افضل المدربين اللذين دربو الهلال منذ 40 عام حتى تاريخه
 

السلام عليكم ورحمة الله وبركاته بما أني هلالي منذ مبطي من عام 1393 هـ اقول اسمعوا ياعيالي وياخواني في منتدى الزعيم اشوف ان فضل مدرب درب الهلال هو فللهو لأنه هو الوحيد اللي كان يقرأ المباريات عموما ما علينا من الماضي نشوف الحاضر انا اشوف ان زلاتكو مدرب كويس ورخيص ويحتاج الى الصبرمثل ما صبرتوا على مدربين عالميين وبغالي الاثمان وآخرتها ضياع بطولات ما كان لازم تضيع المهم هالمدرب اعجبني يوم كان مع الفيصلي وتمنيت ان الهلال يجيبه للفريق الاول لكن اللي صار جابوه للاولومبي قسم بالله انبسطت وتوقعت انه يمسك الفريق باقرب فرصة خاصة يوم شفت تخبط كومباريه وخفت يضيع الكأس والدوري مثل ما ضيع بطولة اسيا بس اشوى شالوه تصدقون تمنيت يهزمنا النصرفي الدوري علشان نضمن الكأس والحمدلله تم هذا واخذنا الكأس للمرة السادسة بقى كأس اسيا هالسنة صراحة احتمال ياخذها الهلال بشروط هي : 1ــ دعم زلاتكو من الجميع لاعبين وجمهور وادارة واعلام هلالي .
2 ــ ترك زلاتكو يحدد الخانات اللي يحتاج فيه لاعبين اجانب واذا لديه اسماء معينة يمكن للادارة دراستها ثم تقرر امكانية الاستفادة منهم وذلك في فترة التسجيل القادمة.
3ــ الصبر حتى نهاية الموسم على الاقل .
واخير اقول اذا تحققت هذه الشروط فابشروا بهلال جديد سيحطم الارقام اما اذا استعجلو على المدرب فسيعود الهلال على تحقيق بطولات بمجهودات لاعبين وانسوا اسيا وستجدون زلاتكو مدربا مرموقا مع فريق آخروسنحضره مرة اخرى ولكن بغالي الاثمان هذه توقعاتي للقادم من الايام مع تمنياتي بالتوفيق للزعيم :alzaeem:

عز الله إنك جبت الذيب مع ذيلة ..

أنا بعد جايزٍ لي هالمدرب ..

و الإستقرار الفني أهم شئ ..

و برأيي أجانبنا حلوين لكن جوستافو (لاعب كبير و غني عن التعريف) إذا ما أثبت نفسه قبل نهاية الموسم ما نبيه ..

ما عندي مشكلة نفاوض أغلى محور بالعالم لأن هذا المكان هو قلب العمود الفقري للفريق ..

و معك نبدأ حملة (المعسكر القادم بقيادة زالاتكو)


شكرا لدغدغتك لأفكاري ..

اشكرك اخي قصة انتماء على سرعة تفاعلك وعلى قولك كلنا مع حملة (المعسكر القادم بقيادة زالاتكو)