عاجل الى من يهمه الامر - نادي الهلال السعودي - شبكة الزعيم

هيمو الخيبري · #1 17/02/2013, 11:34 AM

السلام عليكم ورحمة الله وبركاته
لايخفى عليكم الحملات المركزه ضد الهلال وجماهيره هالايام عشان يأثرون علينا قبل النهائي بأي وسيله كانت
الي ابغى اوصله لكم ان الي طلبتوه من الاداره بأقالت كمبواريه تم وأقالوه
الباقي علينا كجمهور نساند اللاعبين ولا نحبطهم صحيح اخر مباراتين سيئه من الناحيه الدفاعيه ولكن مايمنع ان نساند كل لاعب مهما كان
اتمنى ندر ونردع كل فقراوي حاول زعزعة الكيان سواء اعلامي او مندس
وعلى فكره ترى اعلى حضور جماهيري الموسم هذا للأتحاد وبعده الاهلي والمركز الثالث للأسف الهلال
اتمنى من الجماهير المسانده ونسيان الماضي والي راح ماراح يرجع مع ان ملعب الشرائع واستاد جده صغار مقارنه بأستاد الملك فهد فمابالكم لو افتتح استاد الملك عبدالله راح تكون المنافسه قويه
ونبغى نكتسح الجماهير الاتحاديه ونرجع نتصدر اعلى جماهير بالخليج او بآسيا هذا شي راجع لنا كجمهور وبيدنا مو بيد الاداره واتمنى من جمهو الرياض الحضور بكره ومساندة الفريق بأهم مباراه لأنها هي المحك الحقيقي قبل النهائي ولو كان الحضور الجماهيري جيد بأذن الله راح يكون عطاء اللاعبين بالملعب يزيد اكثر واكثر وترجع الروح لهم
اتمنى يكون حضوركم كثيف عشان نقهر بعض الاعلالميين بدون ذكر اسماء
شفنا وليد الفراج كيف جاب لقطات اخطاء الدفاع وايش الهدف منها بهالتوقيت قبل مباراتين مهمتين من غير الي شادين حيلهم بتويتر
واخير اتمنى من الرابطه البحرينيه اذا يقرأون كلامي او احد يقدر يوصل لهم يطلب منهم المسانده بالمباراه النهائيه
لأن بكل صراحه ماعندنا رابطه مثل العالم والناس لا اهازيج سنعه وطول المباراه ساكتين مايتحركون الا اذا جا هدف
شوفوا جماهير الغربيه كيف حماس والي اقصده جماهير الهلال بالغربيه مع ان الرابطه سيئه الا ان الجماهير ماتقصر
اتمنى اني اشوف الاستاد بكره ع الاقل الواجهه ممتلئه وبالتوفيق للزعيم
واتمنى ما اشوف اي موضوع يسد النفس حتى لو لاسمح الله كانت النتيجه سلبيه المهم النهائي
اتمنى من المشرفين حذف كل موضوع فيه سب او تقليل من لاعب او تحريض للجمهور مانبغى الا حملات مركزه وحماسيه من الان
نبغى يوم الجمعه الواجهه كلها ازرق وابيض نبغى التذاكر كلها للهلال بس اول ماتنزل اشتروها ولا تخلون ولا تذكره وحتى لو اشتروا التذاكر ووزعوها بناديهم روحوا واشتروها ولا هم دارين انتم هلاليين ولا فقراويين
استمتعوا بهاللقطات وتحمسوا نبيها اكثر من كذا ....
https://www.youtube.com/watch?v=ZjrxArFvwZo

https://www.youtube.com/watch?v=MusH0PEe0sk

https://www.youtube.com/watch?v=kq8x36xyHuU

https://www.youtube.com/watch?v=B29FE5XWmec

نبيـــــــــــــــــــــــــــــــــــــــــــــــــــــــــــــــــــــــــــــها فـــــــــــــــــــــــــــــــــــــــــــــــــــل

فديت إسمك ياهلآآل · #2 17/02/2013, 01:22 PM

موضوع جميل جدا ياليت يتطبق على أرض الواقع
يجب علينا التركيز أولا على مباراة الشباب وبعدها لكل حادثه حديث

ماقدر اوصف حبي لك · #3 17/02/2013, 02:12 PM

تكفون ي اهل الرياض املو الملعب اعيدو روح الزعيم وهيبتهه ..
الفوز ورجعت المستوى بيدكم غدا بذن الله قبل النهائي الهلال يرجع

عاشق العربي · #4 17/02/2013, 02:17 PM

يارجال والله ثم والله ان جمهور الرياض غسلت يدي منه شوف جمهور الاتحاد والاهلي في جده
وقارن به مع جمهورنا في الرياض

alkaserr20 · #5 17/02/2013, 02:39 PM

باذن اللـَّــﮭ جمهووورالرياض راح يبيض الووووجه

بالتووووفيق للملكي

SCORPION-KING · #6 17/02/2013, 02:42 PM

موضوع جميل

بالتوفيق للملكــــي مساااء الإثنين أمام الشباااب

وإن شاء الله نشوف حضور جماهيري يرفع الراس ويحسس اللاعبين الأجانب بأنهم يلعبون للنادي الأكثر جماهيريه على مستوى الشرق الأوسط وآسيا بأكملها وليس في السعوديه والخليج فقط ...

Hasson_M · #7 17/02/2013, 03:44 PM

بالتوفيق للهلال وللاعبيه
تحياتي لك ..

هيمو الخيبري · #8 17/02/2013, 04:05 PM

إقتباس

الرسالة الأصلية كتبت بواسطة عاشق العربي


	يارجال والله ثم والله ان جمهور الرياض غسلت يدي منه شوف جمهور الاتحاد والاهلي في جده وقارن به مع جمهورنا في الرياض

والله تبي الصراحه جمهور الغربيه كله يطربك سواء اتحاد او هلال او اهلي
جمهور الرياض للأسف ماعندهم الا اذا حضرو يجلسون ساكتين ويتفرجون
ليت الهلال مكانه بالغربيه

عاشق الشبكه · #9 17/02/2013, 04:26 PM

خلاص ياناس وقفو تسجيل الواحد مو قادر يتصفح ولا يكتب من المبزره قسم بالله

هيمو الخيبري · #10 17/02/2013, 09:56 PM

إقتباس

الرسالة الأصلية كتبت بواسطة SCORPION-KING


	موضوع جميل بالتوفيق للملكــــي مساااء الإثنين أمام الشباااب وإن شاء الله نشوف حضور جماهيري يرفع الراس ويحسس اللاعبين الأجانب بأنهم يلعبون للنادي الأكثر جماهيريه على مستوى الشرق الأوسط وآسيا بأكملها وليس في السعوديه والخليج فقط ...

الله يســـمع منـــــــــــــك ,,,

al-jouf · #11 18/02/2013, 01:18 AM

اتمنى حظظظظور الجمهووور وبكثافبه وتشجيعع ..

وبالتوفيييييق للملكي

..

ويعطيككك الف عافيهه على الموضوع ...

والله يكتب اللي فيهه الخخخير للهلال..

استغفر الله العظيم واتوب اليهه . .

سسبححان الله وبحمده سبحان الله العظيم . .

اللهم ارحم المؤمنين والمؤمنات والمسلمين والمسلمات الاحياء منهم والاموات . .