فريق فني (الجابر ، الثنيان ، ابو اثنين ، النعيمه ، الدعيع)
 

طيب ياحبيبى واذا يوسف الثنيان وفيصل ابو اثنين والدعيع مايرغبون يصيروا مدربين نضربهم على يدهم بالقوة ؟؟
فكرة غير منطقيا
واتمنى يعود الاسطورة سامى الجاير ليعود بالنفع لنادى الهلال والمنتخب السعودى
الله يوفقك يالذيب والاسطورى سامى الجابر
ماجد من مكة

يا حبيبي انا قلت في الموضوع مجرد أمنية و ياليت تتحقق لأن كلاً و له خططه ..

شكراً لك على مرورك ..

و صحيح كلك ذوق و مره ثانية اقرأ الموضوع كاملاً قبل ترد ..

والله اتووققعها صعـــبه والله يوفق الزعيم


يعـــطيك الف عـــاافية

الله يعافيك ..

انا ما اتوقع انها صعبة اكيد صعبة ..

لكن اذا احد منهم اعتذر فيه نجوم آخرين .. و هي مجرد فكرة قلت أشوف آرائكم فيها ..

و شكرا حبيبي ..

اضيف امنيتي الى امنياااتگ...

يالليت والله الاداره الهلاليه الموقره تستفيد من اللاعبين الكباار والاساااطير الهلاليه وبأي مجااال لانهم اقل شي يبثون الروح للفريق بشكل عاام واللاعبين الصغاار بشكل خاااص...


شكرا...

الأماني كلها أحلام فحلام

وين عايشين الله يصلحك

الثنيان والنعيمة والدعيع نحترمهم كأساطير وهم رمز من رموز الهلال

لو قلنا سامي مدرب ومساعدة أبو ثنين والنعيمة أداري

وسامي يحضر معاه جهاز فني متكامل وقتها نقول أوك

النعيمة يصلح كإداري الرجال شخصية قوية ونتذكرة وقت ماكان اداري ويعشق الكيان

ولكن الأن فهد المفرج فية الخير والبركة ومن هينا للموسم الجاي نتكلم على المدرب ممكن يبدع زلاتكو وسامي يستمر بأوروبا ويرجع لنا وعندة خبرة

الأن يجب علينا الوقفة الصادقة مع الكيان ولانجعل الإعلام الأصفر والجماهير الصفراء يفعلون مايريدون

مع الزعيم بالمرة قبل الحلوة والله يوفق نجومنا

نتذكر مبارتنا قبل النهائي مع النصر المنتدى أصبح فقراوي مواضيع وسب وقذف بالكيان وبالرموز ونهايتهم أكلوها فالنهاية وأخذنا البطولة يعني مع أحترامي للكل فالمنتدى يضل المندسين متواجدين بيننا والله يشغلهم بنفسهم

و الله ياليت لأنهم استفادو خبرات كبيرة من الميادين الإقليمية و القارية و العالمية و غير كذا مر عليهم مدربين عالميين و قارعو لاعبين لهم وزنهم في الكره العالمية ..

شرفتني بمرورك ..

آمين الله يصلحنا جميعا و نصير صالحين مصلحين ..

ادري كثروا المندسين و لا خلاني اكتب هالموضوع الا ان المنتدى امتلا يا ناس تنتقد او ناس تدافع .. طيب خلونا نسولف و نحلم و الا حتى الاحلام بتنتقدونا عليها ..

شكراً على مرورك ..

حلم ابليس بالجنه , حلمك كككككككككككبير جدا

هذا الفريق يعتبر هو المدرب و يكون على رأسهم مثلاً سامي ..

شكراً على مرورك ، حلم طيب من يشاركني بهالحلم ؟

والله صدقت هذا اللي انا اقولهه !!
الله يحققها ! ولايهمونك وحاول قدر الامكان توصلها للاداراه !

يا ليت توضح اكثر لأني ما فهمت رأيك تتكلم عن المواضيع بشكل عام و الا عن هذا الموضوع ..

شكراً على نرورك ..

هو الفكره الإستفاده منهم كلاً حسب خبرته و اللي يعتذر فيه غيره ان شاء الله ..

الله يعافيك و شرفتنا بطلتك ..

التفاؤل حلو ، مدري ليش بعض الناس مستكثرين علينا نحلم و نتفائل ..

شكراً حبيب قلبي ..

يالله نبي افكار زيادة او دعم للفكره هذي ..

والله انها امنيه يارب انك تحققها ياااااااااااااااااااااارب

ابصم بالعشرهـ رآإآإآإح تحسب الانديه حساب امام مقابله الهلال

مثل هالاعبين الكبار يتواجدون في منبعهم في النادي راح نشوف العمل به بكل اخلاص

يارب انك تحقق الامنيه ونشوف هالاعبين في النادي مع القائد سامي الجابر

آآآآآآمين يا رب ..

اقتبست الفكرة من نادي اوكسير لأنهم ممسكين سامي تدريب المهاجمين و بدع سراحة ..

على الاقل ما اعرفه ان الحبشي درب الاولمبي بشكل جيد قبل اربعة مواسم وسامي مدرب الان والدعيع اعلن رغبته في التدريب ابو ثنين جاء مع سامي هل يريد العمل كمدرب ام لا الله اعلم ولكن اتمنى على ادارتنا المحترمه ان تنظر في هذا الموضوع وخاصه للفريق الاولمبي اذا كان على كلام الامير انه خايف عليهم
اتمنى الحاق الدعيع والحبشي وابوثنين ان (رغب) بدورات على حساب النادي وبعدها يعملون في الفريق الاولمبي ولو ظمن الطاقم الاجنبي وبعدها (اون ردي) راح يجدون انفسهم كمدربين
شكرا لك

ما كل ما يتمنى المرء يدركه تأتي الرياح بما لا تشتهي السفن

هي ع الرغبه
لاعبين اللي اعتزلو كلهم لم نشوف الا الجابر
اللي فكر انه يطور نفسه ويبحث عن التدريب
لانه له رغبه ويمكن لغة ومعرفه تساعده
وكلنا نتمنى لكن اظن صعبه جدا
والاماني غير الواقع
انا معك في الاستقرار
على المدرب

اتمني يصيرر بس صعبه لان سامي المدلل لي ابناء مساعد والبقين الي ذكرتهم اعتزلوا فااختفوا من الانظار وهم افضل من ساااااامي بكل شي

مع أحترامي لك كافي التجارب في المدربين وأشباه المدربين

نريد مدرب أجنبي كبير مثل كوزمين وجريتس والمدربين الوطنيين ماضيعنا إلا هم

والدليل عبد اللطيف الحسيني وكثرة الأصابات من حضوره لنادي

أنا مع المدرب الأجنبي فقط فقط وكافي مجاملات للمدرب الوطني !

اممننننننننيه و ياليت تتحقق ^*

انا معك ماعدى الدعيع اعتقد انه مثالي زياده ويمكن يترك الهلال في اي وقت اذاً ايش الفائده من تدريب مثل .هذا الدعيع ليسى سامي الجابر او النعيمه او ابوثنين ركزوا على ما يقوله في البرامج التي يتواجد فيها يتم الاساء للهلال وهو يهز رأسه يعني مافيه ولاء

عندي لك حلم :d

فريق فني ( بيليه , ريفلينو , سكولز , كانافارو , بيتر شمايكل )

وش رايك يالذيب :s5s::ba:

سامي وفيصل ممكن
اما تجمع لي يوسف وصالح والدعيع هذولا حقين بسطه وناسه والله يخلون النادي استراحه كبيره خاصه ابؤ يعقؤؤؤؤب

انا اقول سامي الجابر يستلم تدريب الفريق الموسم القادم

و يشكل جهـاز فني

يكون فيه العمالقة الي ذكرتهم

الدعيع و الثنيان و فيصل ابو اثنين و النعيمة

حلو الحبشي بعد يشد حيله على الأظهرة ..

فكرة إنهم بالبداية يمسكون الأولومبي أحسن شوي ..

هذا صحيح ، و هذا اللي ذكرته بالموضوع ..

بس مو معناه اننا ما نحاول ..

لا تنسى المثل اللي يقول "إن لقحت و إلا ما ضر الجمل" ..

شكراً عـ المرور ..

أنا أقول الفكرة هذي تصلح تكون عـ المدى البعيد ..

و أتوقع أحسن شئ يكون سامي هو المدير الفني و الباقين معه بالفريق الفني ..

و أكيد صعبه بس مو مستحيلة ..

شكرا عـ المرور ..

مو مسألة مدلل زو مو مدلل ، سامي إنسان طموح .. يوم كانو يلعبون بلوت اللاعبين هو كان يقرأ كتب و يتعلم لغات ..

و سامي تعلم و طور نفسه و الباقين لا .. بس عندهم الخبرة اللي تأهلهم يكونون بالفريق الفني بعد دورة مدة سنه في أوروبا ..

طبعاً سامي يكون المدير الفني .. و الباقين نبي خبرتهم في مراكزهم و روحهم للاعبين الصغار اللي عندنا ..

شكراً عـ المرور ..

مع إحترامي لك سامي الآن يلقى أنواع و أشكال الإشادات في فرنسا ، و أتمنى ما نصير من الناس اللي ما يبون إلا اللون الأشقر ..

و عبد اللطيف الحسيني من أفضل المتخصصين باللياقةو ما تدري وش كثر تضايقت لما طلع من الهلال قبل ، و لا تدري وش كثر فرحت بعد ما رجع ..

و شكراً عـ المرور ..

شكراً على دعمك للموضوع ..

أنا مو معك بالولاء .. إذا كان ما عنده قوة حجه أو ما يبي يدخل بقيل و قال يعني خلاص ما عنده ولاء .. هو ما اشتغل صحفي هلالي ، هو اشتغل محلل فني .. مو محامي للهلال و أعتقد الدعيع ما احد يقدر يزايد على ولاءه للنادي ..

شكراً عـ المرور ..

فريق قوي بس ينقصهم الولاء للكيان الهلالي ..

شكراً عـ المرور ..

فيه مثل يقول لاكثروا الطباخين فسدت المرقه

يجي سامي ويمسك التدريب احسن من انه يجينا واحد زي دول والا كمبواريه هالداجين والدعيع مدرب حراس ومنصور الاحمد اداري وبس

يعطيك العافيه

هههههههههههههههه ، بالعكس حلو إنك تجمع كل هالشخصيات ، كذا تجي الروح ..

و النعيمة بالعكس إحترافي و شديد بنفس الوقت ..

و لو الدعيع مو احترافي ما كون هذا التاريخ اللي يملكه ..

شكراً عـ المرور ..

هذا الكلام بس عاد مو الموسم القادم ، ودي نجعلها خطة عـ المدى البعيد يعني الموسم ما بعد القادم يمسكون الأولمبي و بعدها بموسم أو موسمين يمسكون الفريق الأول ..

صحيح بس العمل الفني سفرة كاملة و فيها عدة طبخات (الحراسة ، الدفاع ، الأظهرة ، المحور، الوسط ، الهجوم ) ، كل واحد يطبخ الطبخة اللي يضبطها و بعدين سامي يقدم السفرة بشكل كامل كطباخ رئيسي ..