|
كلامـ ابن مساعد , وعدم فهمه من جمهور الهلال بسم الله الرحمن الرحيم هاردلك الخساره المتوقعه من العين الاماراتي وان شاء نعوضها في باقي المباريات ,,, كثر الحديث في الاونه الاخيره عن حقيقة ماقاله عبدالرحمن بن مساعد بأن البطوله الاسيويه كأي بطوله يلعب بها الهلال وسنسعى جاهدين لأحرازها وان اخفق الهلال فلديه اكثر من بطوله ينافس عليها غير بطولة اسيا . وفسرها بعض من الجماهير الهلاليه بأنها تدل على عدم قدرة الهلال في الحصول عليها "بالعلم من ان الهلال هو اكثر الفرق الاسيويه تحقيقا للألقاب الاسيويه" ولكن ابن مساعد قال هذا الكلام لأبعاد الضغط النفسي الكبير لللاعبين والجهاز الفني والجمهور , ولكن للأسف قليل من فهم هذه التصاريح . وأقول لمن طالب بإستقالته اتوقع لايوجد رئيس بهذه الفتره مناسب غيره . والسلام عليكم ورحمة الله وبركاته |
اسمع اخوي الكلام من الاخر اذا الرئيس يقول ان البطوله صعبه على الهلال وهو رئيس ويجيب اجانب اي كلام ونصفهم بالاحتياط و وش راح نرتجي احنا جمهور الهلال صعبه على الهلال ولكن احضر اجانب ومدرب على مستوى واذا خسر الهلال راح نقول للرئيس ماقصرت واحنا معك للاخر ياخي البطولات الكبيره تحتاج عمل والهلال يفتقد لهذا العمل |
يعني وش تبي نقول الرئيس عظيم وتفكيره مستقبلي ي رجال روقنا والله انه مايدلها مع احترامي لما قدمه لكن لابد من استقالته ومعه الأداره كلها . |
والله لو اني رئيس الهلال ماراح اسمع للجمهور حمهور عاطفي بقوه خساره تقلبهم ادري ان الخساره تقهر بس اعرفو اخطاء مين واعرفو الهلال وش ناقصه بس جمهورنا يهدم الفريق كله وهذا ظلم الهلال اجانبه هالسنه مو ذاك المستوى ولا يشلون الفريق بس اان شالله ان شالله البطوله ذي لنا |
ابن مساعد خلالالالالالالاص ماعنده شي.. افضل له ولنا وللهلال استقالته.. |
بقول شي احنا مع الكيان الهلالي لكن لن نحققها بوجود ابو فيصل هو اعلنها بنفسه واتمنى اذا ماعنده طموح اكثر ان يترك الفريق لمن يكمل مسيره البطولات الاهم هو الانجازات والامير عبدالرحمن نعذره بسبب اشغاله الله يكون بعونه لكن الفريق يحتاج للدعم والاعبين بالتوفيق للزعيم لحصد المزيد من الالقاب |
صحيح كلامك ,, كل ما خسر الهلال في آسيا الجميع يقول بسبب ان الامير يقول نريد تحقيقها فهم مضغوطين وعندما فعل العكس ليبععد الضغط قالوا ما يقدر يجيبيها محارب من كل الجهااااااااااااااااااااااااااااااااااااااااااااااات |
هلال جيرتس كـ برشلونة بيب رحلوا وضاع كل شيء الفريق يحتاج أجانب عالميين ومدرب عالمي نريد ظهير أيمن أجنبي مثل لي بيونج |
طيب يالحبيب وش تقول عن تصريحه العام الماضي ان البطولة الاسوية مستعصية فعلا ؟؟؟؟؟ يعني احد يبي يهونها على الهلاليين عشان ياخذونها ثم يقول مستعصية ولا احنا قدها ردا على شعار العالمية صعبة قوية ..قال فعلا صعبة قوية ؟؟؟؟هذا اعطى اشاره للاعبين انه لابمكنكم اخذها ...خلاص يعني برمجهم ذهنياً عشان مايخذونها ...يالاخو الكورة السعودية هي الفاشلة ..وليس هناك حالات نفسيه للاعبين ولا شيء ..يجب ان يرتاح الرئيس ..لكننا ننتقد سياسات الرئيس في النادي منذ خمس مواسم ...لم نرى تقدم في النادي ملحوظ ..ولم يطوره بل نرى اخطاء كثيرة جدا من كل اتجاه في اسلوب ادارته .. |
بطوله اسيآآآآآآآآآآ يجي لنا سنين نفحط حولها وكل مرهـ تقول لنا امسكوو الباآآآآآآآب مانتم كفوولها الاسباب كثيرهـ تبي تقنعني الاعبين الموجودين الحين يقدرون يحققون بطوله اسيا طبعا التوفيق من عند الله قبل كل شي بس عليك انك تاخذ بالاسباب والمصيبه كل اخفاق كل سنه نشوف الاداره توعدنا على الافضل ومافيه اي فايدهـ من بعد مارحل رادوي نيفيز ويلي هامسون لي يونق الاداره ماقدرت تجيب لاعب افضل منهم كآآنو مسوين الهوايل والكل شاف مستوى الهلال مع جيرتس هلال لايقهر } بس الحين تبخر الهلال محمد نامي سلطان البيشي عبدالله الزوري ماجد المرشدي محمد القرني } هآلاعبين مستوآآهم عآدي جدـآ جدـآ يعني بالدوري السعودي كله مافيه غير الاعبين مستحيل نجي للمحترفين الاجآآنب الكوري قوستافو بوليفار {ويسلي لوبيز} هالاعب مكانه المناسب داخل الصندوق آوزيآآآآ ممتآآز بس مافيه حد حوله يفهمه صح كلهم مسرحين اهم شي الواحد مايصدق على الله تخلص المبارآهـ جبلي صانع آلعاب مثل الناس غير الشلهوب في آلهلال ماتلقى مافيه كلها تجي بالبركه ويالله يالله آلفريق محتآآآآج صفقآآآآت محليه ولاعبين الكل يتمنآهم في آلهلال طبعا الادارهـ عندها سياسه في التعاقدآت تجيب لك لاعب بمبلغ 10 مليون وتلقاه في الاحتيآآآط وياليت نستفيد منه قسم بالله شي يقهر بطوله آسيا هالسنه اقولها لكم من هالحين قبل لاحد ينتقد اذا استمرينآآ على الاعبين الحاليين نبطي عنهاآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآ يمكن نعبر لين دوري الاربعه بس هذااا حدنا ونطلع ونصرح كل سنه على الفاضي هالسنه هذي لابد من هالحين البحث عن مدرب صح مو اخرشهر تقوم تبحث وبالاخير تجيب لك مدرب يقوم يطقطق على الفريق وتخبطات ونص الموسم نسمع خبر آقآآآآآآآآآآلته ولاكنك سويت شي الله يكون في عون جمهور الزعيم العآآشق قسم بالله اني اقول هالكلام من هلالي مخلص ومحب لفريقه وربي اتمنى اشوف الزعيم مثل ماعودنآآآآآآآآآآآآآآآآآآآآآآآآآآآآآآآآآآ على تميزهـ بالتوفيق للجميع |
أنا ضد طرح مبدأ إقالة الإدارة إذا كنا لا نحتمل إقالة وتغيير مدرب فما بالك بإدارة لذلك شيء بسيط يخدم الإدارة ويخدم الأمير عبدالرحمن بن مساعد أنه يتنازل قليلاً ويستمع لرأي الجمهور الهلالي خاصة الرأي الذي يطالب بجلب متخصصين فنيين في مجلس الإدارة مثل التمياط والحبشي والبطي والخالد ......إلخ من الأسماء المميزة والمعروفة بنظرته الفنية هذه اللجنة هي من تعطي التصور العام الذي تعمل عليه الإدارة وتسعى لتحقيقه وأعطيك مثال لتخبط الإدارة في الرؤية الفنية دون معرفة تذكرون عندما قال كومبورايه أنه لا يحتاج صانع لعب وأن الكرة الحديثة لا تحتاج لصانع لعب على طول وافق الأمير على كلامه وصرح بذلك علانية.....!! مع المفترض وبالعقل والمنطق أنك ما تصدر أو توافق على رأي إلا لما يكون عندك لجنة فنية تعرض عليها الرؤية الفنية للمدرب وتعطيك رأيها وأنت بعد ذلك تقرر أما يأتي مدرب برأي مختلف ومدرب أخر له رؤية فنية قد تضعف الفريق وتغيب لاعبين مميزين أو تقلب هوية الفريق الفنية وتضعف مكامن القوة بسبب سوء قراءة أو إصرار على رأي فني ودون مرجعية فنية تعتمد عليها الإدارة وتأخذ التقييم منها فسترى هذه التخبطات كثيراً ومهما حاولت تصحح الخطأ حتى لو كانت نيتك طيبة ومتحمس لخدمة النادي لكن بهذا الشكل لن تصيب وستتكرر أخطائك !! فطلبي من الأمير الشاعر ونحن نحترمه أن يتنازل شيء من قناعاته وعناده ويسمع لهذا الرأي ويجرب يطور بالعمل بالنادي بإستقطاب مثل هؤلاء ....فهو كما يكسب الهلال سيكسب هو !! هل هذه صعبة يا جماعة الخير!! |
ابن مساعد خطير والله العظيم رجل محنك ومثقف وشاعر وللي يطلع من لسانه ذهب بس لا يفقه شي بكرة القدم ترى اللي ذكرته فوق مايشفع له ان يكون رائيس بس وين اللي يفهم |
لو استقالة الادارة ستعالج الاوضاع لطالبنا بها وقد كنت من اشد المطالبين باستقالتها قبل فترة التسجيل الماضية اماالان حتى لو جاءت ادارة جديدة فلايمكنها عمل شيء خاصة على صعيد التعاقدات والافضل هو دعم الفريق والضغط على الادارة بالعمل للموسم القادم من الان بمعسكر صيفي ومدرب خبير وكبير من الان وصانع لعب اجنبي مميز من الان بحيث يكونون جاهزين مع بداية المعسكر والعمل على تعاقدات محلية من اندية الدرجة الاولى والثانية والثالثة للدخول في المعسكر وفي حال اثبتوا وجودهم يتم الاستعانة بهم او اعارتهم اذا لم يثبتوا وجودهم المطلوب الان دعم الفريق ليس حباً في احد الا الهلال فلو جاء رئيس برششلونه ليرأس الهلال فلن يستطيع تقديم شيء مع قفل فترة التسجيل ومع اقتراب حصاد الموسم |
والله يا اخي ان بعض الجماهير مع الخيل يا شقراء يعني حتى لو استقال الرئيس عبدالرحمن بن مساعد واتى غيره صدقني بعد كم مباراه تجدهم يطالبون برحيله ورجوع عبدالرحمن بن مساعد يحق للجماهير المطالبة بلاعبين محليين على مستوى عالي ويحق لهم المطالبة باجانب على مستوى عالي ولكن لا يحق لهم ان يطالبوا الرئيس بالاستقالة بما انه يدفع ويعمل ولا يجب ان لا تنسى بعض الجماهير ان الرئيس احضر السالم وعطيف بل انه صرح ان اي لاعب يدخل فترة الـ 6 اشهر ويكون مميز فسوف نفاوضه الصراحة الرئيس ما قصر ومن الظلم ان نجحف بحقه بل الاولى هو شكره فشكرا جزيلا له |
إقتباس:
هو قال ان حتى المدرب جريتس له نفس وجهه النظر هذه ولا تقولي ان جريتس سباك اخر ان اعطيك اثبات ان الرئيس غير متعصب لرايه والدليل انه اقال كمبواريه عكس ما كان يريد |
| الوقت المعتمد في المنتدى بتوقيت جرينتش +3.
الوقت الان » 11:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd