|
مشكلتنا هنا والدليل الفرق هذه السلام عليكم أولآ ما أحب الآراء المتشنجة واللي ترمي التهم جزآفآ احنا لازم نتناقش باسلوب حضاري وليس شرطآ ان فكرتك توصل اذا رفعت صوتك أنا من هنا الى آخر الموسم لن أحمل زلاتكو أي شيء من خسارتنا لأنه مو هو اللي اختار الأجانب ولا هو اللي جاء وفي الفريق أجانب زي الناس للمعلومية لما حطوا بند اللاعب الأجنبي هم حطوهـ عشان تجيب لاعب يرفع من مستوى الفريق ويكون مستواهـ فوق مستوى اللاعب السعودي وأنا اللي أشوفه ان 50% من لاعبيننا الأجانب قاعدين احتياط على ايش جايبينهم يعني فيه قاعدة تقول : لا تجلب أجنبيين في مركز واحد أو بطريقة لعب واحدة يعني مثلا لا تجيب قلوب دفاع أجانب ولا محاور كلهم أجانب ولا مهاجمين كلهم أجانب عشان تحاول ترفع من مستوى لاعبك المحلي بايحتكاكه مع الأجنبي والتعلم منه والقاعدة الثانية : أجلب اللاعب الأجنبي المحترف في مراكز الضعف لديك لتجعلها مراكز قوة وهذآ اللي كنا نسويه أول , يوم جبنا لي يونغ في خانة الظهير الأيمن وكان وقتها نقطة ضعف واضحة لنا وحولناها لنقطة قوة , وجبنا أيضآ تياقو نيفيز وكان اللاعب النجم اللي الفريق كله يتعلم منه , وجبنا رادوي في مركز الارتكاز وكان عامل شغل وأي لاعب سعودي يلعب معاهـ كان يبدع , وويلهامسون كان له لعبه واستايله الخاص فيه لكن الحين وش أقول غير تكديس لاعبين في منطقة الهجووم وما في فرق بين اللاعب الأجنبي والسعودي هذا اذا ما كان السعودي أفضل منه بعد وأبيكم تشوفون الشباب الحين جايبين أفضل لاعب بآسيا والمحاور عندهم أحمد عطيف ووكابتن فريق برودو فيرناندو والاحتياط حقهم عمر الغامدي اللي سجل هدفين في آخر مباراة بالنسبه لي هذآ الموسم أنا ما رآح أطالب عبدالرحمن بن مساعد بشيء والحمد لله اننا خرجنا ببطولة تحفظ لنا ماء الوجه ولكن نبغى شغل نظيف الموسم الجآآي ونبي نتعلم من أخطاء هذا الموسم وبالنهاية لا تنسون ان عبدالرحمن بن مساعد هو اللي صنع لنا فريق الأحلام وعشنا معااه أيام لا تنسى وكان لنا هيبة بطل |
عند جلب الاجانب لابد ان يكون افضل من الاساسيين والا لاحاجة لجلبه الكوري احتياط والبوليفي احتياط؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
مشكلتنا ان سموا الامير عبد الرحمن بن مساعد لابد ان يبتعد عن رئاسة الهلال يا سموا الامير حافظ على ما بقي لك من صوره حسنه امام الجمهور صدقني بيجي اليوم اللي بتسمع المدرج يردد بابعادك وراح تسمع اساءات وراح ينسى لك كل فضل وهذا ما لا اتمناه لذلك رجاءا يا سموا الامير ابتعد بطيب نفس واحفظ ما بقي |
الفريق واضح انه مايقدر يسوي شيء باسيا... لكن المفروض من الان يبدأ العمل للموسم المقبل ..عشان مايجيبون لنا اعذار عن المدربين واللاعبين ! وإن شاءالله يرجع الملكي لمستواه المعهود ... |
إقتباس:
اكاد اجزم لو المشكله فيه ماكان خلاه الامير بندر للحين اتمنى نفكر في مصلحه الهلال وهل استقاله الامير الحين في صالحه ثانيا الضغط وتحميل الامير كل شي بعد ماكنا نحملها المدرب ماراح يعالج المشكله علينا الحين ان كنا فعلا نحب الهلال محاوله دفعهم والنهوض بهم فيما تبقى من الموسم نهايه الموسم يكون لنا كلمه وراي |
إقتباس:
طال عمرك .. وطيب وابتعد مثل ما انت نبي .. وبعدين .. وش الناتج ...! بهالوقت .......! اتحدى اي شخص يصرف او يهتم مثل عبدالرحمن بن مساعد .. لن انتقد احد في السابق .. لكن بيض الله وجهه والتوفيق بيد الله .. لكن وين اللي يعاونه ..وأولهم اللاعبين والبرووود .. ناس وقع معها بالملايين .. والحين نحس انك تترجاه يلعب .. اي نفسيه تبيه يدعم فيها .. اما كلمه احفظ ماء وجهك .. اشوفه تردد كثير للاسف ..عيب هالكلام .. الرجال وجهه ابيض .. ولا شيف منه الا كل خير وهذا الكلام لو تبي تحسبه بعد انه بعيد عن الكره احسبه.. لنرتقي بنقدنا .. وارجع واقوووولك ...! ياخي لا تطير بالعجه ..! بروح للموضوع نفسه .. وهو الخلل بأختيار الاجاتب .. نفسه الامير والكل قال ما توفقوا معنا .. يعني وش الفايده من هذا الطرح بهذا الوقت .. لا احد يقدر يعدل ولا شي .. ولو انك تركت لك مخرج بآخر اموضوع وقلت بأنتظر للموسم القادم .. مع فائق احترامي للجميع ..! |
الفريق احسهم انهم شايليين من راسهم شي اسمه اسيا |
لولا الإرهاق لفزنا بالمباراة أو تعادلنا مع العين |
انت رائع ولكن هل تعلم من مدرب الفريق عندما تم جلب لي وويلي ونيفز انه د / (اولاريو كوزمن) وللعلم انا وكثير كتبنا وطالبنا وحذرنا وكان الرد لدينا نامي والبيشي وتم تصعيد فهد السبيعي من الاولمبي وللاسف تم تنسيقه قبل المعسكر الخارجي وهم يعرفون ان نامي شخص محترم لكن لا يمكن ان يصير لاعبا وبالظهير الايمن وبالهلال بل طالبنا بمنح سويد البيشي فرصة اللعب بهذا المركز فتم ابعاده من الفريق الاولمبي اتوقع وضع بالاحتياط لا اقول انه مايكون ولكن سيكون افضل من الموجودين نامي وسلطان ايضا طالبنا بالتعاقد مع ظهير الطائي الحسن او اليامي من التعاون ولو لفتره وللاسف لايوجد الا لاعب اتوقع بالناشئين اسمه فلاته متى سيلعب للفريق الاول اذا ستر الله عليه اما المحور فلدينا لاعبون سيكونوا على مستوى عال ببعض التوجيه والصبر(القرني المرشدي العازمي القحطاني النجعي الفرحان فلاته جميع الدرجات السنيه فيها محاور رائعه) ولا اعلم السر في محمد قاسم يتدرب على لا شي اتوقع يكون جيد بالظهير الايمن والمحور لست متشائما ولو 100 سنه ماجاب الهلال بطوله وكتب الله لي ان اعيش سأكون هلالي انا ارى ان الهلال يملك لاعبين على مستوى عال عدا مركز الظهير الايمن وصانع الالعاب حيث لا يوجد لاعب محلي تستطيع المراهنه عليه ويطالب الجميع بهذين المركزين ويتم التعاقد مع مهاجمين احدهما احتياط وحور احتياط كان من الممكن ان يكون الضعف في الفريق مركز واحد يتم تغطيته من المحليين هذا ما يجعلنا نطالب التصحيح شكرا لك وعذرا على الشطحات |
| الوقت المعتمد في المنتدى بتوقيت جرينتش +3.
الوقت الان » 05:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd