ضجت المنتديات الهلالية بسالفة الشهراني وفيه مواضيع كثيرة ان الشهراني بيروح للأهلي وان الصرامي عنده معلومات اكيده بتقديم الاهلي عرض للشهراني!!! فياجمهور الازرق وياعشاق الهلال ماكل مايقال ويفبرك نصدقه,, الشهراني وبإذن الله هلالي للمواسم القادمة وأنا أراهن على عضويتي إن أحياني الله وإياكم,,, ومن متى الصرامي جاب خبر صحيح بحياته !!!!!! والله كلها حرب اعلامية من اللوبي الاصفر قبل نهائي ولي العهد ,,, وهذا تعودنا عليه قبل اي مباراة او بطولة يسوونها,,, وبطولة اسيا ومباريات الفقر الماضية خير دليل.
.
.
وبعدين وبالعقل لو الاهلي يبي اللاعب هل بيقدم عقده الحين !!!!! يعني هل متوقع ان الشهراني بكرة ولا بعد اسبوع بيوقع للاهلي؟؟؟ وحنا نعرف وضع الشهراني وكيف حبه وولائه للهلال ورفضه للعروض عندما كان بالقادسية واصراره ع الهلال.
.
وبعدين لو كان خبر حصري انو الاهلي يقدم عرض سري ومايدري عنه الاعلام بيكون الخبر عند الصرامي !!!!!!وحسن عبدالقادر وعلي الزهراني وطقتهم من الاعلام الاهلاوي مايدرون بالخبر!!!
.

فلنصطف معا مع هلالنا, فالفترة القادمة مرحلة حصد فالدوري وصل ذروته,,, وبطولة الكأس تبدأ بأول لقاء بعد التوقف ضد الفيصلي, وآسيا حانت
.

الاهلي يدفع الهلال محدد سقف

بإذن الله الشهراني هلالي للأبد

فهو يستحق إرتداااء شعااار الزعيم وبكل جداااره

شكرا لك

اتفق معك بكل نقطه وهاذا هو المنطق

والمشكله انهم مصدقين المخيس الصرامي الفقراوي

يبي يشتت الجمهور والاداره بسالفت الشهراني ويصدمهم في بعض ويشغلنا بشي مو وقته
وينسينى الاهم وهو الدوري وكاس ولي العهد ولا تنسى النصر ينافسنا عليه

على العمو الله يوفق الهلال يارب

تراهن على عضويتك يعني اقنعتنا
قول اون لاين نشرت هذاالخبر
وعلى افتراض كذب الصرامي وقول اون لاين هل ترى في الادارة الهلالة كفاءة لحسم هذه الصفقة ونحن شاهدناها على مدى عامين تعجز في موضوع ياسر ولولا رغبة اللاعب لكان الان نصراوي
ولكن لاتراهنوا كثيراً على مسألة الولاء فهذا عصر الاحتراف وزيادة مليون ستجعل اي لاعب ( سعودي ) خارج التغطية بعيد عن العقل وعن العاطفة ويوقع لو لنادي في الدرجة الثانية
المطلوب من سموه في اول خطوة هو تفريغ حسن الناقور لحسم هذه الصفقة وهو الذي تعهد بها وابعاد عبدالله بن مساعد عنها فقد كان السبب في افشالها بإعلانه التويتري وثالثاً الضغط عن طريق فيصل بن فهد واحمد الزامل والشريدة عبدالله على ادارة القادسية لحسمها

إقتباس الرسالة الأصلية كتبت بواسطة شعشقون الاهلي يدفع الهلال محدد سقف

شف وانا اخوك ترى الشهراني هو نسخة كربونية لياسر القحطاني بالضبط وبكل شي,,, ياسر لو يبحث عن المال لذهب قبل ان يأتي للهلال,,, النصر دفع اللي وراه ودونه بس اللاعب اراد الهلال , والاتحاد والاهلي كذلك, وقصة القحطاني ليست ببعيدة فالقادسية اصر على انتقاله للاتحاد للعرض المغري وياسر اصر ع الهلال لحبه له, فحينها ادرك الياقوت ان لامناص من انتقاله للهلال, فالشهراني صرحها قبل ان يأتي اما البقاء بالقادسية او الذهاب للهلال, فما بالك عندما عاش بالهلال ووجد الحب!!!
لا تدخل افكار واشباح الفريدي بالشهراني, فالفريدي اعطاها كاش انا مع من يدفع اكثر, الشهراني قال الهلال او القادسية, وهذا ماسيجعل اعضاء شرف الهلال يبقونه ولو بالذهب.
.

هي محاولة من مافيا الاعلام النصراوي للضغط لا اكثر ولا اقل ياخي كم مره اقسم هو والدويش والمريسل قبل بطولة اسيا ان الفريدي وقع وان واحد امير اتوقع من عيال فهد دفع 37 مليون وان كل شي انتهى وفي الاخير يطلعون ولا كانهم كذبوا واقسموا بالباطل .......
لو من الاداره الهلاليه اتفق مع الشهراني على ان يعود للقادسيه ثم ينتقل بعد نهاية عقده بعد عام واخلي القادسيه ينفعهم اعلام النصر قالوا للهزاع بنكلم الامير يحطك في الاتحاد السعودي يوم جت الانتخابات قالوا توكل على الله ....
شكرا لك

إقتباس الرسالة الأصلية كتبت بواسطة عذب السجايا تراهن على عضويتك يعني اقنعتنا قول اون لاين نشرت هذاالخبر وعلى افتراض كذب الصرامي وقول اون لاين هل ترى في الادارة الهلالة كفاءة لحسم هذه الصفقة ونحن شاهدناها على مدى عامين تعجز في موضوع ياسر ولولا رغبة اللاعب لكان الان نصراوي ولكن لاتراهنوا كثيراً على مسألة الولاء فهذا عصر الاحتراف وزيادة مليون ستجعل اي لاعب ( سعودي ) خارج التغطية بعيد عن العقل وعن العاطفة ويوقع لو لنادي في الدرجة الثانية المطلوب من سموه في اول خطوة هو تفريغ حسن الناقور لحسم هذه الصفقة وهو الذي تعهد بها وابعاد عبدالله بن مساعد عنها فقد كان السبب في افشالها بإعلانه التويتري وثالثاً الضغط عن طريق فيصل بن فهد واحمد الزامل والشريدة عبدالله على ادارة القادسية لحسمها

شكرا على مشاركتك,,, طيب انسى موضوع العضوية,, بناءا على نظريتك لماذا انتقل ياسر القحطاني للهلال؟؟؟ الم يقدم الاتحاد 40 مليون بشيك مصدق وعرضه الياقوت على الهواء مباشرة بالتلفزيون!!! والهلال قدم قرابة 20 مليون على دفعات؟
مقارنتك لادارة الهلال خلال العامين الماضيين صحيحة لو كان اللاعب من طينة الفريدي ومن هم على شاكلته, فالشهراني صرحها مرارا وامام الملأ بأن انتقاله اما للهلال او البقاء للقادسية وهذه قبل حتى ان يأتي للهلال, فما بالك الان.
انا لا اختلف معك بمسألة الادارة والضعف في التفاوض والدعم المادي ولكن حيثيات الشهراني تختلف كثيرا عن سابقيه, وتوقيت خبر الاهلي هل تعتقد انه محض الصدفه!!! الا تعلم ان بعد التوقف الهلال سيلعب مع الفيصلي بولي العهد ومن ثم النهائي بمشيئة الله ضد النصر!!!! قليلا من التفكير سندفع بهلالنا للامام بإذن الله.
.

إقتباس الرسالة الأصلية كتبت بواسطة ثائرالهميجان هي محاولة من مافيا الاعلام النصراوي للضغط لا اكثر ولا اقل ياخي كم مره اقسم هو والدويش والمريسل قبل بطولة اسيا ان الفريدي وقع وان واحد امير اتوقع من عيال فهد دفع 37 مليون وان كل شي انتهى وفي الاخير يطلعون ولا كانهم كذبوا واقسموا بالباطل ....... لو من الاداره الهلاليه اتفق مع الشهراني على ان يعود للقادسيه ثم ينتقل بعد نهاية عقده بعد عام واخلي القادسيه ينفعهم اعلام النصر قالوا للهزاع بنكلم الامير يحطك في الاتحاد السعودي يوم جت الانتخابات قالوا توكل على الله .... شكرا لك

الله يذكرك بالشهادة بسالفة الفريدي,,, قبل لقاء اولسان باسبوع ضجت مواقع التواصل الاجتماعي بأن الفريدي وقع على اتفاقية (لاحظ اتفاقية) مع عضو شرف نصراوي,,, اصلا من متى عضو شرف يحق له يوقع مع لاعبين واتفاقية,, ابي افهم وش يعني اتفاقية؟؟ هي اما عقد اعارة او شراء عقد اما اتفاقية فلاشي يوجد بنظام الفيفا يسمى اتفاقية, ولكن للأسف الكل بدأ بالترويج ومنهم الهلاليين للأسف حتى تحقق مراد اللوبي الاصفر وخرج الهلال من اسيا وأجبر الفريدي على تدفئة الدكة,,, وبالنهاية راح للاتحاد ولا كأن الدويش والصرامي اقسموا على توقيعه للنصرفالأهداف اصبحت واضحة كحرب اعلامية لا اقل ولا اكثر.
.

.
وبعدين لو كان خبر حصري انو الاهلي يقدم عرض سري ومايدري عنه الاعلام بيكون الخبر عند الصرامي !!!!!!وحسن عبدالقادر وعلي الزهراني وطقتهم من الاعلام الاهلاوي مايدرون بالخبر!!!
.


ماراح يفضحون ناديهم أتوقع مصيرة مصير

هوساوي يرروح القدسيه 6 شهور ثم على طول للاهلي

للأسف ماعندي ثقه في الادارة

للأســــــــــــف ماعندنا ثقه بإدارتنا الموقره ...........

لآ آثق في إدارة عبدالرحمن بن مساعد مثل ثقي فيهاا سابقا ..

توقعوا اي شيء وتجهزواا لصدمات قد تأتي في آي وقت ..

للأسف الاداره زرعت الشك عند الجماهير وصار كل مايقال يصدق اتمنى رحيل الاداره مع نهاية الموسم وكثر الله خيره وماقصر الأن زمن ماده تبي تنافس لازم تدفع واذا استمر الرئيس سيدمر الهلال

الشهراني كلنا متفقين عليه اما الخريطي اقصد الفريدي ثلاث ارباع الجمهور الهلالي ما يبغاه