نادي الهلال السعودي - شبكة الزعيم - الموقع الرسمي - الرضوخ لطلبات الجماهير ( العاطفية ) يعني بداية الإنحدار .!!

إقتباس:

الرسالة الأصلية كتبت بواسطة أبو المعاريف (مشاركة 21075412)

شكراً لكل من جرح فيني ..

لكن للأسف لم اجد رد يناقش الموضوع ..

انت ما تفهم كورة انت خالف تعرف ..

سؤال ..

أليس الهلال الآن بالأرقام الأفضل ( هجومياً )
والأفضل دفاعياً مع الفتح ؟؟

سؤال
هل المحترفين الموجودين الآن مع كومبوارية

مثل المحترفين اللي كانو مع جريتس ؟؟

الكلام اللي اللي ابي اقوله

بالرغم من عدم وجود الأدوات القوية في يد المدرب الفرنسي

إلا انه مقدم العمل اللي عليه بشكل جيد ..

ويقدم نتائج ..

على العموم

الوقت بيني وبينكم وتشوفون كلامي صح ولا غلط

أخوي كلامك واضح جداااا، أنت جالس تسوي مقارانات بين الاجانب في عهد جريتس وفي عهد كمبواريه....؟ مقارنة ما لها أي قيمة أبدااااااااا، لو عندك اجانب كبار ولا عندك مدرب عنده استقرار في خططه وكل مباراة شكل، ولاعب ظهير يلعبه وسط، وظهير يلعبه قلب دفاع، ومعاد بقى إلا يجرب الحارس راس حربة..؟ ويحتفظ بأبرز اللاعبين في الاحتياط ، واللي مو جاهز يلعبه في مباراة مهمة مثل ما حصل مع نامي، بالله عليك تقدر تقول انه هذا عنده حس كروي، والا خطط مدروسه، يعني تبي ننتظر حتى آخر مباراة حتى يفهم وش المناسب..؟ معليش اذا خالفناك وقلنا الفريق فوق مستوى هالمدرب... دول على إنه سئ إلا أنه أفضل منه قراءة للمباريات.

بعدين الارقام اللي قاعد تقول عنها هجوما ودفاعا، أنت جالس تتكلم عن زعيم آسيااااااا يعني لولا الله ثم وجود كوكبة اللاعبين، وبعض الاجانب المميزين مثل وسيلي كان ما صار لنا مثل هذه الأرقام، يعني هالنتائج ما تحول لحساب المدرب لوحده...! الزعيم بعد جريتس حصل فيه سوء إعداد بدءا من اختيار المدربين المرتجلة، وفي آخر نفس نتعاقد وبشق الأنفس وياليته مع كبار بل مع مدربين أقل ما يقال عنهم عاديين، وغيرناااااااا من فرق مغمورة تتعاقد وبسهوله، حتى الجار مدرب يطلع ومدرب يدخل، إلا احنا صرنا حكاية لوسائل الاعلاااااااام الهلال قاب قوسين أو أدني من التعاقد مع .....الخ وآخرتها كمبواريه اللي يقال إنه أقل من عادي، يعني الخالد أفضل منه.
بعدين أنت جالس تدافع عن المدرب وتقول إن ما عنده أدواات ..الخ والله غريب هالكلام، كل شئ كان بيد كمبوارية، ما قد مر على الفريق مدرب أعطي كل شئ إلا هو، جاب منقان، وتفرد بكل شئ فلا يريد مدير كرة أبدااااااااااا، لا يريد أحد يتدخل في عمله، وحصل له كل شئ من الادارة؟ وأفلس، وطير علينا لاعبين، مثل شافي على انه عنده خلل في الانضباط، ثم كاد يطير العابد، ووقف بقوة وحارب النجم الخلوق حسن العتيبي الذي عمل باحترافية وتدرب بانفراد مدة طويلة ، وآخرتها اعتزال، ثم أراد أن ينهي الموهبة التي لن تتكرر الشلهوب، والحارثي الذي أصبح أسيرا للاحتياط، وبارك خروج نجوم أمثال الفريدي، ويلعب ناس في غير خانته، ولا ابن أمه يتدخل، والله هذا كان بعبع حتى على الادارة، ومع هذا تقول شغال صح ، صح ولكن بالتحطيم لهذا الكيان، وزين رئيسنا ابن مساعد اقتنع وخالف قناعته وقاعدته الغريبه بأن من غير المناسب انهاء عقد مدرب في نص الموسم، اش هالكلام اللي ما يمشي حتى على عميااان.
ياشيخ وربي كلنا كبار وصغار تنفسنا الصعداء... ونشكرك ياخوي لطرحك لكن وجهة نظرك ماهي سليمة ودمت محبا للزعيم.