جمهور الهلال / زلاتكو / ياسر الشهراني / ياسر القحطاني / رئيس الهلال / وسط الهلال / الهريفي / مسعد / بيت شعر لجماهير النصر ..
 

""بسم الله الرحمن الرحين ""

كيفكم ان ششاء الله بخخخير ؛؛

انا بموضوعي هذا راح اتكلم عن كم حاجه ويمكن هي اللي ماخذه 90% من مواضيع المنتدى . .

مََ ابي اططول عليكم . . .

1 - رئيس الهلال

http://files.alhilal.com/images/8080...4048822203.jpg

الصورة هذي اخذتها من تدريب نادي الهلال يوم امس الاحد . .

واضح عليهه التعب مايدري يلقاها من الجمهور اللي يطالب بإبعاده او من مرض والده اللي يرقد في المستشفى ..

هذا الرجل ضحى بماله ووقته وبيته وشعره لأجل نادي الهلال وجماهيره ... نشوف ( بعض ) الجماهير تقول عنه صاحب مثاليه .. ابي اعرف لازم يضحك الناس علينا عشان مآ نقول انه صاحب مثاليه ..؟؟!

ما ابي احدد اسم رئيس نادي معين ولكن افتح اليوتيوب وتفرج عن الاشخاص اللي تبيه مثلهم واضحك عليهم ..
ولا لازم يتكلم كل مباراة بالتحكيم ... ابي اقولك ان مآ وصل الانديه الثانيه للمرحلة هذي الا كلامهم بالتحكيم وانهم مظلومين ..

واللي يقول ان الرجل استثماري ... بالله شخصص يفهمني شلون حكمت عليه انه استثماري ؟؟
اغلب الجمهور يقول استثماري عشان نيفيز ورحيله .. ابي افهم " لاعب ومآ يبي يلعب بالشرق الاوسط وسبق انه قالها " قال ابي العب لمنتخب البرازيل وان مدرب المنتخب ماراح يلعبه الا لمن يكون بالبرازيل او بـ اوروبا ..
وش ذنب ابو فيصل بالسالفه ..؟؟!
يعني لازم يبيعه بخسارة عشان مانقوول عنه مثالي .. بالعكس انا اشوف انه اكثر رئيس حريص على النادي ويدفع ..
ولاحظ قلت حريص قبل اقول يدفع ..

كلنا شفنا تغير كبير في نادي الهلال في عهد رئاسته سواء بالمنشئات او باللاعبين الاجانب او بالمدربين او بغيرها من انجازات .. واللي صاير باخر سنه او سنتين اخطاء يمكن انها تحصل بأي فريق بالعالم ولا يوجد عمل من دون اخطاء .. الخطاْ مو عيب > العيب الاستمرار في الخطا ..

من اليوم كلنا معكك يا ابو فيصصصل والله يشفي والدك ويقر عينك فيه ..



2 - دالاتش زلاتكو

http://www.alyaum.com/News/files/201..._958880010.jpg

كلنا متفائلين بككك وان ششاء الله تكككون فال خير علينا .. ويارب يرجججع هيبه الفريق الهلالي ..

مدرب طموح انضباطي تكتيكي لديه روح عاليه . .

كلنا شفناه يوم كان يدرب الفيصلي عام 2010 واخذ افضل مدرب في استفتائين مع العلم ان مدربنا كان غريتس..

وبصراحه اشوف ان زلاتكو قريب من طريقة لعب قريتس لانه يركز على الوسط واللعب من لمسه وحده مع التوازن في الدفاع .. واكبر دليل السنه هذي في اولمبي الهلال لعب تقريبا 10 مباريات وما دخل فيه الا هدف واحد فقط ...

(( كنت تتمنى تدريب الهلال وتحققت امنتيك " ويارب تحقق امانينا وتجيب لنا اسيا " ))




3 - وسط الهلال

يآآآآ الله على وسطنا 2010 .. كانوا يقولون لنا برشلونآ اسيا .. هذا اللي افتقدناه الحين .. عندنا افضل وسط بالسعوديه وم يلعب منهم الا واحد او اثنين .. (( سالم الدوسري - عزوز الدوسري - العابد - الفرج - الشلهوب ))
اتمنى من زلاتكو يلعب اقل شي بالوسط 3 ..



4 - ياسر الشهراني

http://www.aleqt.com/a/711329_239007.jpg

ترددت في الاخخير اخبار انه بيروح للاهلي او غيره .. والمضحك المبكي ان مصدرها الصرامي :d ...

وين كنتوا وكيف صرتوا ياجمهور الهلال .. ليهه تصدقون اي خبر ؟؟

صدقوني ما قال كذا الصرامي وبالوقت هذا الا انه يبي تشتيت ذهن اللاعب ونادي الهلال ..

الهلال عنده بعد ثلاث ايام مباراة مهمه وهي نصف نهائي وحنا للحين نتكلم عن انتقاله وبقائه ... !!

صدقوني ماترك القادسيه عشان الاهلي والنصر والاتحاد يبي يترك الهلال عشانهم .. مع احترامي للقادسيه .. :smilie47:


5 - ياسر القحطاني

http://up.graaam.com/uploads/imag-4/...22b66bb2be.jpg

رووووح الهلال :ba::ba::ba:

م اقووول الا حسبي الله على ككل من ظلمك .. واتمنى انكك ترد عليهم داخل الملعب ..

مثل ما اتمنى انك م تسكت على الهريفي وتقدم عليه شكوى بسبب مكالمته الاخيره . . .

وكلنا نعرف انك لاعب كبير وان ششاء الله ما تتأثر بشوية ناس مآ تربت ...

ولا تخاف مو بس اننت اللي تتحارب من اعلام وغيره سبقك ناس كثير واخرهم سامي ..

(( والنجم دائما محارب )) ""



6 - محمد مسعد

http://hilalcom.net/up/uploads/image...7561b9b078.jpg

استغرب من بعض الجماهير انتقاد اللاعب وهو مالعب ولا مباراة رسمية مع الهلال . .
بصصراحه انا من مؤيدين هذه الصفقه وبإذن الله راح تنجح خصوصا بععد ما شفناه يوم لعب معنا امام الاهلي المصري . . .
اعتقد انه بديل ناجح مكان البيشي .. على الاقل افضل من محمد نامي .. معع احترامي له :smilie47:
وبعدين اللي مو راضي على محمد مسعد باالله من تبي مكانه :ranting::mad: >> :d
كلنا نعرف ان المميزين سواء شهيل او حسن معاذ او غيره مرتبطين بعقود مع انديتهم ...
والهلال جاب مسعد 6 شهور اذا نجح حياه الله واذا ما نجح على العين والراس ويرجع لناديه ..
وكلنا شفنا تصريحه الاخخخير وواضح من كلامه انه يبي الهلال ...



7 - الهريفي >>

ما ابي اعطيه اكبر من حجمه وراح اكتب عنه كلمتين وفوق حقه بعد ..

اللاعب هذا والله حرام يكتب اسمه بمنتدى الهلال .. بصراحه اشوف انه اخذ اكبر من حجمه ..
واتمنى من الجمهور الهلالي انه ما يعطيه اي اهميه ولا يكتب اسمه .. لان كل ما تكلمنا عنه راح يحس انه انسان مهم :d ويزود في كلامه .. وهذا اللي يتمناه اتمنى من اليوم ورايح ولا شخص يجيب طاريه بالمنتدي انا كتبت عنه فوق بنقطة ياسر القحطاني وقلت انها أمنيه اتمناها من ياسر انه يشتكي عليه .. بس ما كتبت وش قال ونزلت له مقاطع ....إلخ ""



8 - جمهور الهلال

http://fareegi.com/wordpress/wp-cont.../helalFans.jpg

اتمنى منككم نسيان الماضي واننا نفتح صفحه جديده .. وزلاتكو ماله اي ذنب باللي راح لاهو ولا رئيس الهلال ولا اللاعبين .. كله من المدرب السابق واللي الحمد لله انه راح بخيره وبشره .. اتمنى من الجميع نسيان الماضي الا زلاتكو اتمنى انه يشوف الاخطاء ويعمل على تعديلها ...
من يوم السبت في مباراة الفيصلي " نصف نهائي كأس ولي العهد " اتمنى من الجماهير دعم الهلال ودعم ((( كل لاعب ))) يرتدي شعار نادي الهلال ...



بالأخخخخير .. م اقووول الا الله يرحمككك ياجدي " مات وكان يتمنى انه يشوف النصر يفوز على الهلال "



* فيه شاعر هلالي يقووول :

حنا بشر , ونحس بهموم البشر
صعبه تخليهم كذا ما يفرحون

تصدقون اعرف طفل عمره عشر !!
يقول : فاز النصر ولا تمزحون ؟!


و آآآسسف على الإطططاله ...

ان اصبت فمن الله
وان اخطأت فمني ومن الشيطان ..

استغفر الله العظيم ..
سسبحان الله العظيم .. سسبحان الله وبحده ..
اللهم ارحم المؤمنين والمؤمنات والمسلمين والمسلمات الاحياء منهم والاموات ..
اللهم وفق الهلال فوق كل ارض وتحت كل سماء ..

كفيت ووفيت مشالله تبارك الله

ماخليت شي الا وقلته

اوافقك الراي بكل كلامك

وانا والله لي فتره طويلة ادخل المنتدى ولا اسجل دخول لاكن هالمره قلت لازم ارد على كلامك الغاية بالروعه


وكل التوفيق للهلال في المرحلة الجاية

يعطيك العافيه اخوي
كلنا مع الاداره
كلنا مع المدرب
كلنا مع اللاعبين
وبالتوفيق للزعيم في المباريات القادمه
متفائل خير بإذن الله
دعواتنا لزعيمنا

بداية احييك واحلى لايك على موضوعك المنوع والجميل
تعليقي فقط في جزئية الرئيس فالواضح انكم تأخذون العبارة وتستشهدون بأحداث لايمكن ان يلومه عليهاالجمهور
حينما نقول مثاليته فنحن نقصد الاساءات التي تعرض لها الهلال وسكوته عنها ولعل منها ماقام به المريسيل وكذلك اصبع ايمانا وفتح الهلال وغيرها من الاساءات علاوة على التعامل الغير احترافي مع ملفات جريتس والفريدي وهوساوي
القضية ليست ان يصبح مثل خبيلان يطالب بماليس له وانما نريده ان يحافظ على ماعنده
الاستثمار ليس كما صورته في موضوع نيفيز وانما طوال مايزيد على اربع سنوات لم نر لاعب محلي يفاوضه الهلال وهو يستحق ذلك فكل الصفقات من نوع رخيص وكويس ونتفق على رخيص والايام تثبت انه غير كويس اما الاجانب فيكفي ان تشاهد مفاوضات عام ال27 مدب حتى تدرك ذلك
ارجو من من يتحدث حول هذين الجانبين ان لايحاول اللف في الموضوع لإثبات ان سموه لايخطىء وان الجمهور لايفهم فعليكم الحديث عن نقاط محددة بعيد عن نيفيز وعن الاتيكيت في جلوس سموه في المنصة

ألف شكر والله على الطرح الرائع والعقلاني أجدت بكل حرف سطرته وهكذا معدن الزعماء الأوفياء
وأعجبتني الأبيات اللي طرحتها وحبيت أجاريها بهذه الأبيات

العمرمهما طال ينقص بالعمــر /// والناس ساعه حزن وساعه يضحكون

وأهل الوفاء مايعرفون أهل الغدر /// أهل الوفاء عالــين ,, لاماينزلـون

وأهل الردى قدامهم واد(ن) حدر /// لاجاو يطوفونه بوسطه يسقطــون

وهذي الزعامه عشقنا بدو وحضر /// متمسكين بعشــقنا ,,,يالمفـــترون

ماهمــنا فوز(ن) ذهب يم النصـــر /// يبقـــى الفقـــر فقر(ن) إذا مايعرفون


تحياتي

ايه كذا من اول الحمدلله بديت اشوف مواضيع حلوه
وان شاء الله يستمر الحال على طرح المواضيع الزيينه واللي لها فايده

اشكرك اخوي ابدعت بجمال الطرح الراقي والجميل
كل التوفيق للكيان الازرق

مشكور وماقصرت كفيت وفيت وكلام موزون وعين العقل من انسان فاهم ومحب لناديه والله يكثر من امثالك.لك ودي وحترامي

كلام كبير ي ولد الجوف

موضوع كامل متكامل والكامل وجه الله

زبدة ما يريده الجمهور الهلالي ويناقشه تلخصت في موضوعك الجميل

أتفق معك في كل ما ذكرت في طرحك الراقي

أهنيك ..

تحيتي وتقديري وإعجااابي ...

تسلم يالغالي .. :rose::rose: :rose:

واسعدني مرورك .. شكرا لك .. :smilie47::smilie47:

الله يععععافيككك اخخخوي ..
ومنور الموضوع برككك تسلم .. :smilie47::smilie47::rose::rose:

هذا الكلام ..
نبي ندعم الاداره واللاعبين والمدرب وكل شي ..
نبي كلمتنا تصير وحده ..
منووور يالغالي ... :smilie47::smilie47::smilie47:

هلا بككك اخخخوي ..
بخصوص انهه م يرد على الاساءات اللي تجينا ..
هذي شغله المركز الاعلامي .. وبعدين الفتح وما الفتح .. قدم شكوى على الكاتب ولكن لا حياة لمن تنادي ..
وبخصوص ايمانا وقف معه لمن راح للجنة الانضباط وطلعت برائته .. وغير كذا م يقدر يسوي ..
وافضل شي بالمواضيع هذي انه يتصرف بحكمه .. وهذا اللي سواه يحل المشاكل بدون فوضى وازعاج ..

واذا على اللاعبين المحليين .. افضل الموجود ولا احد قادر ينكر الشي هذا تحصلهم بالهلال .. وش ذنبه يجيب لاعب ويطلع الموجود افضل اما اذا تتكلم على المميزين جدا ما تحصلهم الا بالانديه الكبيره ومستحيل يفرطون بهم ..
نشوف لاعبين يجون للاهلي والاتحاد والنصر وغيره .. وينجحون مو معناتها انهم افضل من الهلال بالتعاقدات المحليه .. لككن لاعبينهم سيين وجو لاعبين من انديه صغيره واصبحوا افضل منهم ..
وزياده على كذا شف تعامل الانديه الثانيه مع الهلال ومع غيره .. تحصل اللاعب اذا بيروح مثلا للاهلي ب 5 مليون ويقدم الهلال عرض يقولون ب 10 مليون والشواهد كثيره ... شف الشهراني وبالموت جانا ..

واذا على فريدي وهوساوي .. بالله لو جددنا مع واحد منهم ب اكككثر من 5 مليون للموسم وش نسوي بالعابد وعزوز وسالم والفرج والقرني والبيشي وغيرهم ..؟؟!! راح يطالبون فوق الـ 5 او ينتقلون وراح نخسرهم اكيد ..
يعني لو تفكر فيها الهلال هو المستفيد ... شفنا بعد توقيع الفريدي المشاكل اللي صصارت بالاتححاد من لاعبينهم الي ما يحضر التدريبات واللي قدم شكوى ... لان الاتحاد تعاقد معه بمبلغ كبير وهم ما سددوا الرواتب ...

واذا على الاجانب ابي اقولك اذكر افضل اجانب لعبوا بالدوري السعودي راح تذكر اجانب الهلال ممع ابو فيصل ..
وحتى على المدربين من افضل المدربين لككن زي ما قلت في الموضوع ما في عمل دون اخطاء ولكن الحمد لله والحين نمشي بالطريق الصحيح ..
وعلى الاقل الحمد لله ايجابياته تغطي على سلبياته ..


ومشكككور على الرد اللي نوور الموضوع ... :smilie47::smilie47::smilie47:

هلا بكك اخخووي ..
منووور الموضوع .. وصح لسانك يا ششاعرنا .. :smilie47::smilie47::smilie47: