بسم الله الرحمن الرحيم

السلام عليكم ورحمه الله وبركاته. وبعد


لفت نظري اليوم وعبر صحيفه الجماهير خبر مفاوضه نادي الاتحاد للاعب عبدالله شهيل بحكم عدم رضاه بالاستمرار بنادي الشباب وتغيبه عن التمارين ومن مصلحه الشباب بيع عقده واتمنى من الامير عبدالرحمن بن مساعد جلبه للهلال بعد ماقال انه سيفاوض اي لاعب يحتاجه الهلال ونعم نحن في امس الحاجه للاعب هذا بحكم ضعف منطقه الضهير الايمن لدينا اذ لايوجد الا البيشي ونامي واتمنى عدم ترك هذه الفرصه للاتحاد ورد الصاع صاعين والتجديد مع ياسر الشهراني عند انتهاء فتره الاعاره وبكذا يتبقى لنا جلب مدافع متميز في فتره الانتقالات المقبله بجانب اوزيا وابعاد المحور الكولمبي لأن عبدالله عطيف راح يغطي خانته وجلب صانع لعب اجنبي متميز

شهيل الشباب يقترب من الإتحاد .. بسبب المشاكل

اجتمع إبراهيم الموسى وكيل أعمال لاعب الشباب عبدالله الشهيل مساء اليوم مع الإدارة الاتحادية بشأن التفاوض حول انتقال اللاعب إلى صفوف الاتحادي في ظل وجود مشاكل تجمع الشهيل مع الشبابيين في الوقت الحالي مما ساهم ذلك الأمر في غياب اللاعب عن المشاركة مع الفريق في المباريات الماضية وتواجده الدائم على مقاعد البدلاء ، هذا وتنتظر الإدارة الاتحادية توقيع العقد الجديد مع الشريك الاستراتيجي للنادي من أجل إبرام التعاقد مع اللاعب عبدالله الشهيل في حال سير المفاوضات بشكل أفضل خلال الأيام المقبلة.

عبدالله شهيل لاعب ممتاز واذا تعاقدنا معاه ماراح نشيل هم البيشي او نامي وراح نكون قفلنا احدى المراكز اللي نعاني منها بشرط وجود المفاوض الناجح

ليه رماه الطير ؟؟؟ ولد شهيل

صح ان شهيل لاعب ممتاز وافضل من الموجودين عندنا

لاكن البلطان يعطيه اي نادي بلاش ولو الهلال دفع ١٠ مليون ماراح يعطيهم اللاعب

اما اذا الاتحاد فاوضوه بيعطيهم اياه لو الهلال بيقول نبادلكم بلاعب ويبي نواف العايد هو

وبيسوي لنا زي الموسم اللي فات يوم لعب علينا واعطيناه عمر الغامدي وخذينا وليد الجيزاني شكرا لكم

إقتباس الرسالة الأصلية كتبت بواسطة mr-zo0oz صح ان شهيل لاعب ممتاز وافضل من الموجودين عندنا لاكن البلطان يعطيه اي نادي بلاش ولو الهلال دفع 10 مليون ماراح يعطيهم اللاعب اما اذا الاتحاد فاوضوه بيعطيهم اياه لو الهلال بيقول نبادلكم بلاعب ويبي نواف العايد هو وبيسوي لنا زي الموسم اللي فات يوم لعب علينا واعطيناه عمر الغامدي وخذينا وليد الجيزاني شكرا لكم

حبيبي الاعب مايبي الشباب والبلطان علاقته فينا كويسه بشرط مفاوضته من قبل عبدالرحمن بن مساعد او بندر بن محمد وصدقني راح يكون مكسب كبير واحنا الوحيدين اللي نحتاجه لانه الاتحاد عندهم ابراهيم هزازي والاهلي كامل المر وعقيل بلغيث والفقر عنده خالد الغامدي ولد خالي والشباب عنده حسن معاذ واذا يبون ياخذون نامي والزوري ومحمد القرني هديه

والله انه مكسب عبدالله شهيل

اتمنى قدومه للهلال

ماتوقع يفرط فيه الشباب بس ياليت يجي للهلال على الاقل افضل من البيشي ونامي بالف مره

ياشباب ليه حنا ننظر الا الاسم قبل المستوى هو صح كان اسم لامع في الظهير ولاعب ممتاز جداً لكن الكلام هذا قبل موسمين او ثلاث , حالياً هل مستواه يؤهله للعب في الهلال ..!! ولنا العبره في سعد الحارثي و مالك معاذ و ياسر القحطاني ومحمد مسعد و عبده عطيف هل هم نفس المستوى 2007 بتأكيد لا اذا لماذا نحكم على الاعب من اسمه ومستواه قبل كم موسم ..!! الحكم على الاعب بمستواه حالياً وعبد الله شهيل من موسمين او ثلاث مواسم لم يلعب اساسي وبأستمرار نعم فيه مشاكل مع الادارة ولكن مشاكله الموسم هذا اين هو الموسم السابق والي قبله !! والاعب السعودي عموماً يبدع في ثلاث مواسم الى اربع مواسم وبعدها ينزل مستواه الفني تدريجياً الى ان يعتزل والشواهد كثيره , وللمعلومية البلطان لا يترك لاعب يخرج من النادي الا وهو منتهي نفسياَ قبل ينتهي فنياً والشاهد على ذلك عبد عطيف ,
وجهة نظري الاعب انتهى

ياليت والله نسمع به الخبر ، وبكذا نكون قفلنا الاظهره بوجود { شهيل وبديله البيشي ، نامي }
الشهراني في السار وبديله { الزوري ، الفرج ، سليمان العبد الله ، سلمان الفرج }

كل واحد يقول الزود عندي .. وراح ايضا نستفيد من شهيل ، في خط الوسط بحكم سرعته واستغلال كراته العرضيه الخطيرة .. وايضا يبدع في الوسط بحكم نزعته الهجومية . وايضا نزعته الدفاعيه .. ممتازه جدا ولا يحتاج شهاده مني ... الكل يعرف عبد الله شهيل .

الله يكتب له الخير سواء في الهلال او في الشباب او في الاتحاد .

علاقة الهلال بالشباب مثاليه ولا اعتقد ان الهلال راح يدفع ريال واحد إلى بموافقة الشباب

صراحه عبدالله شهيل لاعب ممتاز اتمنى قدومه للهلال

الحياة فرص ، وأميرنا مو مقصّر دام اللاعب مايلعب في ناديه
احنا الأولى فيه وخاصة إن اللاعب باقي يعطي ومستواه ممتاز .

بصراحه تعب صوتي وأنا أنادي من الصيف الماضي بجلب اللاعب بعد سوء التفاهم

اللي بين برودوم وشهيل ولكن للأسف لم يكن المفاوض الهلالي جاد في التفاوض

شهيل مكسب بكل ما تعنيه الكلمه من معنى تبيه يسار يسار تبيه يمين يمين ...

أرجو ألا يفوت عبدالرحمن بن مساعد هذا الفرصه على الأقل لتدعيم الزعيم للموسم المقبل

حملة ( لا يروووووووووووووووووووووووووووووووووح )

والله انكم جمهور ما ادري وش يبي كل ما شفتوا لاعب قلتوا نبيه يجي الهلال

عبدالله شهيل ما حد ينكر انه لاعب مميز خصوصا في مساندة الهجوم والا الدفاع تراه مو مره وله سنتين تقريبا ما يلعب المعروف انه من مدربه

لكن انا اشوف الاولى ان الاداره توفر اللي بتصرفه على شهيل وتشتري عقد الشهراني اللي اشوفه اهم لاعب حاليا بالهلال انا ما يعجبني لا البيشي والا نامي والا الزوري

لكن تقدر تغطي خانته بالشهراني او مسعد وفي الظهير اليسار بالفرج وغير كذا الهلال بحاجة قلب دفاع محلي ومافي الا الحافظ المحترف في البرتغال او لاعبي الاولمبي

محاور الموسم الجاي ما اتوقع ان الهلال بحاجه محاور لان بيكون عبدالله عطيف موجود غير العازمي والمرشدي في الاولمبي

بكذا اذا الاداره حابه تضيف لاعبين محليين ما قدامها الا الشهري والجيزاوي وهذولي ما اتوقع انديتهم يتخلون عنهم وخصوصا الهلال

اما الاجانب اذا استمر اوزايا في تقديم مستويات جيده شراء عقده والبحث عن برازيليين واحد صانع لعب والاخر مهاجم ما يرحم امام الباب

وياليت يجيدون الفاولات لان الفاولات عندنا تنفيذها سيئ كم مباراة لو كان فيه لاعب يجيد الفاولات كان اخذنا نقاطها الفريق الوحيد اللي ما ينخاف من فاولاته الهلال

عاد يبقى الاسيوي اتمنى ان يجينا لاعب صاحي هذا اذا كنا نبي اسيا الموسم الجاي

يعطيك العافيه