|
افضل تشكيلة ’ من وجهة نظري ’ لمواجهة النصر في نهائي كأس ولي العهد السلام عليكم ورحمه الله وبركاته .. آخبآركم .. عساكم طيبين .. اكييد مشتاقيين للزعيم .. :smilie47: كلنا بآنتظآر البطوله الـ 54 يوم الجمعة .. طبعاا ححآب ادخل على طول بالاسماء .. طبعاا في حراسسه المرمى الدعيع القادم .. " عبد الله السديري " مسعد , المرشدي , آوزيا , الشهراني العابد , القرني , الفرج , الشلهوب الكوري , ياسر طبعاا الجهة اليمنى عانيناا منها كثيرر .. وانا اظن ان اللاعب الي يستاهلهاا في هالفترهه هو محمد مسعد .. في حالة جاهزيته فقط .. ولو ما كان جاهز فاكييد الشاب سلطان البيشي اللاعب الواعد المتمكن الصراحه .. ولكن تنقصه الخبرهه قليلاا .. < وجهة نظر .. .. آكيد الكل لاحظ تذبذب مستوى الزوري وعدم آجادته ابعاد العرضيات .. وهذه الميزه الي تتواجد في المرشدي اللذي يجيد الارتقاء وآبعاد العرضيات التي تشكل خطر والتي تسببت في خسارتناا امام بطل الدوري الشباب .. خصوصاا بعض الاخبار التي ظهرت ان المرشدي سيكون بديل للزوري .. < ضربه معلم .. الشهراني :smilie47: لاعب متمكن و مصدر قوة للفريق الهلالي .. واتمنى انه يستمر في هالمركز .. لانه بجد لاعب له مستقبل كبير .. رغم صغر سنه .. عبد العزيز الدوسري من بعد الاصابه امام الاتحاد ماهو عزوز الي نعرفه :( وهالمباره جدا حساسه .. واللاعب نواف العابد لاعب سريع عكس اللاعب عزوز اللذي لاحظناا لعباته البطيئه و تسديداته البعيده .. طبعا احنا جبناا قوستافو يكون محور دفاعي لكن لاحظت في كل اهداف الشباب انه ما كان مساند للدفاع بتاتا .. ومع ضعف دفاعناا محمد القرني المحور الافضل .. ولا مانع من دخول بوليفار بديلاا له .. ولكن التنبيه عليه بمساندهه الدفاع وبمهامه الدفاعيه وعدم التقدم وترك الخانه .. .. انا تمنيت الهلال يلعب امام النصر بمهاجم وحيد بحيث يكون الوسط الهلالي الفرج ’ جناح ايسر’ قوستافو ’ محور متقدم ’ القرني ’ محور دفاعي ثابت ’ العابد ’ جناح ايمن ’ الشلهوب ’ صانع العاب خلف المهاجمين ’ لكن صعب ان نلعب كذا لان دفاعناا مثل هشاشه العظام اي طيحه بيتكسر العظم وخير وسيله للدفاع الهجوم .. ويسلي مستواهه نازل جداا في الفترهه السابقه .. طبعا التهديف مو كل شيء لكن مستواهه العام .. مو ويسلي الي عرفناه الي يتحرك بالملعب و يساند بالخلف ويتقدم .. والكوري جدا سريع ويمكن يسبب لخبطه في دفاع النصر ومعروف عن دفاع النصر نكباته فالكوري خير وسيلة لتحقيق البطوله .. وبآذن الله دخول ويسلي كبديل ويضربهم بالضربه القاضيه بعد ما يرهقهم الكوري بتحركاته .. طبعاا انا ماني مدرب ولا لي يد في النادي ولا راح احرك شعرهه في الكيان الازرق الكبير .. ولكن يحق لك عضو طرح وجهات نظرهه بدون التجريح والتحطيم باللاعبين .. وما دام اللاعبين مسجلين بآسم الهلال فلا يحق لنا جلد اللاعبين بكلامناا .. ولكل شخص وجهة نظر يمكن نتفق ويمكن نختلف .. ليه لا ؟ والهمة يا جماهير الرياض نبيهاا ليلة زرقاء . . . . . شآركوناا بآرائكم يا زعمماء :rose: |
من شفت التشكيله جيت اكتب الرد لأن تشكيلتك ما تدخل العقل مسعد ظهير ايسر والشلهوب جناح ايسر !!!!!!! السديري الزوري - المرشدي - اوزايا - الشهراني قوستافو العابد - الشلهوب - الفرج - سالم ويسلي ( الكوري ) |
ممممم تشكيلتك مااش ماعجبتني اصلا زلاتكو حيلعب ب طريقة ٤-٥-١ |
شكلك تلعب بلاستيشن يوم حطيت الشلهوب جناح والعابد مصاب ! : ) |
سديري المرشدي اوزيا الشهرااني مسعد الفرج القرني العابد موهوب سالم يو |
انسب تشكيله السديري الزوري المرشدي اوزيا مسعد الفرج القرني الشلهوب الدوسري وسلي ياسر |
السديري. الزوري. مرشدي. اوزيا. الشهراني. القرني. بوليفار. العابد. الشلهوب. سالم / عزوز الدوسري ياسر القحطاني |
والله انك ماتدري وش الكورة على هالتشكلية |
السديري الشهراني...المرشدي...اوزيا...مسعد جوستافو الفرج.....الشلهوب.....عزوز.......سالم ويسلي |
السديري الشهراني. المرشدي. اوزيا. مسعد الفرج. القرني الشلهوب. العابد ياسر. ويسلي و بالتوفيق |
ولله العظيم ان بعضكم يقهر يعني الزوري لازم تحطونه ف التشكيلهه ابي اعرف وش مسوي لكم اهو لهالدرجه اللاعب ذا كويس لاعب ميت وبارد ولابعد بعضكم يقول يلعب ظهير افضل '.. الحين ناكبنا وهو سنتر تبي تلعبهه ظهير '.. وانا من رايي التشكيلهه تكون السديري الشهراني مسعد اوزيا البيشي القرني الفرج العابد الشلهوب عزوز ياسر |
لي رجاء خاص لمملكة الزعمــــــــــــــــاء وهو عدم مصادرة أي رأي أو حتى انتقاده مهما كان في نظرك إنه بعيد عن الصواب .. هذا هو رأي صاحب الموضوع سواء أعجبك أو لم يعجبك يجب علينا جميعا أن نتعلم احترام آراء الآخرين مهما كانت مصادمه لآراءنا .. وهذه هي عادة الزعمــــــــــــــــــــــــــاء ... من وجهة نظري يجب أن يلعب الهلال بطريقه 5 3 2 لأن الدفاع بكل صراحه أخطاءه فااااااااااااااادحه وما تدري تلقاها من مين وإلا من مين ... يجب على اللاعبين الحرص كل الحرص على ألا يدخل هدف في أول عشرين دقيقه لأنها هي الفيصل في المباراة فإذا لم يستطع النصر تسجيل هدف في أول عشرين دقيقه فلن يسجل بإذن الله .. وسيكون دفاع الهلال أفضل تماسك بعد هذه الدقائق لأنها دقائق حرجه ومربكه .. السديري الشهراني المسلم المرشدي أوزايا البيشي الفرج القرني الشلهوب ويسلي ياسر ويكون العابد جاهز لأي تبديل في المقدمه أو حتى الشلهوب إذا ما كان في الفورمه وأيضا إذا كان سالم جاهز نفس الكلام ... لأن سالم مزعج لاي دفاع .. بخصوص الكولومبي بوليفار أتمنى ألا أشاهده في المباراة لأنه مو كل مره تسلم الجره .. وبصراحه لا يجيد التغطيه بتاتا البته وهو ثغره الشيء الوحيد اللي يجيده بوليفار هو التوزيع الجيد والنقل السليم للكره .. غير كذا صفر على الشماااااااااااااااااال ...ووجوده سيمثل عبء على الدفاع بسبب سوء تغطيته وسهولة مرور لاعبي الخصم من أمامه .. وإن شاء الله الهلال يفوز بالمباراة ويحقق البطوله السادسه على التوالي ... |
اي تشكيله بس اهم شي مافيها الزوري يلعب |
السديري الشهراني...المرشدي...اوزيا...البيشي جوستافو القرني الفرج.....الشلهوب...........سالم ويسلي |
اللهم ياحي ياقيوم يحقق الهلال كاس ولي العهد ان شاء الله كاس ولي العهد للهلال |
| الوقت المعتمد في المنتدى بتوقيت جرينتش +3.
الوقت الان » 02:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd