قصيدة الشاعر عيسى الشهري في الهلال - نادي الهلال السعودي - شبكة الزعيم

صدى الشموخ · #1 02/03/2013, 03:06 AM

تكفى يابو فيصل تــــــرانا تعبنا
الى متى نشرب مرار الخساره
ليت الخساره من خصمنا تجينا
ونقول اخذها بلعبته وبجــــــداره
لكن تجي غلطات من لاعبيـــنا
واستسلمو من دون جد واثــاره
اصحى يابو فيصل وحس بقهرنا
على زعيم المجد عز الصــداره
غلطات ماجد جابت العيد فينـــا
كل الهزايم تنطبع من قــــــــراره
والبيشي والزوري ترا كـــرهونا
في الازرق اللي عاهدو في دماره
حنا نبي الامجاد والمجـــــــــد حنا
ويبقى الهلال اول رموز الحضاره

SCORPION-KING · #2 02/03/2013, 03:30 AM

صح لسان الشاعر عيسى

القادم أفضل والزعيم بيفرحنا إن شاء الله

يعطيك العاااافيه

صدى الشموخ · #3 02/03/2013, 05:20 AM

الله يعافيك

ان شاء الله واول الافراح طرد المرشدي والبيشي

عمر النامي · #4 02/03/2013, 06:33 PM

والبيشي والزوري ترا كـــرهونا
في الازرق اللي عاهدو في دماره
مع احترامي للشاعر
نحن لا يمكن ان نكره الهلال بسبب لاعب اولاعبين او حتى عشرة
لاعبين فالزعيم عشق لا ينتهي
ودي لك

بن جبله المطيري · #5 02/03/2013, 06:45 PM

عقبااال مانشوف له قصيده والهلال حاااامل الآسيويه...

الف شكر....

أشتقت لصاحبي · #6 02/03/2013, 06:52 PM

حنا ترانا ماهدمنا بنينا
ولاتعتبرها ياصحيبي خساره
بقادم الايام تثبت يدينا
واللي يشب النار يشوا بناره

ااابوعبدالله · #7 03/03/2013, 05:01 AM

صح لسانك يالشاعر عيسى الشهري
والبطوله مازالت في البدايه ونتمنا
التوفيق للهلال محليا وقاريا

مهتم7 · #8 03/03/2013, 06:01 AM

صح لسانك واقولك السنه هذي اغسل يدك مافيه اسيــــــــا ... الهلال يبيله محترفين بوزن ثقيل