب للهلال منذ ان قدم بدون صانع لعب الا في سنه واحده ايام التايب ومع ذلك يخلق لنفسه الفرص ويحصد البطولات للهلال في هذا العام وعلى الرغم من قلة المباريات التي لعبها فقد سجل فقط في الدوري 12 هدفا بالرجل اليمين واليسار والراس من هو المهاجم الذي يحمل هذه المواصفات ؟؟؟ اعود لبقية اللاعبين لماذا لانترك الفريق بحاله كل يوم هذا لازم مايلعب وفي مباراة اخرى نجدكم تمدحونه اللاعبين بشر يتعرضون لظروف احيانا لاتسمح لهم بالابداع فهم ابناء اسر وبعضهم يعول اسره ويأتي وذهنه مشتت اتذكر اللاعب خالد التيماوي لاعب الوسط في الثمانينات والتسعينات كانت الاصوات تنادي بتنسيقه من الفريق واعطي الفرصه واصبح نجم الفريق سامي الجابر في احدى السنوات لم يسجل الا في النهائي وبعد ذلك بدع مع الفريق التخيفي ظهير الفريق الايمن كان كنتروله على الكره ضعيف جدا ومع التشجيع من الكابتن النعيمه اصبح من افضل الاظهره الذين مروا على الكره السعوديه احمد الدوخي/ كان ينطلق الى نقطة الرايه عند الخصم ولكنه لايجيد رفع الكره ومع التنبيه والتمارين اصبح افضل ظهير ايمن بلا منازع فرفقا بالقرني بالبيشي بالحارثي بالسديري كل اللاعبين لابد من وجود عيوب وهذه مهمة المدرب لمعالجتها (هل الفتح متصدر الدوري لاعبيه افضل من لاعبي الهلال ...اكيد الاجابه بلا ولكن يلعبون بدون ضغوط كفريق منظم وهاهم يتفوقون على كل الفرق العريقه ) |
موضوعك غير ... وعنوان موضوعك غيييير ~ وش السسَآلفةة ..؟؟! |
رحم الله والديك موضوعك رائع واعجبني واحرق قلوب المندسين به المنتدى غرق الغرقان اكثر اجل حارس ممتاز يمسكونه بحمله تفحيططط هههههذا حارسكم وهذي عيناتكم روحو لمنتداكم يامندسين اللهم وفق الزعيم فوق كل ارض وتحت كل سماء |
اسمه نواف التمياط مهب محمد |
إقتباس:
|
بيجونك المندسين الله يعينك عاد الا ياسر هذا مجننهم في كل مكان الله يحفظه ويوفقه ويعوضه عن كل شي خسره وان شاء الله يستمر ع هالاداء |
وياسر من اكثر الاعبين ضرب للراس ومبدع بالكرات الهوائيه ومع ذالك عندنا محروم ماحد يرفع له ياسر لو ان الاظهره عندنا ترفع صح كان كل موسم ينافس ع الهداف بعدين ياسر ماهمه عدد االاهداف اهم شي الهلال وهذا اللي قهرهم وان شاء الله يستمر هلالنا وياسر |
موضوعك قمة الروعه ... لكن تدري وش المشكله ان نص اللاعبين اللي ذكرتهم كامثله اكثر زوار المنتدى واللي يطالبون بالتغييرات ولدو بعد اعتزالهم فهنا المشكله |
موضوع رائع وجميل يظل الهلال كبير وشامخ مهما وضعوا من خطط من اجل اسقاط الهلال يظل الهلال بطل |
أخوي يسعدك ربي محد تكلم عن ياسر بشي سلبي بالعكس ياسر روح الهلال والقائد وجودة ضروري بالفريق وكلنا نعرف مين أبو عزوز والله لايحرمنا منة رجال يغار على الكيان ويلعب لشعار والله يوفقة معانا ونحن مع الكيان بالمرة قبل الحلوة وأذا في أحد تكلم كلنا نعرف نسبة كبيرة معانا ومندسين وميولهم صفراء وأقرب مثال مباراتنا على النهائي مع النصر من خوفهم من الهلال طلعو ينزلون مواضيع وسب وقذف بالاعبين وبالأدارة وكاتبين عن ميولهم وكلام أطفال والحمدلله شطبو وفي غيرهم كثير يدعي أنة هلالي وهو غير هلالي مجرد يسبب فتنة لكن الله لايوفق المندسين بيننا والله يشغلهم بنفسهم والله يوفق الزعيم ويبعد عنة العذال والحساد .... |
المنتدى ملغم بمن يدس السم في العسل وارى ان نصف جمهور النصر بالذات يكتب هنا |
هلا بالشااايب...^~* ياااسر لاعب كبير ون شاء الله يحمل الآسيويه هذا الموسم... بصرااحه ماااشفت مواااضيع تهاجم ياااسر على الاقل هذا الاسبوع... يمكن انت شاايف بردود او شي بهذا القبيل... وعمومآ من يهاااجم لاعبين الهلال فهو غير هلالي وطبعآ المهاااجمه غير النقد البنااء... موضوع جميل شكرآ... |
موضوع رائع اخي الكريم هل انت تكتب في الصحف اسلوبك اسلوب صحفي |
. . عووووووووووووووووووووووووووووووووافي |
ياسر القحطاني والشلهوب خط احمر ولكن الامين ما عليهم حرج حقين فصفص ويردون يظهرون انهم فاهمين |
| الوقت المعتمد في المنتدى بتوقيت جرينتش +3.
الوقت الان » 11:36 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd