الرسالة الأصلية كتبت بواسطة روحي وعشقي ملكي (مشاركة 21115265)

والله أني كنت من المطالبين ببقاءه سابقآ وكنت أحبه لكن الآن أتمنى أن يترك الرئاسه ويرحل

الهلال أصبح الآن ضعيف وصارت حتى الفرق الصغيره تتجرء عليه وأصبح يعاني من متى والهلال

عنده رواتب متأخره والكل يشتكي !! بالأضافه ألى أن الزعيم أصبح جدار قصير كلن يسيء له ولايجد

من يدافع عنه وحتى حضوره للمباريات أصبح يتحجج كثيرآ حتى لايحضر أتمنى من كل قلبي أن يرحل

ويترك شيئآ من حبه في قلوبنا ..

الرسالة الأصلية كتبت بواسطة h a s s o n (مشاركة 21115289)

شغل البربسه هذا ما ينفع والله ما ينفع

تفاوض لي 20 مدرب وبالاخير تجيب لي واحد عاطل وسي في فاشل ..بعدين تجي تشيل لا عب اجنبي وتجيب لاعب اجنبي اخر وتبقي ع البقية .يجي نص الموسم تشيل المدرب وتعين مدرب الاولمبي .وتشيل لاعبين اجنبيين وتجيب بدالهم اجنبيين جدد . وتوقع مخالصه مع حارسك الاساسي .ويجي الحارس الاحتياطي ويزيد الطين بله بالمنشطات وجايني تبي تحقق الدوري والكأس؟؟؟؟؟؟

بالله هذا تخطيط مدروس؟؟ هذي ادارة محترفه وعقلانية ؟!!

عموما هذا موسم للنسيان .والامير عبدالرحمن بن مساعد مع احترامي الشخصي له ( افلس ) وما عانده شي يقدمه للزعيم سوا الاعذار ..

..

الرسالة الأصلية كتبت بواسطة هلالي متعصب (مشاركة 21115235)

الامير ما قصر ولا نجحد ما قدمه للنادي لكني اتوقع انه كفى ووفى واذا كان يبغى الجمهور يحبه ويحترمه

يستقيل من ادارة النادي حفاظا على ماء وجه وعشان الجماهير تذكره بالخير .. هذا ما عندي والله من وراء القصد

الرسالة الأصلية كتبت بواسطة هيمو الخيبري (مشاركة 21115307)

عبد الرحمن بن مساعد اذا انه فكر يرحل يرحل لكن نهاية الموسم
مو ناقصين فراغ اداري ومشاكل زياده عن اللازم الله يصبرنا
مابعد مصيبة هزيمتنا من الفقر مصيبه
للأٍف صرنا من 3 مواسم نقول الموسم هذا للنسيان !!!!

الرسالة الأصلية كتبت بواسطة الازرق العنيد (مشاركة 21115517)

ابو فيصل ما قصر و له كل الشكر و التقدير و لكن الى هنا و قف. نتمنى ان يترك المجال لغيره بعد النهائي حتى لو فزنا ان شاء الله. الجلوس في كرسي رئاسة نادي لمدة ثمان سنوات طويل جدا. بصراحة اصابنا الملل من كثرة الوعود. ابو فيصل ابدع مع جيريتس و الثلاثي اللالماسي ويلي نيفيز و رادوي. و غيره لا جديد. نريد التغيير للافضل و ليس عيبا. فقد قالها الامير من قبل ان الاسيوية صعبة علينا و على غير. و هذه هي تحديد سقف الانجازات له. نريد الافضل و من حقنا كجمهور. الهلال فيه اعضاء شرف و جمهور و موبايلي قادرون على جلب الافضل و ادارة الميزانية بشكل اكمل و افضل. شكرا ابو فيصل و لكننا نريد الافضل و ليس الرخيص الكويس. ففي معجم الابطال تحديد الهدف و ايجاد الادوات للوصول للهدف. اما انني احدد هدف و ليس معي الادوات الكافية بسبب الرخص فنقول له مافي داعي و خلنا نغرز في الاماني اللي ماجابت و التذكير بالانجازات القديمة و التي لم يكن ابو فيصل يومها سبب لها.


اسمحوا لي ان كان كلماتي جارحة و لكن الهلال عندي اهم من ان نجامل بعضنا.

من يريد للهلال ان يسمو في البطولات فليحذف الرخيص و الكويس و ينظر في كيف نزع البطولات بالقوة و بايدينا. لقد وصل الهلال الى مرحلة القاع كما كان في عهد الامير عبدالله بن مساعد و لكن بعدها استفاق و حسم البطولات بالقوة و بالادوات التي تحقق الهدف.


العنيد

الرسالة الأصلية كتبت بواسطة alkaserr20 (مشاركة 21115538)

والله انته احرررجتنا بوفااائك للهلال ورئيسه وياليت بعض الناس يتعلمووون الوفاااء والعشق علٌـِـٌِۓ اصوووله

تسلم يا الغلا لاعدمناك

الرسالة الأصلية كتبت بواسطة ابوساري (مشاركة 21115557)

أخوي كلمات رائعة ..

أعتقد ابن مساعد تميّز كرئيس في بدايته لأنه مايعرف الجمهور .. ولكنه انساق خلف طلبات الجمهور المختلفة ..

وكأن الجمهور طبقة واحدة وكلمتهم متوحدة .. مايدري إنه لو يسأل خمس مشجعين وش يبون كل واحد بيقول له راي ..


للأسف آخر سنتين تخبط بسبب التغييرات اللي حاول فيها يرضي أطراف من الجمهور الهلالي على حساب الاستقرار الفني ..

أبعد ويلهامسون بسبب عينة من الجمهور انتقدت ويلهامسون بأنه شايب و ( درقن درقن ) حسب ماوصفوه .. بينما هو كان متصدر اللاعبين في الدوري صناعة خلال ثلاث سنوات .. بالاضافة إنه ضمن أربعة هدافين خلال ثلاث سنوات ..


أبعد دول والله كان سيء للأمانة ولكنه على أقل تقدير يستحق البقاء لنهاية الموسم ..

وبالأخير أبعد هرماش اللي كنت اشوفه لاعب مميز وحماسي في خط الوسط .. ولاعب له كاريزما وتحس بوجوده ..

وجاب على طلب الجمهور لاعب محور دفاعي .. وبوليفار يمكن يكون مميز مع أي فريق الا فرق في الدوري السعودي ..

الدوري السعودي مايحتاج لاعب تكتيكي .. يبي لاعب مجهود .. يراكض بكل مكان ..




ابن مساعد أنا معه لآخر يوم في رئاسته .. ليس حبا شخصيا في ابن مساعد نفسه .. ولكني أدري إن ابن مساعد انسان مخلص للنادي وعنده طموح لا سقف له .. خانته بعض الظروف يوم تخلى عن قناعاته في عمل احترافي وترك الخبر لخبازه وتفرغ لطلبات الجمهور ..

وان شاء الله يستوعب ابن مساعد الدرس ويعود بالهلال

الرسالة الأصلية كتبت بواسطة بنو هلال (مشاركة 21115598)

تبي تجكم على فشل اي ادارة في العالم شوووووف عدد المدربين اللي مسكوا الفريق في فترة وجيزة
من متى والزعيم يغير في هالمدربين كل كم شهر