بسم الله الرحمن الرحيم
التشكيلة المناسبة من وجهة نظري لمباراة هذا المساء أمام الشباب ,,
وذلك لظروف المباراة وأهميتها وصعوبتها , ولا ننسى أن عندنا نهائي
مهم جدا جدا يوم الجمعة امام النصر.
المباراتين صعبة وكلها مباريات نهائيات لكن الواقع يقول ان مباراة الجمعة اهم ليش
لان اذا فزت فيها خذيت الكاس لكن مباراة الشباب حتى لو فزت ماراح تغير مركزك صحيح راح يكون الامال باقي في الدوري وبشكل كبير لكن راح يكون صعب صعب
نحقق الدوري الا لازم يتعثر الفتح( لازم يخسر مباراتين من سبع مباريات) ونفوز باقي المباريات وهذا راح يشكل ضغط وتشتيت للاعبينا خصوصا ان بطولة اسيا راح تبدا الاسبوع القادم وامامنا بطولة كاس الملك اللي الى لان ماحققناها بشكلها الجديد,,
من وجهة نظري والعقل اصلا يقول الله ماشفناه لكن بالعقل عرفناه ,,
وعصفور باليد خير من عشرة على الشجرة
ماضيع الهلال في نهاية كل موسم الا الضغط عليه بالمطالبة بجميع البطولات بجميع اشكالها ,, والحمد لله الهلال يحقق بطولتين سنويا على الاقل الا العام الماضي حقق كاس ولي العهد فقط .
في الدوريات العالمية الفرق الكبيرة مطالبة بتحقيق الدوري في المقام الاول والبطولة القارية ان امكن , ولكن حنا نطالب بكل شي الاخضر واليابس لان حنا تعودنا على هالشي والهلال بطل وزعيم القارة وملكها وعشان كذا هو يفرق بشكل كبير بعدد بطولاته عن اقرب منافسيه. لكن الوضع تغير والظروف تغيرت .
مابي اطول التشكيله هذي التشكيلة والله ينصر الهلال ويوفقه في كل مبارياته
السديري
الزوري المرشدي اوزايا مسعد
كوستافو
القرني
شلهوب عزوز
وسلي الكوري
يجب اراحة الشهراني والفرج وياسر للمباراة النهائية
ويجب اشراك المرشدي بعد الاصابة في مركزه بدل الزوري الذي كان سبب كبير في الاهداف اللي ولجت مرمانا
ويجب انزال نواف الشوط الثاني بدل الشلهوب او عزوز للعودة لاجواء المباريات
في المقام الاول الروح ثم الروح ثم الروح من اللاعبين ( راح اكتب موضوع عنه)
وفي المقام الثاني الدعم ثم الدعم ثم الدعم من الجماهير سواءا الحاضره او من خارج المنطقة لازم نتكاتف ونتواصل وندعم الهلال.
خاتمة
كل مايكتب هنا مجرد اراء ووجهات نظر من كل عضو اذا لاقت استحسانك خير وبركه وان لم تكن فالرجاء عدم الرد بغرض زيادة المشاركات او الرد بالتشكيك او التجريح
ودمتم
1Likes
الوضع العادي
