|
ياا حبيبي ما قلنا اسكت لكن لا تهدم كل الي سواها الامير من مسك الرئاسه والهلال محسود وخلاهـ افظل فريق الى الان تبي اخليك تتآكد انك من جمهور الفوز وليس المشجع المخلص لنآديه وقت الفوز والخسآره هل تعلم ان الهلال المركز الثآني بالدوري وكل الانديه الكبرى بالمملكة خلفه هل تعلم ان الهلال على خطوه واحد للفوز بكأس ولي العهد للمرة السادسه على التوالي وهل تعلم ان الهلال باقي له فتره ويدخل مباريات دوري ابطال اسيا يعني يا حبيبي ننافس على كل البطولات وما تبيه يمدح الرئيس لا يا حبيبي انت مضيع الطاسه ومستحيل الهلال يكون مثل النصر بسبب خساره واحده وهو الان منافس على الدوري لحد الان الرد هذا الى العضو رادوي غيرك ما طالبو رئيسهم بترك الرئاسه ومع انهم ليس منافسين على كل البطولات الي ضيع المباره امام النصر المدرب وليس الرئيس |
مشكلة اغلب الجمهور يا ابيض يا اسود فيه من تحدى كل حدود الادب مع الرئيس والادارة واستخدم اسلوب ( النصراوييه ) في تعاملهم مع ادارتهم وفيه من يرى ان الادارة لا تخطأ ومهما سوت كثر خيرها اللي جالس يصير بالمنتدى بصراحه ليس اسلوب الزعماء ولم نتعود عليه فلم نتعود على التطاول والسب والشتم على من يخدم الفريق حتى لو اخطأ نعم لا نرضى ان تمس كرامة زعيمنا ولكن ايضاً لا نتجاوز حدود الادب وهنا فرق شاسع بين النقد والهجوم فيه كثير مواضيع فيها شخصنه للامور وبعيده عن مصلحة الفريق اللي يحب الفريق بصدق يختار الوقت المناسب علشان ينقد يختار اسلوب محترم يخاطب فيه ناس بذلو الجهد والمال من اجل زعيمنا يتجنب مواضيع المهاجمه واثارة البلبله بين الجمهور والادارة نعم للنقد الهادف لا للهجوم المسيء |
كلامي لا يعني ابداً ان الادارة لا تخطأ فبيع عمر الغامدي و التأخر في التعاقدات والسكوت غير المبرر احياناً على من يتهجم على الزعيم وكأن النادي لا يملك مدير مركز اعلامي من اخطاء الادارة التي عليها اصلاحها وان كانت غير قادره على اصلاحها نتمنى ان تعطي الفرصه لغيرها وان ترحل بكل الود والاحترام ولن ننسى ما بذلوه من جهد كبير في تطوير النادي والانجازات التي تحققت في عهد ابو فيصل |
الصراحه تزعل !!! اشكر من قام برفع الموضووع بعد عناء اشكر كل من تواصل بالموضوووع سواء بالشتم او التعليق بادب على قدر الالم يآتي الصرآآآآخ ( في هذا الموضوع اتضح لي اللي كنت ابحث عنه ) اولا: كل من زعل وولول وتصدى للموضووع بقلب غيور وقلب يدافع عن حق المشجع الهلالي ( للاسف يحب نفسه ) بمعنى ... سمو الامير اخر سنتين شانين عليه هجمه مرتده كل ابونا مثالي واستثماري وماعنده فكر تمنيت احد يقدر يواجه الحقيقه ويقوول صراحه غلطنا في حقه ... لكن الاغلبيه يدافع عن نفسه فقط ... وهذا يدل على حب النفس ثانيا: كل من دافع عن الجمهور الهلالي معه حق لكن انا ما تكلمت ووجهة كلامي للجمهور الواعي .... موضوعي واضح وقسمت الجماهير حسب اللفظ .. في ( مثالي ... واستثماري ) وليس من ينقد سمو الامير بادب وبعيد عن الاساءه ..!!!!!! ثالثا: الرجال من سنتين يشتم ويساء لشخصه وحنا نزيد على كلامهم ونثبته على سمو الامير والحين الكل زعل وصار عنده شخصيه للدفاع عن نفسه بدون مايفكر كيف سمو الامير عايش طوال السنتين هذي ومتحملنا بكلامنا ؟؟؟؟؟؟؟؟؟؟؟؟؟؟ اترك لكم الاجابه واشكركم من جديد وصدري يحتمل كل ما يجول في خواطركم اخوكم هلالي زهراني |
تقعني ان الجمهور الهلالي موب فاهم يعني + الامير ما قصر معنا لكن يريحنا و يريح راسه والله محد بيقوله شي لا مسخرة ولا شي الاهم مصلحة النادي في الاول و الاخير ( الرئيس الشاعر ليس كفوا لقيادة نادي رياضي حالة كحالة مشجع لا يفهم الادارة و الرياضة بتفاصيلها ) الموضوع في من التفخيم و المصلحة العامة شكرا لك على رايك لكن لا اوافقك الراي و لربما الاغلب كان و اصبح ضدك |
السلام عليكم ورحمة الله وبركاته مع احترامي للجميع الكل معرض للإنتقاد والكل يخطي وخطأ الامير في تسريح هرماش والابقاء على كمبوارية هرماش لم يكن سيء بل توضيف المدرب الخاطيء له افقده بروزه والدليل من بعد رحيل هرماش لم يفوز الهلال والامير لا زال يفقد لاعبين من الهلال ولم يحرك ساكن ذهب هوساوي والفريدي والشهراني سيذهب للنصر اذا لم يتم شراء عقده والعابد محط انظار الاتحاد وسيذهب في ظل فكرة سقف عقود اللاعبين ولكم حرية الفهم وتقبلوا اطيب تحية. :ba: |
شكرا لكل حرف اهديته المنتدى اسلوبك اسلوب شاعر متمكن وخبير مدرك لواقعه ومثل هذه المواضيع نحتاجها دائما للتذكير بدور المشجع الحقيقي |
إقتباس:
من عام 2011 ولك 41 مشاركة يا شيخ روحوا لمنتدياتكم وفكونا :raygun: |
نحترم رئيسنا مهما قيل عنه ونحن بدون شبيه الريح لاشيء سنقف معك في حالة الفوز او الهزيمة . فجمهور الزعيم هو جمهور الوفاء |
موضوع رائع في وقت اروع تسلم اياديك ... |
خهخهخهخهخهخهخهخهخهخهخ..... يا حليلك بسّ ( فاجأتني ) ضحّكتوا الناس عليكم الله يفشّل العدووووو...( أقصد اللّي شادّين حيلهم هالأيام بمثل هذه المواضيع ):ap: |
كلنا مع الرئيس لانه دعمه هو والفريق من مصلحه الهلال ونهايه السنه بحول الله الكل بيكون سعيد |
- بغض النظر عن موضوعك اللي ما أدري شلون فكرت تنزلـه ! صار اللي ينتقد " عمل الاداراه و بدائية اخطاءها " كويتب وامعه ومندس < حط خطين على عمل ! حبيبي يا صاحب الموضوع ترى كل الجماهير اللي تنتقد ابن مساعد تنتقده .. بسوء ادارته وتكرار اخطاءه و استهباله بطريقه عمله ف بلاش مثل هالمواضيع اللي اقل ما يقال عنها " تطبيليه " < هذا اذا اخذت بنظريتك وتصنيفك ان كل من ينتقد ( يا مندس يا كويتب يا امعه ) اللي تقبله على غيرك لابد انك تقبلـه على نفسك ! تجيب صُور له وهو يناظر هالصرح الاعلامي وتتكلم بمعناه ( شافوك يا ابن مساعد تناظر شبكه الهلال .. ف صار كل من هب ودب يكتب ) لا يا حبيبي .. جماهير الهلال واعيه لما شافت التخبط الاداري ما سكتت للرئيس ! ولا تبي نصفق له وهو يكرر كل موسم نفس الاخطاء ؟ الجماهير ما تكلمت الا يوم شافت الفساد يعثي بالهلال .. بشكل بشع ! ما احد انتقد ابن مساعد من فراغ ! الكل شايف الدمار اللي صاير بالفريق ؟ الا اذا انت تشوف ان وضع النادي حالياً بالسليـم ! هذا شي ثاني و جالس تجيب صور ذاك الفريق اللي له ربع قرن بدون بطولات وتقارن فيه بفريقنا ! وكأنك تلمح ( شوفو الفرق بينا وبينهم " صابرين وساكتين " .. حبيبي فريقنا بطل ماله داعي هالحركات ) انا ادعم الفريق + المدرب + اللاعبين .. اما ابن مساعد لا و الف لا وين وصله هالدعم اللي جالس تقول عليه !! ( غير فلورز بالتويتر فوق المليون + تغطرس وتكبرعلى جماهير الهلال+ اصرار ومكابره على اخطاءه + صار ما يقبل النقد ولا يتقبل الراي ) الهلال اكبر من ابن مساعد يا هلالي زهراني ! الهلال هو من وصـل ابن مساعد لهشكل ولهصوره ! انا مستعد اقسم لك بالله ان اكثثثر المبسوطين ببقاء ابن مساعد " اعـداء الهلال بكافه ميولهم " يكفي انه جالس يسوي اللي عجزوا يسوونه بسنوات في الهلال ! اتمنى بنهايه هالموسم اشوف ابن مساعد برى النادي .. استمرار ابن مساعد .. ماهو الا جريمه بحق الهلال :smilie47: |
إقتباس:
|
ياسلام عليك انت اللحين طبل اعظم لان تعديت مرحلة التطبيل |
| الوقت المعتمد في المنتدى بتوقيت جرينتش +3.
الوقت الان » 06:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd