[ALIGN=CENTER]
السلام عليكم ..
اهلا بالجميع ...
يردد جمهور التعاون القصيمي في مبارياته الأغنية التالية :
"التعاون مابُـه مثله بالقصيم ، وين هو بُــه ؟ ، بالقصيم "
****


المهم : الرائد سيلاقي النصر وهو ضامن الهبوط 100% وبالنظر إلى هذا الفريق يدعو إلى التشاؤم فالحالة النفسية سيئة والفريق هابط ، فضلا على المستوى الفني المتواضع قياسا بالنصر، بالإضافة إلى أن مدربهم هو النصراوي يوسف خميس
ولكن : هل يحقق القصمان المعجزة ويقوموا بإهداء بطاقة التأهل للهلال ؟!
شخصيا ربما هذا يحدث ونضع نسبة 5% لهذا الأمل
وهو أمل لايدعو للتفاؤل
ولكن أملنا بجمهور الهلال الغفير في منطقة القصيم
ونتمنى أن لايشاهدوا مباراة الهلال والإتحاد ، وأن يتوجهوا لملعب بريده لمساندة الرائد
فتعادل الرائد سيحقق الحلم الأزرق بإذن الله ..
ونتمنى من الجمهور القصيمي التوجه للملعب وترديد عبارة :
"الرائد مابُـه مثلثه بالقصيم"
لعل وعسى الحلم الهلالي يتحقق رغم صعوبته ولكونه فرط بالكثير من النقاط
فتعادل الهلال مع الرائد وتعادل مع النجمة وتعادل مع الإتفاق وتعادل مع الرياض وتعادل مع الشعلة وخسر من القادسية وخسر من الطائي
وهذه هي نتيجة التفريط حيث أن الهلال ربط مصيره بالرائد !
وأحب أن ادعو الجماهير الهلالية في القصيم لمساندة الرائد لكي يتحقق حلم الأزرق إن شاء الله
وتقبلوا تحياتي لكم .. [/ALIGN]

الخميس مابه مثلوه بالرياض ,, وييييين بووووووه بالريااااض

الأخ صحن قلابه ..
من الخميس ؟

الأخ رامي وبس ..
بالعكس فوز الهلال على الإتحاد اسهل من فوز الرائد على النصر او حتى التعادل معه ..
وبعدين انا اقصد جماهير الهلال في القصيم لازم تكون لهم بصمة بحضورهم لمباراة الرائد ومساندة الرائد وجماهير الرياض يشجعوا الهلال أمام الاتحاد ويكون بكذا التأهل بإذن الله ..

كان ممكن تقولنا أحضروا من دون هالعبارات وهالكلام الي ماله داعي



## وليست جماهير القصيم من تحتاج دعوه للحضور .... إنهم غيرنا ....##

** بعد كل مباراة نحضرها في القصيم للهلا ل يرتفع سعر الفيكس إلى 10 ريال **


ولا تزعل يا غالي ترى الحقيقه والصراحه زينه بس مره شوي وتحياتي ..

جماهير الهلال في القصيم لاتحتاج الى دعوة..

ولكن الاحظ انك نسيت او تناسيت ان لقاء الهلال امام الاتحاد هو الاصعب ومن الاولى ان نستعد له وندعوا الجماهير الهلالية في الرياض الى الحضور القوي والفعال بدلا من التفرغ الى متابعة اخر استعدادات الرائد..

جماهير القصيـــم تعرف متى تساند الهلال

وهي ليست بحاجه الى دعـــوه وهذه الكلمات الغريبه منك في حق اهل القصيم


وان شاءلله التاهل للهلال

شباب الرائد ان فاز او تعادل فهو لنفسه ولا قدم للهلال اي خدمه واذا كنا بنشكر لازم نشكر كل الفرق الي تعادل معها اوانهزم النصر ولا قدر يحصل غير 39 نقطه هذا في حالت الهلال فاز على الاتحاد وصار 41 وفيه من الجمهور الهلالي من يطالب ان يعطي الهلال مكافأه للرائد وهذي قمة المصيبه او ندعم الرائد لنه يعاني ماديا وش دخل الهلال با الفرق الثانيه الهلال اولا با فلوسه

وتمنى من جمهور الهلال ببريده ما يحضر المباره ويتابع مبارة الهلال و الاتحاد فريقه اولا وان حضر لا يجي بعلم الهلال وتصير المباره كنه بين النصر و الهلال
لسببين

1- لاعبين الرائد يتحطمون اذا شافو انهم مهب جماهيرهم الي تشجعهم ونه هذي جمهور الهلال
2- لو فاز النصر يكون كنه فاز على الهلال

وتمنى من الشباب ما نشكك في ذمة يوسف خميس لن النصر ما يحتاج يوسف عشان يفوز على الرائد
ويوسف مدرب محترف يستلم مقابل مادي عشان يقوم بمهمته وسمعته شي مهم

الموضوع منتهي يا شباب

صحيح ان هناك أمل بسيط .. لكنه لا يتجاوز الـ 5% كما ذكرت اخوي

و الاسباب لا تخفى على الجميع

اعاتبك يا اخ الصقيل لانك تكلمت على طريقة كلام اهل القصيم
وبعدين وش دخل التعاون
وانا اعتقد ان جماهير الرائد هي الي تبي تساند فريقها
لانهم يحضرون في التدريب فما بالك بالمباراة
انا اتكلم هذا الكلام لاني اراه مع اني من انصار نادي التعاون
ولاكن للحقيقه الجماهير القصيميه والشرقيه هي التي لم تعزف عن المباريات

اولاااااااااااااااتوا


ياجمهور الرائد والتعاون احضروا

السلام عليكم ورحمة الله وبركاته..

لا تـــعليق..

ياجماعة الخير وش فيكم نزلتوا على الرجال..

ماقال شي غلط..


انا من اهل القصيم ولا زعلت ولا شىء..!

يمكنه استفزكم يوم جأ يعلق على لهجة اهل القصيم..

بالعكس المفروض نفتخر ان كل الناس تعرف لهجتنا..

تعوذوا من ابليس..



الصقيل..

جمهور القصيم وفي ..للفريق اللي يشجعه

يعني انا متأكد ان كل جمهور الرائد مو الهلال ((الرائد )) كلهم راح يحظرون..

لان فوزهم على النصر تسجل في التاريخ...

ولا بعد بيكون فوزهم اوو تعادلهم مو اي فوز...يعني الرائد يفتخر انه يكون هو سبب لإخراج احد الفرق الكبيره من المربع

تحياتي

هدوا اللعب ياشباب شوي
الله يهديكم ماله داعي هاللي صاير

إقتباس <center><normalfont><u>إقتباس من مشاركة فتى القصيم </u></center> جماهير الهلال في القصيم لاتحتاج الى دعوة.. ولكن الاحظ انك نسيت او تناسيت ان لقاء الهلال امام الاتحاد هو الاصعب ومن الاولى ان نستعد له وندعوا الجماهير الهلالية في الرياض الى الحضور القوي والفعال بدلا من التفرغ الى متابعة اخر استعدادات الرائد..</normalfont>

عيال علي قول وفعل مافيه جدال
بالنسبه للرائد سبق ان لقن النصر هزائم سابقه عام 1413ه هزم الرائد النصر في الرياض
عام 2000م في رمضان قبل ذهاب النصر لكاس العالم تعادل الرائد مع النصر 1|1 وسجل هدف النصر الهريفي وهدف الرائد السلال بلنتي على التريكي مدافع النصر
سيحقق رائد التحدي نتيجه طيبه بحول الله وتوفيقه