ديـوانـية الـقاطعيـن .. كـل جمعـه و بـس ! السلام عليكم ورحمة الله وبركاته صبٌحهم بالخييييييير :ba1: جمعه مباركه! لا قالو انها بدعه وحرام مو مشكله كل جمعه وانتو بخير :s2: فكرة الموضوع بكل بساطه وبدون تكلف وحشو كلام .. ان بيكون هالموضوع مفتوح بعد اذن المشرفين للاعضاء القاطعين , كلنا مشغولين وعندنا ظروف ابعدتنا واشغلتنا الدنيا .. لكن مانقدر ننسى جمعتنه الطيبه بهالمجلس الحلو :ba1: علشان جذي اقترح ان تكون عندنا ديوانية كل يوم جمعه .. لكل شخص مشغول ويتعذر اقوله يوم واحد بالاسبوع مابيضرك وهاليوم طالبين منك ساعه فقط .. كل واحد واللي يطلع معاه .. اللي بيكتب خاطره .. موضوع قصير .. موقف معين .. حدث صارله مهم .. فضفضفه يوميه .. اخبار جديده حتى لو ( شخصيه ) ويحب نشاركه فيها .. او ذكريات في المجلس العام احنا كـ اخوان واخوات جمعنا هالمكان الطيب نحتاج نتطمن على بعض ولا نقطع التواصل بينه .. اللي حيل مشغول او يخونه التعبير .. يقدر يكتفي بكتابة السلام عليكم .. واحنا بنعرف اخباره وانه موجود وبخير :ba1: " اذا كل شخص شاف الموضوع فاضي وماحب يرد اول واحد..عمرنا مابنجتمع ونعرف اخبار بعض" ..:rose: كون انت صاحب اول رد وفل السبحه من وراك .. يالله ننتظر الغبار يا روادنا :rose: |
و عليكم السلام و رحمه الله و بركاته هلا و غـلا بشـــوق نـورتي المجلس شـدوا حيلـكم يـا حلـوين اللي بعـده :d |
هلا هلا فييــــــــــــــكم والله يجمعنا على العز والطااعــة |
هلا في بنتنا.... صبااااحكم ورد وبرد وكل شي حلو بااالدنيا..... هكذا الدنيااا مشاااغل وفراااق.... نسأل الله ان يجمعنا على الطاااعه... |
وعليكم السـلام يسعـد صباحك طيب والي مرتزين 24 بالمنتدى وش وضعهم بـ هذا الموضوع يشاركون ولا يتوكلون على الله :d |
السلام عليكم ورحمة الله وبركاتةوأسعد الله جميع اوقاتكم بكل خير فكره جداً رائعة وسوف نحاول قدر المستطاع التواجد بالمجلس والله يحفظك ويسعدك |
ايييييييه ايام المجلس والله ايام عاد امس بتويتر نتذكر ايامه وكذا ، قسم ايام راحت ليتها ترجع بس :yes: اغلب الناس الحين حوّلت لتويتر وكذا ما عاد يرجعون للمنتديات الا قليل طيب بكتب خاطره عاد و انتم قولوا وش رايكم بها امس كاتبها :d الصداقه باختصار شديد و دون اي مبالغه او هندسة في الكلام تقدر تختصرها بكلمة وحدة > الإيثار. وبس و نحتري باقي الشله يجون علشان نعلّق على ذكرياتهم و خواطرهم و حيآكم الله جميعاً بصفحتي بتويتر :d |
اهلييين وسهلين بشوق كيفك .!؟ وشعلومك وشمسوية .!؟ الله الله .. ياسلام على هالموضوع وكأنك اصبتي جرحا في القلب ! كثير اشتقنا لهم واشتقنا لأيامهم وسوالفهم .. انا معك بهالموضوع وكل جمعة ماعليك افتحيه :D ولك الضوء الأخضر انشروا هالموضوع على التويتر خلوا الحنين يرجعهم .. ونعيب المجلس والعيب فينا وماللمجلس عيب سوانا .. ونهجوا المجلس بغير ذنب ولو نطق المجلس لهجانا |
سلام عليكم فكره طيبه ومن شخص ماهو مستغرب عليه المواقف ذي وعسى الله يسعدكم |
حروف الغلا يااهليين وسهلييين :ba1: ومبرووك المنصب ياعسل كنت اطمح اكون اول وحده غير سعوديه تدحل الاستشاري بس سرقتيها مني :s2: عليج بالعافيه :rose: نواف نادي هلا فيك حياك الله :rose: بن جبله هلا فييييك حياك الله بن جبله :rose: فيصل الحربي بالعكس حي الله الجميع كنت بكتب هالنقطه ونسيت :yes: زين ذكرتني :d :rose: |
ابو شادن مشكور وبارك الله فيك وجودك مهم اكيد :rose: هلالي معالي احب الحماس انا :d حياك الله وخوش خاطره :yes: تويتر موجود ومايمنع نشوف المنتدى يوم بالاسبوع :rose: فيلسوف زمانه اهليين وسهلين حياك انت متى صرت مشرف ؟ :d اتوقع باركتلك بس انا ناسيه ههه انا ارسلته للي عندي وانتو بعد فيكم الخير والبركه انشروا شاكره لك دعمك :rose: am-20am ياهلا مشكور ماعليك زوود حياك :rose: |
الحين بيطلعوا الاعضاء المغبرين كلهم :d هلا والله بشوووق الكويت .. يالله زماااااااان والله زمااااااان .. كيفك وشو علومك .. انا الحمد لله صحيح مش مسنتر بالمنتدى مثل بن جبله وفيصل :d ... لكن أطل بين الفينه والاخرى والاحوال ماشيه ولله الحمد ونحتاج دعواتكم .. :d فكرة الموضوع رهيبه .. لكن بقي التفاعل |
إقتباس:
هالموضوع حتى يبقى متفاعل يحتاج الى موضوع مثير للجدل كـ موضوع الـ HD :s2::wub: |
مساء الخير للجميع من زمان والله عنكم "الأماكن كلها مشتاقه لك ي مجلسنا العامر بالحب والأعضاء".. الله يبارك فيك يا بريق على هالموضوع الجميل.. قضينا أيام وسنين في المجلس ماتُنسى والله.. أرجو لكم شخصياً حياة سعيدة عامرة بالطاعه.. تحياتي عبدالعزيز |
فيه بيت شعري مغنى عصرت مخي وعجزت أتذكر منه إلا ( في غيابي اشتقت لي والا لا ) وهو الشاهد والزبدة إني اشتقت لتلك الأيام ولأهلها والمحارشات والانبراشات اللي تصير أوقات الحرب والسلم ، ورغم أننا جربنا بعدها الكثير إلا أنه لم يعوضنا ولم يفقدنا لذة تذكر هاك الايام ، الله يرحمها ويسعد أهلها .. أحببت السلام وتجديد الولاء والمحبة لمن عايش معنا تلك الأيام .. |
الوقت المعتمد في المنتدى بتوقيت جرينتش +3.
الوقت الان » 01:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd