|
حلول سريعه لاعاده الملكي لوضعه الطبيعي بحول الله-تكفى سمو الامير طلبانك بسم الله الرحمن الرحيم والصلاة والسلام ع اشرف الخلق نبينا وحبيبنا محمد احبتي الرقم الصعب اشعر بقدر الالم اللي ينتابكم وانا والله مثل كل هلالي حزن ع الهزيمه فاقول اللهم عوضنا خيرامنها وانا صراحه من عرفت الهلال لم يمر عليه مباراه بهذا السؤ ولقد لخصت الاسباب حسب رائئي فيما يلي الارهاق الضغط الاحلال السريع في الاعبين والزج بهم في منافسات صعبه تحت ضغوط الاسيويه الحلول كما اشوفها وهي سريعه ولايمكن تاخذ وقت اولا طبيب نفسي وخبير قدرات ثانيا ابدال سلطان والفرج والقرني والسديري واراحتهم كم مباراه ليخف الضغط عليهم ثالثا يكون المدرب اكثر جراه ويبث روح التحدي والثقه في الاعبين ويشرك لاعبين من الاولمبي في الدوري خصوصا في المباريات المتوسطه ثالثا عليه انه يلعب الكولمبي والصبر عليه رابعا علينا كاجماهير الاستمرار في الدعم فمازال كل شي بايدينا وكل فرق مجموعتنا قويه واكيد كل جوله بيتغير الترتيب اخيرا تكفيى سمو الامير طلبناك نبي طبيب نفسي وفني قدرات من اليوم والله مو عيب صدقني والحمدلله ع كل حال |
قبل الطبيب الفني نبي اجانب ومدرب يشيلون الفريق مو اجانب لاعبينا المحليين على مستوياتهم السيئه افضل منهم اصلا الفريق ضاع من يوم جاء خبر التعاقد مع الداهيه كمبواريه لانه لا يفقه في التدريب الا اسمه تقبلوا اننا طالعين من دور المجموعات من الان لان هذا الواقع عندنا ثلاث اجانب عاله ع الفريق وشوف اجانب الخصوم نجوم يعطيك العافيه |
إقتباس:
الاجانب نهايه السنه مافيها كلام عاد المدرب ياسامي يانستقر ع زلاتكو اوكي نطلع بس الاهم ترجع هيبه الملكي ويدخل الملعب وهو رافع راسه والكل يهابه مو العكس مشكوره ع المرور |
الله يكتب الخير للهلال وكما قال الزملاء الهلا ل يحتاج الى اللاعبين الاجانب خاصه وان اكثر السعوديين في الفريق صغار في السن ويحتاجون للاحتكاك مع الخبرات ويحتاجون من يساعدهم على قلة الخبره في بعض المواقف لازال الفريق يحتاج الى صانع لعب ومحور وظهير ايمن ومدرب حراس جيد يوضح اخطاء الحراسه وينمى خبرة السديري |
إقتباس:
لكن احنا الحين محكومين بذولي عشان كذا لابد العمل ع محاوله الحلول السريعه لنهايه الموسم انا فقط ابي هيبه الهلال تعود ويارب وفق الهلال اشكر مرورك |
يا جماعة شفتوا الموسم الي راح والي قبله في آسيا بدايتها كانت هزيمة وتعادلات بس تأهلنا المركز الأول السنة الي راحت والي قبلها الأول أو الثاني ما أذكر |
إقتباس:
وكلنا ثقه بالله ثم بالهلال لكن لايمنع نحاول نعمل ع اللي بيخلينا الافضل فليس عيب البحث عن الخير وزياده خصوصا الطبيب النفسي وخبير القدرات لانكم تعرفون نجومنا كلهم تم الزج بهم بسرعه في بطولات مهمه وهم يحملون شعار فريق كبير وكل مباراه يدخلهم الضغط والخوف قبل تبدا وانا متاكده انهم يعملون لكن الضغط وفقدان الثقه ماتخليهم يقدمون شي |
اتفق معك في اولا نقطه .. لابد يكون فيه تهيئه نفسيه قبل المباريات الحساسه .. لاننا تعبنا وشايلين هم اللاعبين وهم يرتبكون ولازم ان المدرب يدخل المحور جوستافو بدل القرني .. اتمنى يرجع الزوري لمكانه الاصلي الدكه ويرجع ياسر الشهراني ظهير ايسر |
بــــــــــــــإختصـــــــــــار ......... ضيعنــــــــــــا........... الأستـــــــثمـــــــــار............. |
انا مع رحيل الأداره نهاية الموسم حتى لو حقق كاس الملك خلاص 7 بطولات ماقصر لابد يعطي غيره الفرصه قدم موسم واحد فقط موسم جريتس وباقي المواسم تخبط موسم كالدرون دول كمباوري فشل في فشل لم يضف اي جديد |
اختلف معااك بجلب لاعبين الاولمبي.. .. الوقت هذا وقت حصااد فلازم يكون فيه استقرار للفريق... فقط الاعب الذي لم يؤدي مستوى كالقرني نضع الكولمبي مكانه ... ومن الحلول السريعه ايضآ ان تجلس الاداره مع اللاعبين وتبلغهم بخطورة المرحله هذي وانها مراااحل حسسسم وتحتاااج جهد جبااار وروح وتركيز عااال ... وتبلغهم ان خلفهم جماااهير لاترضى بأي شكل من الاشكااال بالمراااكز الاولى ولا تقتنع في بطوله فقط... ويبيلهم كلام حاااد شوي وقوي... ون شاء الله تتعدل الامور ومازال الامل باااقي بإذن الله... شكرآ... |
إقتباس:
اللهم وفق الهلال |
إقتباس:
وبعدين انت ماعندك غير هذا الرد في اغلب المواضيع |
إقتباس:
لكن يبقى رائك اتمنى احنا نفكر في حلول الحين نمشي بها لنهايه الموت وفيه حياه وموت |
إقتباس:
لكن العبدالله في الاول وهو اولمبي يعطى فرصه مثلا لو كابديل وكذلك العازمي كامحور مو شرط تغيير جذري لو بدلاء لكي يخف الضغط والارهاق عن الباقين لو كم مباراه |
| الوقت المعتمد في المنتدى بتوقيت جرينتش +3.
الوقت الان » 03:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd