|
إقالة كومباريه وتكليف زلاتكو تحفظ ماء الوجه للادارة وخسارة الفتح اليوم من الشباب تعطي الضوء الاخضر لزلاتكو بالتوفيق للزعيم بسم الله الرحمن الرحيم أحسنت صنعا الادارة الهلالية بانصياعها لمطالب الجماهيرالهلالية بإقالة المدرب السباك كومباريه الذي كنا نخشاه أكثر مما نخشى الفرق المنافسة نظرا للعبث الذي قاعد يعبثه بالهلال طيلة 8 شهور تقريبا وجاء الفرج متوافقا مع خسارة الفتح من الشباب اليوم 2-1 بشق الانفس حيث أصبح الفارق ثابت بين الهلال والفتح ومع استلام زلاتكو لتدريب الهلال سيتم كسر هذا الفارق في مباراتين أو ثلاث قادمة من أصل 9 جولات باقية ومن هنا أصبحت حظوظ الهلال قوية الفوز بالدوري باذن الله تعالى ؟؟؟؟فمبروك لكل الهلاليين هذه الخطوة الجريئة للادارة باقالة كومباريه وتكليف زلاتكو فقد جاءت فرصة مناسبة لهذا المدرب الشاب من أجل السير قدما بالهلال والابتعاد عن الافكار الراكدة وليعرف زلاتكو أن الفريق الاول ليس كالفريق الاولمبي وأن جماهير الزعيم لا ترحم وأن سمعة الهلال تتفوق محليا واسيويا وعربيا فعليه أن يعي ذلك - وفي النهاية نشكر أبو فيصل على ماقام به من قرار جريئ وصارم بحق المدرب من اجل حفظ ماء الوجه وحفظ ما تبقى من حظوظ للهلال في المنافسة على الدوري لما لا والشباب والاهلي قد فرملوا الفتح وقدموا هدايا مجانية للهلال لكن رفضها كومباريه - أما فيما يتعلق بالفقراوية فالهلال سيخوض في دور الاربعة مباراة بكأس ولي العهد وفي حالة فوزه وفوز النصر قد يتقابلا الفريقان مرة أخرى هذا الموسم وحينها سيندم النصراويون على فوزهم الباهت ليلة البارحة على الزعيم رغم أن الحكم لم يحتسب ضربتا جزاء للهلال - فهزيمة الهلال أمس رأس مالها 3 نقاط فقط ولكن هزيمة النصر في المباراة القادمة فيما لو لاتلاقى الفريقان سيكون رأس المال هوالخروج من كأس ولي العهد وحنا وراهم وراهم هالفقراوية وسيعرفون الزعيم في قادم الايام كما عرفوه في السنوات الماضية - فشكرالك أبا فيصل و شكرا لجماهير الزعيم التي طالبت وأصرت على إقالة المدرب كومباريه حتى تحقق لهم ما أرادوا - فبالتوفيق للزعيم والزعماء ويجب علينا كجماهير مساندة المدرب والادارة واللاعبين في المراحل القادمة ---- والله من وراء القصد---------------------------------- |
بعد اقالة المدرب حان موعد اقالة الرئيس الذي لا يملك اي طموح ابدا ً اجل الاسيوية صعبه علينا ؟؟ اين الطموح في هذا الرئيس ؟؟؟ للمعلومية يا ابن مساعد تراك ما حققت شيء جديد للهلال بالعكس في ادارتك رأينا هلال لم نعرفه منذ زمن هلال متهالك سيء ضعيف في كل المواسم الا موسم جيرتس الذي كان غير طبيعي |
بدري عليه تووه يقيل المدرب لكن شكرا ع الشباب قدم لنا هديه وبتوفيق للزلاتكو بتوفيق للهلالنا ي رب |
المشكله مو الفارق بين الهلال والفتح..!! المشكله بالفرق بينا وبين الشباب.. ياخوي لازم الهلال يركز خلاص على المركز الاول.. ولابنفقد المركز الثاني.. الله يوفقه زلاتكو ويوفق اللاعبين.. هذي مرحلتهم لإثبات انفسهم..وإثبات ان الخلل كان بالمدرب.. زلاتكو مدرب رائع وفاهم الفرق الهلالي.. اتمنى يساعدونه اللاعبين لإثبات انفسهم وللإداره قبل الجماهير انها على خطأ في الابقاء على مدرب متهالك.. |
الشباب قدم للهلال هديه بهزيمته للفتح بالتوفيق للهلال بقيادة زلاتكو |
إقتباس:
ادارة الهلال من افضل الادرات وماقصرت في شي ابد التخاذل من اللعيبة |
انا الحين عندي سؤال ليش خلال ثاني مباراه من الدوري على طول اقاله وبعد اختياره للمحترفين اذا كان عند الاداره نيه في اقالته ليش ماكانت قبل الفتره الشتويه |
مدرب لايناسب فريق بحجم الهلال .,الهلال يملك خامات جيده منها شابه ومنها مخضرمة والسير يعتمد على التكتيك الأوربي بخطة 4-4-2 خطة اعتقد انها خطة للفرق الضعيفة لتوازنها وهاذا مو اسلوب الهلال ، اخرج الهلال من اسيا بهاذا التكتيك ذهابا وايابا , استهلك شباب الهلال ،الشهراني ,سلمان, أبقا الشلهوب حبيس الدكه , اعتزال حسن العتيبي ، وكل هاذا بسبب عبد الرحمن لأنه يريد (مدير فني) ,..؟ |
المرحلة الاولى اقالة المدرب المرحلة الثانية طرد اشباة اللاعبين ( مرشدي - غنام - نامي ) |
المصيبة ان زلااتكو يقدم مستويات مبهرة ويعيد هيبة الزعيم مؤقتا لحين البحث عن اخر (عالمي) يدمر الفريق ويعيده الى دواه مثلما حصل مع سامي العام الماضي الفتح مدرب مغمور ليس له اي تاريخ صنع فريقا هو الان في صدارة الترتيب وقريبا من تحقيق انجاز بطولة الدوري زالاتكو اتمنى لك التوفيق في قيادة الدفة الملكية الزرقاء الى بر الامان بعيدا عن عواصف ورياح كمبواريه وتتوجها يارب ببطولة الدوري والكاس النصر مبروك لك البطولة التاسعـــ 39 ـــة والثلاثين والحق وثقها بالفيفا |
الله يعطيك الف عافيه بالتوفيق لزعيم الملكي |
إقتباس:
- اولاً الاختلاف لا يفسد للود قضيه لا تقول ان الاداراه ذي من افضل الادارات - للإمانه شوهه تاريخ الهلال الجميل ! رئيس ما يعرف وش احتياجات الفريق = الهلال ماله اي لزمه فيه ! رئيس ما يفقه بالكوره اي شي .. والدليل كلامه على ان " ان زمان صانع الالعاب انتهى " ! اخطاءه كثيـره .. بس مع هذا ما ننكر انه قدم لنا باول موسمين له هلال جميل بس للاسف نسف كل شيء بغروره ! وسالفه ان التخاذل من بعض اللاعبين انا معك .. بس تتوقع من سببها ؟ الرئيس جالس يشوف ان لاعبين من امثال ( الزوري + النامي + المرشدي ) بكل مباراه لهم مع الهلال اخطاء بدائيه ولا فيه تطور بمستويات الفريق .. ولا يقول لهم اي شي ؟ وفوق كل هذا تخبطات فنيه وادرايه بمسأله التعقدات الاجنبيه مع المحليه ! تقدر تقول لي وين المسلـم ؟ ووش الهدف من التعاقد مع الحارثي وغيره من امثال .. الجيزاني قائمه طويله ! و ما انسى اصراره على منقان وتأهيله واصراره على اخطاءه مثل هرماش والكوري يو ! واصراره على المُدرب ؟ انا من وجهه نظري ان الرئيس افلس " فكرياً ومادياً ومعنوياً " صار ماعنده طموح ابدددددداً حتى حضوره للمباريات .. ما يحضر " باستثناء مباراه النصر - ادري ان والده تعبان " اسال الله له الشفاء العاجل ! الا اقدر اقوله .. أعان الله الهلال وجماهيره بُوجود هالرئيس :smilie47: |
إقتباس:
- و أضيف على كلامك اخوي .. استقاله الادراه بنهايه هالموسم الصراحه ابن مساعد - ماعنده اي شي يقدمه للهلال " جالس يلف بحلقه مٌفرغه " والضحيه الهلال ! واضيف على اللاعبين ( الزوري ) واعطاء انذرات لبعض اللاعبين امثال " البيشي والقرني و الحارثي " لابد يطورون مستوياتهم ولا مكانهم برى النادي ! |
ابشروووووووووووووا مني بعدم وضع مواضيع انتقادية الى نهاية الموسم |
إقتباس:
- أنا اقول لك ليش .. من البدايه كان عذر الاداره ( اصبروا وادعمو ) رغم ان المُدرب اوضح للعيان انه - حرام يُطلق عليه مُدرب من بداء كومبورايه وكانت الجماهير الهلال تطالب بمُحاسبه له ! لكن الاداره ما تشوف ومن انتصف الموسم .. صارت الجماهير الهلاليه ما تبي مُحاسبه تبي " شوته لـ كومبورايه " لان اللي يقدمه عبث بالنادي ! كالعاده الاداراه اذن من طيّن واذن من عجين .. بس بما ان مباراه النصر ديربي وخلالها تتسكر فتره الانتقالات الشتويه ( وما يمدي احد يطالب بمُدرب عليه الكلام ) قرر بن مساعد - ان يكون كومبورايه " كبش فداء " لاخطاءه القاتله ! من الاساس التعاقد معه خطاء .. ومن يتحمل هالخطاء غير رئيس التويتر عفواً " الهلال " تخبط في تخبط .. الهلال يمشي مع ابن مساعد للمجهول ! |
| الوقت المعتمد في المنتدى بتوقيت جرينتش +3.
الوقت الان » 09:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd